Блог

Најдобра храна што може да се конзумира на празен стомак

Храна на празен стомак

Нема ништо попријатно од вкусен оброк на празен стомак. За ова не ви треба многу, потребни ви се клучните состојки и малку креативност. Исто така, целта на ваквите оброци е да го подобрат варењето и да ја зголемат апсорпцијата на клучните хранливи материи што се потребни на организмот. Потребните намирници можете да ги најдете во најблискиот маркет, а како такви се издвојуваат следниве:

Јајца

Јајцата се богати со протеини, минерали и 9 видови на витамини, добри за развој на организмот. Научниците докажале дека со повремено сервирање јајца за појадок на децата, тие може да достигнат здрава висина. Се конзумираат на празен стомак затоа што ве одржуваат сити подолго време во текот на денот. Вкусни се и варени и пржени, а може да спремите вкусен омлет како од ресторан.

Јаткасти плодови

Јаткастите плодови се богати со протеини и масни киселини. Се нарекуваат супернамирници зошто даваат енергија. Иако се здрави, апетисаните содржат 80% маснотии и затоа се препорачува внес од еден грст дневно. Може да ги јадете на празен стомак за ужина или да ги додадете во смути, но нека бидат непечени за да ги примите потребните нутриенти што ги содржат.

Јаткасти плодови

Смути

Кога ви треба нешто брзо и лесно, рецептите за смути се вистинскиот избор. Тие се доста актуелни и се препорачуваат на празен стомак, за појадок или ужина затоа што се богати со хранливи материи кои ги примаат од состојките. Повкусни се кога овошјето и зеленчукот се комбинираат – само изберете намирници и ставете ги во блендер.

Смути на празен стомак

Свежо овошје

Овошјето е вкусно во било кој дел од денот, но е добро да се јаде и на празен стомак затоа што содржи “добри” шеќери кои треба да се внесуваат во организмот. На пример, лубеницата содржи растителни влакна и големо количество на вода поради што ќе се чувствувате сити. Исто така содржи и електролити со што ќе бидете поенергични. Јаболкото пак, содржи киселини кои помагаат за детокс на организмот.

Овошје

Топла вода со мед

Топлата вода со мед има иста функција како јаболкото – помага да се исфрлат токсините од организмот. Исто така, медот ја зголемува енергијата и ја подобрува дигестијата, затоа се конзумира на празен стомак. Ако пиете топла вода со лимон и мед, на тој начин ќе го забрзате метаболизмот. Имено, еден лимон содржи 100 грама витамин Ц – штити од токсини, а со тоа го штити и имуниот систем.

Палачинки

Палачинките се меѓу омилената храна на децата, а можеби и на возрасните. Може да ги зготвите на различни начини – на стариот начин или да подготвите сунѓерести Американски палачинки. Одозгора може да ставите овошје по ваш избор за побогат вкус и нутритивност, а на крај да ги посипете со мед. Ваквиот оброк нема да го пропушти ниту еден член од семејството. Уживајте!

Палачинки

Чиа семе

Чиа семињата содржат магнезиум, калциум и витамини од групата Б. Поради изобилството од хранливи материи, семињата може да се јадат на празен стомак, ве одржуваат сити подолго време и така помагаат во процесот на слабеење. Тоа е една од причините поради што нутриционистите и фитнес тренерите ги препорачуваат во здрава исхрана и диета. Тие се вкусен избор за појадок во комбинација со кокосово или друго млеко.

Чиа пудинг

Заклучок

Внесувањето на соодветен оброк на празен стомак е важно за вашиот организам. Ако го практикувате ова, со избалансирана храна ќе успеете да ги внесете сите потребни нутриенти, а вашите најблиски ќе може да уживаат во разновидната храна.