Брокулата припаѓа на цветните растенија и се смета за еден од најпознатите видови на зеленчук. Тоа се должи на количеството на хранливи материи и на несекојдневниот вкус што го содржи, и според тоа, многу често се наоѓа на листата на препорачани намирници од светски познатите готвачи и нутриционисти.
Брокулата може да се приготви на разни начини, а може да се сервира и свежа. Вклучувајќи ја брокулата во вашето дневно мени, внесувате потребни витамини и минерали во организмот. Можете да ја најдете во најблискиот Рептил маркет со навистина достапни цени.
1. Најхранлив вид на зеленчук
Брокулата е најздравиот вид на зеленчук кај нас, а можеби е меѓу најздравите намирници на пазарот и на светско ниво. Според статистиката извадена од онлајн весници за нутриционизам, брокулата ги има сите најдобри масти, протеини, минерали и витамини.
Сите тие хранливи вредности што брокулата ги содржи се добри за вашиот организам и му помагаат да функционира правилно и подобро. Затоа секој фитнес тренер ја препорачува брокулата како задолжителен дел од вашата секојдневна исхрана.
2. Зеленчук што се бори против карцином
Како едно од најхранливите зелени цветни растенија, брокулата има доста хранливи материи кои се покажале доволно силни за да се изборат против разни болести. Брокулата содржи сулфорафан – соединение кое ги уништува канцерогените клетки со што може да се намали појавата на карцином во организмот.
3. Брокулата има повеќе витамин Ц од портокалот
Сигурно често пати сте слушнале од вашиот лекар или пријател дека треба да внесувате доволно одредена количина на витамин Ц во организмот. Тоа е поради способноста на витаминот Ц да го зајакне вашиот имунитет за да се заштитите себеси од разни видови на грип, настинка или пак вирус.
За оваа цел, најчесто се препорачува портокалот како најголем носител на витамин Ц. Но, последните истражувања го покажале спротивното – а тоа е дека брокулата содржи повеќе количество на витамин Ц од портокалот. Имено, во еден портокал има 51 мг витамин Ц, додека пак во една чашка со исечена брокула има 81 мг витамин Ц.
4. Помага против алергии и алергиски реакции
Како припадник на цветниот зеленчук, брокулата, исто како и прокељот, карфиолот и зелката, помага при олеснување на синусните патишта. Како богат извор на витамин Ц , од кој е препорачливо е да се внесуваат 500 мг дневно, брокулата може да ви помогне да ги ублажите симптомите на алергија. Исто така, сулфорафанот што го има во брокулата може да помогне и против астма.
5. Неправилно сварената брокула ги губи хранливите вредности
Кога станува збор за готвењето на намирниците и зачувување на нивните хранливи материи, често пати луѓето се збунуваат. Доколку ја варите брокулата повеќе од 20 минути таа ќе ги изгуби хранливите вредности.
Од друга страна пак, со готвење во микробранова печка од 3 минути, готвење на пареа со времетраење од 20 минути или пак со пржење од 5 минути, таа ќе ги задржи хранливите вредности. Имено, брокулата е најздрава доколку ја јадете жива но, оние со дигестивен проблем треба да внимаваат зошто може да предизвика гасови.
6. Бојата на брокулата е важна
Правилната боја на брокулата е темно зелена. Колку е посилна зелената боја и потемна, толку е поздрава брокулата и побогата со хранливи вредности. Темнозелените листови на брокулата имаат поголемо количество на бета каротен и витамин Ц од онаа со пожолтеникави листови.
7. Помага при губење на телесната тежина
Истиот тој сулфорафан помага и при губење на телесната тежина во организмот затоа што ги согорува мастите. Така што, доколку сакате може да ги изгубите тие неколку килограми со конзумирање на поголемо количество на брокула. Така ќе внесувате разновидна и свежа храна, а притоа ќе се чуствувате здрави, енергични и фит.
8. Замрзната или свежа брокула – што е подобро?
Во маркетите може да најдете свежа и замрзната брокула. Разликата меѓу нив е во вредностите. Замрзнатата брокула содржи повеќе содиум и 35% повеќе бета каротен од свежата. Но, за свежата брокула се смета дека содржи поголемо количество на калциум, железо, тиамин, рибофлавин, како и витамин Ц.
Заклучок
Благодарение на природата може да си дозволиме да уживаме во вкусот на здравата храна. Според голем број истражувања, секојдневното конзумирање на брокула ќе ви помогне да останете здрави и да се чуствувате подобро. Кога се двоумите во за начинот на исхрана, секогаш изберете го подобриот.
