Саси вода е комбинација од краставица, рендан ѓумбир, лимон и нане измешана во два литри вода и оставена да отстои преку ноќ. Позната е уште како диета за рамен стомак, измислена од Синтија Сас, па оттука го добила и името. Препорачливо е да се пие 4-5 чаши на ден. Саси водата помага да се елиминира надуеноста на стомакот и задржувањето на водата. Најдобар ефект за да добиете рамен стомак е да ја комбинирате со здрава и умерена исхрана. Целта е да се фокусираме на здрав начин на живеење и јадење, како промена на стилот на живот.
Придобивки на саси вода
Мошне често кога доживувате надуеност и задржување на водата, последното нешто што сакате е да пиете вода, бидејќи така се чувствувате како да го влошувате проблемот. Но, реалноста е кога сте дехидрирани, вашето тело всушност задржува вода во клетките, бидејќи мисли дека се случува состојба на глад. Пиењето вода редовно го уверува вашето тело дека нема недостиг. Всушност саси водата како напиток ја намалува надуеноста и задржувањето на водата во организмот. Следи опис на состојките од кои се состои саси водата и нивните бенефити.
Краставица
Краставиците се преполни со антиоксиданти, витамин Ц, а нивната кора содржи бета-каротен. Антиоксидансите се борат против слободните радикали во нашите тела и се поврзани со болести како што се Алцхајмерова болест, карцином и срцеви заболувања. Заради тоа што саси водата содржи краставица и самата претставува поддршка за вашиот дигестивен систем. Овој освежителен пијалок има и освежувачки вкус.
Ѓумбир
Ѓумбирот може да се класифицира како супер храна, бидејќи има многу здравствени придобивки. Тој е моќен засилувач на имунитетот, помага при лекување на кашлица и настинка, убивајќи ги бактериите и може да делува и превентивно. Го забрзува метаболизмот, помага во излачувањето на токсини и ја стимулира циркулацијата на крвта. Исто така, тој помага при полесно варење на храната и гастроинтестинални проблеми, дејствувајќи како смирувачки на дигестивниот систем. Ѓумбирот може да го купите во маркетите како суров или мелен, по ваша желба. Со својот лут вкус придонесува за карактеристичната арома на саси водата како освежителен напиток.
Нане
Нането исто може да помогне во подобрувањето на имунитетот преку подобрување на варењето на храната, поради што заедно со ѓумбирот имаат уште поделотворно дејство. Нането ги стимулира ензимите за варење, помагајќи да се апсорбираат хранливите материи од храната, претворајќи ги маснотиите во корисна енергија. Мирисот на саси вода е во суштина е комбинација на мирис на нане и краставица.
Лимон
Лимоните се познати по тоа што имаат голема доза на витамин Ц. Лимонот има својство да го подобрува имунитетот, а преку тоа ја намалува можноста од појава на голем број на болести и го подобрува нашиот квалитет на живеење.
Дополнителна придобивка на лимонот е тоа што децата баш заради лимонот го сакаат вкусот на саси водата. Знаејќи дека една од најбитните работи поврзани со исхраната на децата е да се одржуваат хидрирани преку целиот ден, заради нивната постојана активност. Поради тоа саси водата е брзо и ефикасно решение лесно да се избегнат засладените сокови кај децата.
Со оглед на тоа што нашите тела се состојат од шеесет проценти вода, секој обид кој придонесува лесна хидрација на нашето тело е добредојден. Посебно во пролетните и летните денови вреди секогаш на вашата маса да имате саси вода. Ретко вкусен и делотворен освежителен напиток од кој целото семејство ќе се чувствува полесно, поенергично и поздраво.
