Кога ќе се спомне смути, сигурно веднаш помислувате на пијалок направен од овошје или зеленчук. Но, смути може да направите и со други намирници кои се сметаат за дел од здравата исхрана и покрај свежите намирници. На пример, како што може да се направи смути со јаткасти плодови, може да се направи и со семиња.
Имено, семињата се полни со витамини, минерали и здрави масти кои се добри за вашиот организам. Тоа се семиња што ги грицкате од семкара или ги земате во пакување од маркет. Од нив може да направите смути и да додадете зеленчук или овошје за да биде повкусно. Во продолжение ги издвоивме петте најдобри семиња кои можете да ги најдете во маркетите.
1. Ленено семе
За лененото семе може да се каже дека е најздраво меѓу овие семиња. Богато со јаглехидрати, магнезиум, железо, како и витамините Б6 и Б9 кои придонесуваат за правилна функција на вашиот организам. Комбинирано во смути со други намирници е одличен оброк за деца и возрасни.
Сите овие хранливи материи содржани во лененото семе помагаат при намалување на крвниот притисок и регулирање на шеќерот во крвта. Препорачаната дневна доза на мелено ленено семе во текот на денот е 1-3 лажици.
2. Семки од тиква
Семките од тиква се доста вкусни за грицкање, но дали сте ги пробале досега во смути? Вкусот останува ист, само овој пат место ужинка може да ги конзумирате и како оброк. Имено, хранливите материи кои ги содржат семките од тиква помагаат за нормална функција на организмот.
За тоа придонесуваат и антиоксидансите со чија помош се воспоставува нормална функција на уринарниот тракт. Големото ниво на калиум, калциум, витамин К и железо придонесуваат за здравје на коските и нормален крвен притисок.
3. Сончоглед
Иако се здрави, препорачаната дневна доза на семиња како сончоглед е 30 грама на ден, нели секоја храна треба да се конзумира умерено. Многумина од вас, сончогледот го јадат како ужинка по пат или со добар филм, но, доколку го конзумирате како дел од вашата диета или уживате во вкусот, нема да згрешите доколку си направите вкусно смути за доручек или пак ужина. Како одличен извор на протеини, витамин Е, витамини Б1 и Б3 помага при превенција на малигни заболувања и против стрес, замор и настинка.
4. Чиа семе
Доколку сакате да се ослободите од постојаниот замор, смути од чиа семе и овошје е добитна комбинација од која ќе се чувствувате поенергично во текот на денот. Покрај тоа, ќе се чувствувате здраво затоа што чиа семето содржи антиоксиданси и омега 3 масни киселини – едни од најважните соединенија потребни за здрав организам. Чиа семето има неутрален вкус и е доста актуелно на социјалните мрежи токму поради неговиот вкус кој може да се додаде во секој оброк.
5. Сусам
Сусамот е доста познат додаток во повеќе видови на оброци, декоративно во салата или пак благо печен како зачин за збогатување на крцкавиот вкус. Покрај тоа, во денешно време се користи и во смути – се става во блендер заедно со останатите состојки.
Исто како и чиа семето, и сусамот има неутрален вкус, што значи може да се искомбинира и со овошје и со зеленчук. Семиња кои изобилуваат со протеини како сусамот е добро да се става во смути во текот на бременоста затоа смутињата ја олеснуваат бременоста.
Чиа пудинг
За семињата е помалку познато дека се здрави и вкусни додатоци во исхраната. Доколку сакате да ги исфрлите отровите од организмот – семиња во комбинација со овошје и зеленчук прават одлично смути. За оваа цел, избравме рецепт од кој може да си направите вкусен и здрав оброк, кој може да ви послужи како доручек или како ужина, а за повеќе избор може да ја посетите страната со прилог од рецепти на Рептил.
Потребните состојки се следниве:
- Млеко
- Чиа семе
- Јаворов сируп
- 1 лажица екстракт од ванила
- Нане
- Овошје (по избор)
- Овошје (по избор) за декорација
Начин на подготовка:
Во сад измешајте ги заедно млекото, чиа семиња, јаворов сируп, екстракт од ванила и овошје. Мешајте додека добиете густа смеса или ставете ги состојките заедно во блендер се дури не се згусти. Декорирајте со нане и овошје по избор. Ставете го во фрижидер да одстои околу 6 саати или може веднаш да го сервирате. Може да стои во фрижидер до 5 дена.
Заклучок
Смутињата се вкусни и здрави што значи не мора да бидете на диета за да ги конзумирате. Добро е во текот на денот да си приготвите барем едно смути со семиња и овошје или зеленчук за здрав оброк.
