Кога луѓето ќе слушнат за тиква во денешното модерно време, веднаш помислуваат на тоа дека се користи само за традиционална декорација на Ноќта на вештерките. Сепак, месото од растение од тиква обезбедува низа здравствени придобивки надвор од популарните свечености.
Тиквата е вкусна, разноврсна и може да се додаде во вашата исхрана на лесен и доста иновативен начин. Можеби нејзиниот сладок вкус сте го сретнале во јадења како креми, пити и палачинки. Сепак, може да се искористи и во солени јадења како што се печен зеленчук, супи и тестенини, а може да ја пронајдете во било кој од маркетите на Рептил.
1. Го зајакнува имунитетот
Една тиква е доволно богата со хранливи материи кои можат да го зајакнат вашиот имунолошки систем. Тиквата содржи бета-каротен кој вашето тело го претвора во витамин А, кој пак помага да се изборите против инфекциите што го напаѓаат имуниот систем и со тоа да станете отпорни на инфекции.
Тиквата е богата и со витамин Ц кој помага имуните клетки да функционираат поефикасно и да го забрзаат процесот на заздравување. Покрај овие два витамини, тиквата содржи витамин Е, железо и фолати кои го помагаат имунитетот. За да го зајакнете имунитетот, може да си подготвувате смути со семиња од тиква секое утро.
2. Го подобрува здравјето на срцето
Тиквата содржи и други хранливи материи кои го штитат срцето од заболувања. Меѓу нив се вбројуваат калиумот и витаминот Ц. Едно истражување покажало дека со внесување на калимум, ќе имате помал крвен притисок и намален ризик од мозочни удари – два ризични фактори за срцево заболување. Друг фактор за срцево заболување е покачениот холестерол, кој може да го регулирате со редовна конзумација на тиква. На пример, може да си направите здрава и вкусна зимница – џем или слатко од тиква кое не мора да содржи големо количество на шеќер како засладувач.
3. Го спречува и контролира дијабетесот
Вклучувањето на тиква во исхраната може ви помогне во контролата на дијабетесот и нивото на шеќер во крвта. Студија од минатата година покажа дека комбинација од два растителни екстракти, од кои едниот полисахариди од тиква, го намали нивото на шеќер во крвта. Истражувањето покажува одреден потенцијал за овие соединенија на растенијата да го ограничат дијабетесот тип 2.
Поради нивното влијание врз шеќерот во крвта, научниците може да ги преработат во антидијабетичен лек, иако се потребни дополнителни студии. Но, засега, може да си подготвувате вкусни рецепти со тиква од кои ќе се инспирирате и се по ваш личен избор, и кои ќе го збогатат вашиот дом со нејзиниот привлечен мирис.
4. Тиквата придонесува за здрава кожа
Тиквата содржи витамин Ц, витамин Е и бета-каротен кои играат важна улога во здравјето на кожата. Нашето тело не го произведува витаминот Ц и затоа е важно да го добиваме преку исхраната бидејќи тој учествува во формирањето на колаген, ги лечи модринките и помага раните побрзо да заздрават.
Од друга страна пак, витаминот Е делува заедно со витаминот Ц како заштита од сончевите зраци и против сувоста на кожата. Бета-каротенот исто така ја штити кожата од сончевите зраци и од изгореници, иако се уште е потребна крема за сончање. За да конзумирате тиква редовно, во вашите оброци или ужинки, може да додадете семки од тиква.
5. Губење на тежина
Тиквата се вбројува меѓу производите богати со магнезиум. Покрај тоа, богата е со растителни влакна, кои го забавуваат варењето. Според експертите за исхрана, со јадење на тиква ќе бидете сити подолго време. Тиквата е нискокалорична, има помалку од 50 калории по порција, што ја прави одличен избор за вечера доколку сте на диета и внимавате на исхраната, или сакате да ги исфрлите отровите од организмот. Исто така, конзервирана, тиквата содржи скоро 90% вода со што ви помага да останете хидрирани.
6. Го подобрува видот
Тиквите се доста богати со антиоксиданси. Витамин Ц, витамин Е и бета каротен го подобруваат здравјето на очите и спречуваат дегенеративно оштетување кај постарите и возрасни лица. Имено, националниот институт за очи спроведе клиничко испитување минатата година, наречено Студија за болести на очите поврзана со стареењето (AREDS). Резултатите покажаа дека високи дози на витамин Ц, витамин Е и бета каротен можат значително да го намалат ризикот од дегенерација на макулата поврзана со стареењето.
7. Го покачува серотонинот
Истражувачите тврдат дека 80% од луѓето страдаат од недостаток на серотонин. Тиквата е храна што содржи амино киселина – триптофан. Имено, триптофанот се претвора во серотонин, а серотонинот е невротрансмитерот што ви помага да се смирите, да се релаксирате и полесно да заспиете. Според тоа, потребно е да произведувате природен серотонин, а еден начин за тоа е преку ваквата типична исхрана. Тиквата е лесна за подготовка и може да направите сос за тестенини или прелив за салата.
Заклучок
Постојат многу начини за да јадете повеќе тиква. Ако си подготвувате свежа тиква дома, покрај свежиот мирис, ќе ви донесе најмногу придобивки за здравјето, но и конзервираната тиква е исто така одличен избор. Според горенаведеното, тиквата задржува многу од своите здравствени придобивки во процесот на конзервирање.
