Одржувањето на здрав начин на исхрана во текот на бременоста е многу важно. Во овој период, на вашето тело му се потребни хранливи материи, витамини и минерали. Исхраната која е богата со нутриенти игра суштинска улога во целокупното здравје на една личност, помагајќи му на телото правилно да функционира, а намалувајќи го ризикот од одредени болести.
Зошто е добро да се конзумира овошје за време на бременоста?
Да се направи избор на храна е клучно за жените кога се бремени. Нивната исхрана ќе му обезбеди на фетусот хранливи материи неопходни за раст и развој. Лошите навики во исхраната, како и вишокот на телесната тежина, можe да го зголемат ризикот од дијабетес.
Едноставно, изборот на здрава исхрана која вклучува овошје, придонесува во вашето здравје и здравјето на вашето бебе. Овошјето може да помогне во олеснување на некои од вообичаените симптоми за време на бременоста. Имено, треба да се внесуваат најмалку пет различни порции на овошје секој ден.
Долу се наведени одредени видови на овошје кои се совршени во текот на бременоста:
1. Бобинки
Бобинките се меѓу најздравите намирници. Тие содржат големи количини на витамин Ц, што му помага на вашето тело да апсорбира железо. Витаминот Ц е исто така важен за здравјето на кожата и за имунолошката функција.
Боровниците, калинките и малините содржат антиоксиданси. Всушност, постојат неколку истражувања кои потврдуваат дека антиоксидансите во бобинките може да помогнат при намалување на оксидативниот стрес.
2. Портокали
Портокалите се одличен извор на следниве витамини:
- витамин Ц
- вода
- витамин Б9 (фолат)
Како доста застапено овошје кај нас, портокалот е овошје кое е одлично за одржување на хидрирана и здрава кожа. Витаминот Ц кој ја има главната улога, може да спречи оштетување на клетките и да помогне при апсорпција на железо.
3. Банани
Бананата е доста популарно овошје во фитнес исхраната од кое нашиот организам има многу придобивки. Имено, бананите содржат високо ниво на:
- витамин Ц
- калиум
- витамин Б6
- растителни влакна
Високата содржина на растителни влакна во бананите може да помогне при опстипација (запек) во текот на бременоста. Покрај тоа, постојат истражувања кои сугерираат дека витаминот Б6 може да помогне во ублажување на гадење или повраќање во раната бременост.
4. Авокадо
Авокадото е овошје што содржи многу монозаситени масни киселини. Исто така богато е со растителни влакна, Б витамини (особено фолати), витамин К, калиум, бакар, витамин Е и витамин Ц. Нивната висока содржина на здрави масти, фолати и калиум, го прави авокадото одлично овошје за бремени жени.
Здравите масти помагаат при градењето на кожата, мозокот и ткивата на фетусот, додека пак фолатот (витаминот Б9) може да помогне во спречување на дефекти на нервните цевки. Авокадото содржи повеќе калиум отколку бананите. Овој минерал помага при олеснување на грчевите во нозете, кои може да се јават во текот на бременоста.
5. Кајсии
Хранливите материи што ги содржи кајсијата го прават богато овошје кое е добро да се конзумира во текот на бременоста. Како добри нутриенти се издвојуваат следниве:
- витамини А, Ц и Е
- калциум
- железо
- калиум
- бета-каротен
- фосфор
Сите овие хранливи материи помагаат при развојот и растот на бебето. Железото може да спречи анемија, додека пак калциумот помага при развојот на коските и забите за да станат силни.
6. Сушено овошје
Сушеното овошје е богато со калории, растителни влакна, разни витамини и минерали. Всушност, едно парче сушено овошје содржи иста количина на хранливи материи како свежото овошје, само без водата и во многу помала количина.
На пример, сливите се богати со растителни влакна, калиум, витамин К и сорбитол (шеќерен алкохол со сладок вкус кој се користи како засладувач). Тие се природни лаксативи и можат да бидат од голема помош при опстипација. Поради засладувачите, за количината на внесување треба да се консултирате со вашиот лекар или нутриционист.
7. Јаболка
Јаболката му помагаат на фетусот да се развиe затоа што се одличен извор на хранливи материи меѓу кои:
- витамини А и Ц
- влакна
- калиум
Според едно истражување, јадењето на јаболка за време на бременоста може да ја намали веројатноста за бебето да развие астма или алергии со текот на времето.
Заклучок
Она што јадете за време на бременоста влијае врз вашата енергија и благосостојба. Исто така, може директно да влијае на здравјето и развојот на вашето бебе. Бидејќи потребите од калории и хранливи материи се зголемуваат, многу е важно да изберете здрава храна густа од хранливи материи.
Зголемувањето на тежината во текот на бременоста е нормално, но важно е да се храните здраво. Здравата исхрана е корисна за вас, за вашето бебе, како и за вашето здравје после бременоста. Доколку имате прашања, секогаш советувајте се со лекар.
