Лесно сварлива храна богата со витамини и минерали се идеалните намирници во лето. Конзумирање на лесна храна, а избегнување на онаа тешко сварливата како месо, скара и слично е совет на секој нутриционист и лекар. Иако, самиот организам ќе ви покаже што му е потребно кога е топло, добро е да знаете со што треба да се храните во тој период.
Што треба да внесувате?
Нашето тело содржи до 60% вода и според тоа, треба да се конзумираат намирници што се нутритивни или богати со вода. Пред се, треба да пиете голема, но сепак ограничена количина вода според возраста. Препорачаната дневна доза за возрасни е 3,7 литри за мажи и 2,7 литри за жени. Додека пак за деца е препорачливо 150 мл до 4 години и 250 мл за повозрасни.
Имено, конзумирањето на вода во текот на жешките денови е потребно за да останете хидрирани. Но, да се пие пречесто вода понекогаш е тешко и затоа се препорачува конзумација на зеленчук и овошје и јаткасти плодови или апетисани. Сите видови на зеленчук се здрави, но зелениот зеленчук е оној кој содржи најмногу вода, додека пак овошјето содржи добри шеќери, потребни на организмот. Сепак, храната треба да биде добро избалансирана, и според тоа, ви ги препорачуваме следните намирници:
1. Јогурт
Јогуртот е намирница за сите годишни времиња, но добро е што можете да го конзумирате и во жешките денови затоа што е полн со нутриенти. Содржи голем број на протеини и е богат со пробиотици, кои го штитат дигестивниот систем од бактерии. За време на жешките денови не е препорачливо да се јаде премногу ниту да бидете гладни зошто може да ви наштети, а јогуртот заситува со што ќе имате количински избалансиран оброк.
2. Банана
Кога е топло, може да ни се случи времето да не дехидрира или доведе до замор, а бананата е позната по тоа што ни дава енергија. Исто така соджи и калиум кој ни помага при регулација на течностите во организмот. Бананите може да ги конзумирате како мини оброк или ужина за да не останете гладни, и да ја вратите енергијата затоа што служат како намирници со кои ќе се изборите против заморот.
3. Компир
Печени, пржени или варени, компирчињата се секогаш вкусни. Но, во лето е добро да се конзумираат печени или варени затоа што тогаш ја задржуваат нивната хранлива вредност. Имено, компирите се богати со витамин Ц, витамините Б и манган – состојка која ги намалува воспаленијата во организмот. Овие намирници придонесуваат и за здрава циркулација на крвта, го зајакнуваат имунитетот, и ја подобруваат дигестијата. Може да ги конзумирате со салата или риба, а како извор за повеќе идеи, може да ви послужат рецептите на Рептил.
4. Диња
Дињата покрај тоа што го збогатува вкусот на трпезата, го зголемува и здравјето на организмот. Витаминот А придонесува за здрав вид, коски и имун систем. Од голема важност е и здравјето на кожата, а дињите се намирници кои доста придонесуваат за поубава кожа. Богати се со витамин Ц – состојка која ги обновува клетките на кожата, додека пак витамините А и К кои го спречуваат раното стареење.
5. Домат
Еден домат со просечна големина содржи околу 93% вода. Покрај тоа, содржи и антоксиданси и витамин Ц кој е потребен за зајакнување на имунитетот. Исто така, содржи и ликопен, антиоксиданс или витамин Е кој ја штити кожата од предвремено стареење. Доматите се намирници што се добри за здравјето на срцето и препорачливо е да се конзумира за вечера, за телото да ја прими потребната количина вода и нутриенти во текот на ноќта.
6. Лубеница
Нејзиниот вкус е тоа што не привлекува, но ако ги знаете и нејзините предности за здравјето, ќе ја конзумирате секојдневно. Лубеницата е богата со витамин А, витамин Ц, цинк, железо, ликопен и антиоксиданси кои го штитат организмот од разни дигестивни, бубрежни, срцеви заболувања итн. Но, главната причина за да јадете почесто во лето е тоа што ги содржи неопходните електролити и 92% вода за да останете хидрирани.
7. Риба
Честопати нутриционистите препорачуваат риба во диетата затоа што штити од срцеви заболувања. Покрај тоа, месото на рибата е полесно сварливо и затоа се препорачува конзумирање и во лето. Без разлика дали ќе се одлучите за слатководна пастрмка, туна, лосос или ослич, сите видови на риба се богати со протеини и омега 3 масни киселини кои се потребни на организмот а не ги создава сам и треба да ги внесуваме преку храна.
8. Краставица
Краставицата е една од летните намирници кои ве одржуваат хидрирани затоа што содржат дури 96% вода. Интересно за краставицата е тоа што ја намалува температурата на организмот, што е важно за време на топлите денови. Краставиците се намирници кои комбинирани со нане служат како детокс пијалок при што организмот ги исфрла токсините. Така, ќе ја разбиете монотоната употреба во салата.
Заклучок
Иако летото во суштина си носи вкусни и здрави намирници кои преферираме да ги конзумираме во тој период, постојат топли денови кои не дехидрираат и затоа треба да внимаваме на исхраната. За тоа можеби не ви треба совет од лекар или нутриционист, но доколку имате некакво хронично заболување, препорачливо е во текот на летото да се консултирате за да го сочувате вашето здравје.
