На организмот му е потребна разновидна храна за да може правилно да функционира. Всушност потребни му се голем број хранливи материи за да може да ја добие потребната енергија, обновување на ткивото, раст и развој на организмот, избегнување на постојаниот замор итн.
Според ова, потребни се јаглехидрати и шеќери, за организмот да се стекне со енергија, белковини како месо, риба и млечни производи за создавање на антитела, како и заситени, незаситени и повеќекратни масти. Храната што ја конзумирате треба да биде богата и со витамини, минерали и растителни влакна што ќе ви го подобрат вашето здравје.
Јаткасти Плодови
Јаткастите плодови содржат добри јаглехидрати кои се потребни на организмот исто како и добрите масти. Овие крцкави супернамирници се добри за повеќе функции на организмот и тоа, за функцијата на мозокот, коските, срцето, тироидната жлезда итн. Но, апетисаните се најпознати по тоа што даваат енергија.
Кај нас од нив најдостапни се следниве:
Јајца
Јајцата се познати како едни од протеинските оброци за деца и возрасни кои најчесто се конзумираат за доручек. Препорачливо е да се јаде целото јајце а не само белката како што некои луѓе сметаат дека е поздрава зошто содржи протеини.
Иако белката ги содржи протеините потребни на организмот за енергија, жолчката содржи хранливи материи како антиоксиданси и сулфур, кои исто така се здрави и потребни на организмот. Јајцата може да ги подготвите на повеќе начини, а сепак ќе ја имаат истата фунцкија – ќе ви го намалат постојаниот замор.
Банани
Бананите се едни од најпознатите видови на овошје на планетава. Ги конзумираме наутро, пред натпревар или тренинг, или кога сме болни. Тоа се должи на нивната функција која ве ослободува од постојаниот замор и му дава на вашето тело енергија, што е потребна во наброените случаи.
Некои луѓе ги сметаат бананите за златното овошје поради бенефитите што ги содржи. Како такви се вбројуваат витамин Б6, манган, магнезиум, витамин Ц, електролити (потазиум) итн. Една порција банани ги содржи следниве нутритивни вредности кои всушност на организмот му даваат енергија:
- 110 калории
- 1 грам протеини
- 28 грама јаглехидрати
- 15 грама природни шеќери
- 3 грама растителни влакна
- 450 мг електролити (потазиум)
Спанаќ
Спанаќот е од тие видови на зеленчук што содржи хранливи материи кои произведуваат енергија во организмот. Како такви се железо, калциум, магнезиум, потазиум и витамините А, Ц и К. Покрај тоа, во спанаќот има и растителни влакна и антиоксиданси кои придонесуваат за здравствената состојба на организмот.
Често пати, нутриционистите го препорачуваат спанаќот како храна која помага и при слабеење, а изминативе години е доста познат како значајна состојка во смути. Комбинацијата од хранливи материи во спанаќот ве ослободува од постојаниот замор и ве штити од хронични заболувања.
Брокула
Брокулата е вид на моќен нутритивен зеленчук што содржи антиоксиданси, витамини, минерали и растителни влакна. Фитнес тренерите ја препорачуваат брокулата како вид на фитнес исхрана која дава енергија пред тренинг и вежбање.
Брокулата може да се јаде зготвена или свежа, во зависност од вашите преференции. Но, се смета дека варената брокула е најдобар избор затоа што така не ги губи нутритивните вредности. Можете да ја конзумирате како доручек, ручек или рана вечера, за да ја задржите потребната енергија и да се ослободите од постојаниот замор.
Јадете редовно
За да имате доволно енергија, треба да се храните редовно, но и со избалансирана храна. Тоа значи дека 5 помали оброци дневно ќе ви ја сочуваат потребната енергија во текот на денот. Во спротивно, доколку се прејадете, ќе се чувствувате надуено и поспано.
Доколку прескокнете оброк, настапува глад и телото ја црпи енергијата од мускулното ткиво. Со тоа, ја губите енергијата и силата со што настанува постојаниот замор. Покрај редовната исхрана, добро е да се внимава и на храна што дава концентрација зошто така се поттикнува и енергијата во телото.
Заклучок
Со храната треба да внимавате на количината што ја внесувате. Количеството на храна треба да биде според дневното трошење на калории. Доколку јадете повеќе, а не трошите, ќе го чувствувате постојаниот замор, и обратно, доколку трошите повеќе отколку што јадете, ќе ја губите енергијата во текот на денот.
