Правилната исхрана е важна за вашето здравје. Ако често конзумирате нездрава храна, може негативно да влијае врз вашиот организам, вклучувајќи го и здравјето на кожата. Искуството на дерматолозите и нутриционистите, кажува дека балансираната исхрана е важна за поубава и поздрава кожа.
Според тоа, издвоивме неколку намирници кои може да ги претворите во здрав и вкусен оброк. Доколку немате идеја, нашиот прилог со рецепти може да ви послужи како инспирација.
1. Масна Риба
Масната риба како лосос, сардина, скуша, туна и слично, е богат извор на омега 3 масни киселини. Всушност, дефицитот на ваквите масти може да доведе до сува кожа. Исто така, конзумацијата може да го намали воспалението на кожата што предизвикува црвенило или акни. Витаминот Е што го содржи рибата, е еден од најважните антиоксиданси за поздрава кожа. Според тоа, ви препорачуваме неколку лесни начини за подготовка на вкусна риба.
2. Авокадо
Авокадото содржи големо количество на масти, но и покрај тоа експертите советуваат дека се тоа масти што ја хидрираат кожата. Едно истражување кое вклучувало околу 700 жени, покажало дека конзумацијата на ваквите намирници и добрите масти, доведуваат до поеластична и поздрава кожа. Витамин Е и витамин Ц се главните хранливи вредности што ја штитат кожата од оксидативен стрес или замор притоа одржувајќи ја здрава.
3. Брокула
Постојат повеќе интересни факти за брокулата и како позитивно влијание врз организмот. Хранливите вредности што ги содржи брокулата како витамин Ц, цинк, витамин Б и сулфорафан се од голема важност за изгледот на кожата затоа што може да ве заштитат од рак на кожа, од штетните сончеви зраци и спречуваат кожата да стане сува и со брчки. Со сигурност, можеме да кажеме дека брокулата е една од најздравите намирници за поздрава кожа.
4. Домати
Доматите се познат извор на витамин Ц кој доста е познат кај дерматолозите како лек против брчки и стареење на кожата. Покрај тоа, содржи и ликопен, литоцин и бета каротен што ја штитат вашата кожа од штетното зрачење на сонцето. Каротеноидот пак, ја одржува вашата кожа здрава. На ваша среќа, Рептил нуди изобилство од рецепти од кои може да си направите вкусна оброк салата.
5. Благ компир
Исто како и доматот, благиот компир содржи бета каротен – провитамин кој во вашиот организам се претвора во витамин А и ја одржува вашата кожа здрава. Всушност, лекарите ги нарекуваат ваквите намирници природни лекови против оштетување на кожата. Имено, овој провитамин го има во портокалот и во морковот.
6. Зелен чај
Иако зелениот чај е познат по тоа што помага при губење на килограми, придонесува и за поздрава кожа. Интересен податок е тоа што конзумацијата на зелениот чај може да го намали црвенилото на кожата предизвикано од сончаница. Тоа се должи на моќните хранливи вредности и антиоксидансите, составени со цел да го подобрат здравјето на вашата кожа.
7. Лимон
Големото количество витамин Ц што го содржи лимонот ја прави кожата блескава, помага при формирање на колаген со што кожата станува поеластична, го спречува стареењето, ги намалува полицистичните акни, ги регенерира клетките на кожата итн. Затоа ви препорачуваме да пиете топла вода со лимон. Со редовно пиење, ќе направите детоксикација на целиот организам. Доколку ставите повеќе лимон, може да ја разблажите со една лажица мед.
Што да избегнувате ако имате проблематична кожа
Оние кои имаат проблематична кожа треба да внимаваат на исхраната затоа што може да им предизвика појава на акни. Мрсната храна е еден голем причинител на акни. Поради тоа, треба добро да ја бирате храната и да ја избегнувате следнава:
Храна со шеќери
Храната која е преработена и содржи вештачки шеќер може да предизвика акни. Поради тоа, најдобро би било да ги избегнувате ваквите намирници и да ги замените со здрави шеќери како што е овошјето (црвено грозје, јагоди, киви) или пак темно чоколадо и со тоа да имате поздрава кожа.
Млечни производи
Постои истражување кое покажува дека млекото може да предизвика појава на акни ако почесто го конзумирате. Ова е поради тоа што млекото содржи масни супстанци кои може да предизвикаат масна кожа што може да доведе до понатамошни проблеми.
Заклучок
Иако надворешниот изглед не е дефиниција за убавина, важно е вашето здравје. Горенаведените намирници може да ви помогнат да добиете еластична, сјајна и поздрава кожа, а верувајте ни, ќе се чувствувате здрави и витални и од внатре.
