Блог

Протеински производи – карактеристики и придобивки

Протеински производи

Како што е познато, протеините, мастите и јаглехидратите се три главни компоненти од човековата исхрана. Тие играат мошне важна улога во метаболичките процеси, виталните функции на нашето тело и изградбата на нови клетки.

Создавањето на нови клетки и обновувањето на оштетените ткива во човечкото тело не е можно без присуство на протеини. Тие се потребни за мускулното ткиво да се одржи во добра состојба, а исто така придонесуваат и за производство на енергија во телото.

Поради бенефитите кои ги имаат препорачано е 30% од секојдневната исхрана да се состои од протеински производи.

Типови на протеински производи

Протеинските производи се неопходни за нормален развој, раст и функционирање на организмот и мора да бидат по застапени во нашата исхрана.

јаткасти плодови

Има два типа на протеини и протеински производи:

  • животинско потекло и
  • растително потекло

Доколку и двата типа на протеински производи се дел од вашата исхрана најдобро е да се даде предност на протеините од животинско потекло, бидејќи телото заедно со нив ги прима есенцијалните амино киселини кои се неопходни за човекот.

Есенцијални аминокиселини ги нарекуваме оние аминокиселини кои организмот не е во можност сам да ги створи, туку мора да ги внесе преку исхраната, одосно преку протеински производи. Во прилог топ 7 намирници богати со протеини од животинско и растително потекло

1. Црвено месо

Просечна содржина на протеини во црвеното месо е 18%. Претставува одличен извор  на високо-квалитетен протеин чија улога е особено важна за создавањето на енергија, која им  е потребна на мускулите да растат и да се развиваат.

Кога говетското месо се готви подолго време, загубата на вода се компензира со зголемување на содржината на протеини.

Протеински производи месо

2. Сирење

Сирењето изобилува со протеини, а одредени сирења како што е пармезанот можат да содржат и до 36% протеини.

Во просек, меките/младите сирења содржат околу 20% протеини, додека зрелите сирења содржат 26% протеини

Протеинот кој се наоѓа во сирењето е добра алтернатива на протеините кои се добиваат од месото. Овој протеин е исто така од животинско потекло и ги содржи сите есенцијални амино киселини кои му се потребни на организмот.

Протеински производи сирење

3. Риба

Рибата има просечна содржина на високо квалитетни протеини од 21%. Туната го држи првото место со најмногу протеини во својот состав. Таа содржи и голема количина на Б витамини и селен кој претставува одличен антиоксиданс.

Покрај овие високо-квалитетни протеини, рибата содржи и помали количества на заситени масти, а скоро и да нема јаглехидрати. Рибата е исто така и одличен извор на Омега-3 масни киселини.

Нутриционистите препорачуваат да се консумира разновидна риба и тоа два пати неделно, од кои еден внес треба да биде масна риба.

риба

4. Мисиркини гради

Мисиркините гради се речиси чист протеин кој е корисен за градење на мускулна маса поради екстремно ниската содржина на масти.

Мисиркиното месо е најздрав избор на протеински производи од животинско потекло и е богато со хранливи состојки. Околу 84 грама мисиркини гради содржат 25 грама протеини. Освен тоа што е доста здраво, ова месо има и одличен вкус.

мисиркини гради Протеински производи

5. Мешунки

Меѓу мешунките, најбогати со протеини се леќата, леблебиите и сојата. Овие протеински производи не треба да се занемаруваат и треба почесто да се консумираат во текот на неделата.

Мешунките се најбогат извор на протеини од природата и во комбинација со житарки се збогатуваат со сите аминокиселини што недостасуваат.

соја

6. Јајца

јајцето е вистинска супер храна од областа на протеински производи. Тоа претставува одличен извор на протеини, со просечна содржина на протеини од 12%.

Жолчката од јајцето е многу побогата со протеини отколку белката. Јајцата може да се приготвуваат на најразлични начини, не влијаејќи врз нивниот процент на протеини.

јајца Протеински производи

7. Јаткасти плодови

Јаткастите плодови: ореви, лешници, кикирики, индиски ореви, фстаци, бадеми и др. не само што се одличен извор на протеини, туку обезбедуваат и заштита од лошиот холестерол поради присуството на здрави масти.

Трудете се да ги јадете несолени и во оптимална количина.

 

 

 

 

Related Posts