Кога купуваме во маркет, има разни видови на леб и многу често се колебаме неколку секунди пред рафтовите при изборот на леб – дали е вкусен, здрав, тазе, со подолг рок на траење итн. Имено, и треба да внимаваме во изборот затоа што не секој леб е добар за дигестијата, за урамнотежена исхрана или соодветна диета. Белиот леб се вари полесно во организмот, но црниот леб се смета за посоодветен избор и покрај можната содржина на адитиви. Според тоа, еве што треба да знаете кога избирате здрав леб:
1. ‘Ржан леб
Во едно истражување спроведено на универзитетот Лунд во Шведска се докажало дека ваквите зрна ја намалуваат телесната тежина и го намалуваат вкупниот холестерол. Имено, луѓето кои јаделе ‘ржан или здрав леб за појадок искусиле намален глад во текот на денот. Поинаку кажано, добиле желба за јадење дури после осум часа за разлика од оние кои јаделе бел леб.
‘Ржаниот леб се прави со’ ржано брашно, кое потекнува од растение слично на пченица. Овие зрна се вкусни и здрави додатоци кои може да ги вклучите и во вашата фитнес исхрана.
2. Пченичен леб
Пченичниот леб е добар извор на растителни влакна, манган и е еден од производите богати со магнезиум. Содржи и други хранливи материи како калциум, железо, витамин А, Б6 и Б12. Сите тие се потребни на организмот за негова правилна функција. Од пченичниот леб може да направите одлични оброци за деца и возрасни. А за повеќе вкусни и здрави оброци може да го погледнете прилогот со рецепти на Рептил.
3. Леб со семки од сончоглед
Лебот со сончоглед е добар извор на бакар, магнезиум, манган, селен, тиамин, витамин Б и витамин Е. Може да се каже дека меѓу горенаведените, овој е најбогат со хранливи материи. Според тоа помага при заштита од кардиоваскуларни болести, го подобрува варењето (дигестијата), ги зајакнува коските, дава енергија и го одржува мозокот здрав.
Лебот со семки од сончоглед е вкусен и семките се крцкави при секој залак, а може да се комбинира со било каков млечен намаз или да си направите домашен сендвич. Одличен за доручек, ручек и вечера, а совршен за ужина.
4. Интегрален леб со микс од зрна
Интегралниот леб со микс од зрна е добар избор ако сте на диета, но треба да внимавате доколку сте чувствителни на глутен. Одличен е за подготовка на брускети, сендвичи, и е храна која одлично се совпаѓа со чаша вино. Содржи пристојна количина на протеини, растителни влакна, лен, и семки од тиква. Имено, интегралниот е здрав леб, содржи и мали количини на железо, калиум и слично, состојки што се добри за здравјето на коските. Доволно е вкусен за да им се допадне и на децата.
Заклучок
За да изберете здрав леб кој ќе одговара на вашиот тип на диета, побарајте ги во маркет оние што се направени од цели зрна. Неколку добри опции вклучуваат квас, ‘рж, лен и леб од овес. Кој и да го изберете, јадете здрав леб во умерени количини за урамнотежена диета и разновидна исхрана. И на крај, не заборавајте да се консултирате со лекар или нутриционист.
