Блог

Фитнес исхрана – 5 клучни совети

фитнес исхрана за појадок

Кога ќе се спомне здрава исхрана во денешното модерно време каде постојат повеќе изготвени планови од лекари, нутриционисти и фитнес тренери, сигурно сте забележале дека доста често се спомнува внес на протеини и пиење големо количество на вода. Но, според плановите изготвени од експертите, ваквата исхрана вклучува внимание и напор од ваша страна. Имено, ова се 5-те клучни совети кои треба да ги знаете и да ги практикувате:

1. Јадете многу овошје и зеленчук

Во просек, се препорачува да јадете најмалку 5 порции разновидно овошје и зеленчук секој ден, без разлика дали се свежи, замрзнати, конзервирани или сушени. Можеби ви изгледа многу, но, тие порции може да ги конзумирате и искомбинирани за соодветна фитнес исхрана. На пример, зошто да не исецкате банана заедно со житарките за појадок или да ја замените вообичаената дневна ужина со свежо овошје?

овошје

Во една порција од свежо, конзервирано или замрзнато овошје и зеленчук има 80 грама, додека пак сушено овошје е 30 грама. Исто така, една чаша од 150 милилитри со овошен сок, сок од зеленчук или смути, се смета за 1 порција. Но, сепак треба да внимавате и да ја ограничите дневната количина на 1 чаша дневно зошто содржат шеќери и штетат на забите. Но, може да ги комбинирате со други состојки и да си готвите вкусни оброци после тренинг.

2. Јадете повеќе риба

Рибата е дел од секој тип на фитнес исхрана без разлика дали е мрсна или не. Рибата е добар извор на протеини и содржи многу витамини и минерали. Неделната препорака е да јадете најмалку 2 порции риба, но може да јадете и повеќе од препорачаното. Имено, постојат повеќе начини за подготовка на вкусна риба.

риба Фитнес исхрана

Мрсната риба е богата со омега-3 масти и може да помогне во спречување на срцеви заболувања. Во маркет може да најдете лосос, пастрмка, сардини, скуша итн, додека пак во не-мрсна риба спаѓаат: туна, ослиќ и слично. Можете да изберете од свежа, замрзната и конзервирана риба, но тука внимавајте зошто конзервираната и пушена риба може да содржи многу сол.

3. Јадете помалку сол

Препорачаната дневна доза за внес на сол во вашиот организам не треба да биде поголема од 6 грама (за возрасни). Јадењето премногу сол може да го зголеми вашиот крвен притисок. Според тоа, најдобро е да не додавате сол во вашата фитнес исхрана. Околу 3/4 од солта што ја јадете веќе е во храната кога ја купувате, како што се житарки за појадок, супи, леб и сосови.

сол

Доколку имате проблем со срцеви заболувања или висок крвен притисок, најдобро е да се консултирате со лекар. Децата на возраст од 11 години и повеќе, не треба да јадат повеќе од една лажичка (6 грама) сол на ден. За подетална проверка на сол во оброците, може да изберете од прилогот со рецепти на Рептил каде се наведени употребените состојки за подготовка.

4. Не го прескокнувајте доручекот

Некои луѓе го прескокнуваат појадокот затоа што сметаат дека тоа ќе им помогне да ослабат. Но, здрав појадок богат со магнезиум, растителни влакна и малку маснотии, шеќер и сол може да биде дел од урамнотежена фитнес исхрана и може да ви помогне да ги внесете хранливите материи што ви се потребни за да го сочувате вашето здравје.

фитнес исхрана - житарки со овошје

Исто така, може да пробате и некои од зрнестите житни култури со понизок шеќер, заедно со полу-обезмастено млеко и овошје, или пак да јадете тиква со здравствени придобивки и која е достапна овој период. На пример, може и да ја декорирате порцијата каде овошјето ќе го исечете на врвот со што ќе направите вкусна фитнес исхрана.

5. Пијте вода на правилен начин

Треба да пиете многу течности за да не дехидрирате. Имено, лекарите препорачуваат пиење од 6 до 8 чаши секој ден. Оваа бројка ја вклучува и водата што ја добивате од храната што ја јадете. Тука се вбројуваат сите безалкохолни пијалоци, но водата, млекото со ниска масленост и пијалоци со помалку шеќер, вклучувајќи чај и кафе, се поздрав избор во споредба со останатите.

чаша вода

Кога пиете комбинирани пијалоци од овошен сок, сок од зеленчук или смути, не треба да бидат повеќе од 150 милилитри на ден (мала чаша) затоа што може да содржат шеќери. На крај, не заборавајте да пиете повеќе течности за време на топло време или додека вежбате за да останете хидрирани и да се придржувате до правилна фитнес исхрана.

Заклучок

За да успеете во одржување на редовен внес на здрава исхрана и не е многу тешко, само треба да јадете повеќе здрава од нездрава храна. Вашето фитнес мени треба да се состои од балансирани порции кои содржат одбрано количество на витамини, масти, добри шеќери, протеини и вода. За било какви прашања или совет, секогаш консултирајте се со лекар или нутриционист.