Блог

Авокадо – 7 причини зошто е неверојатно добро за вашето здравје

Авокадото припаѓа на фамилијата на тропски растенија кое за наша среќа може да го најдеме и во нашите маркети. Авокадото има густ и кремаст вкус и се смета за едно од најздравите видови на овошје. Доручек, десерт или пијалак за летниот период, авокадо е секогаш добар избор за додаток во вашиот оброк. Како инспирација, може да ви послужи прилогот со рецепти на маркетите на Рептил.

1. Авокадото е богато со потазиум

Едно авокадо содржи околу 100 грама потазиум што е 14% од дозволената дневна доза. Тоа е поголемо количество и од тоа што го содржат бананите за кои знаеме дека се доста здрави и содржат високо количество на потазиум. Авокадото придонесува за вашето здравје така што го намалува високиот притисок кој е огромен ризик за срцев удар, мозочен удар или откажување на бубрезите.

авокадо

2. Авокадото содржи растителни влакна

Растителните влакна се уште еден вид на хранлива материја што ја содржи авокадото. Тие може да придонесат во губење на телесната тежина како и да го намалат нивото на шеќер во крвта. Доколку конзумирате храна со големо количество на растителни влакна имате помал ризик од заболувања како што се бактерии на цревата. Исто така, препорачливо е да го конзумирате и како оброк после тренинг за да ја вратите потребната енергија.

3. Служи како третман против остеопороза

За заштита на коските потребно е да конзумирате витамин К. Половина од едно авокадо содржи 25% од дневната препорачана доза на витамин К – хранлива материја неопходна за здравјето на коските меѓу калциумот и витаминот Д. Покрај тоа, едно авокадо содржи доволно соја и сапонин – состојка која помага при олеснување на симптомите предизвикани од остеопороза. Исто така, авокадото е намирница богата со магнезиум што може да придонесе за здравјето на коските.

здравје авокадо

4. Помага при слабеење

Постои истражување според кое авокадо може да се конзумира како намирница за слабеење. И покрај тоа што има кремаста текстура, придонесува за губење на калориите. Имено, според спроведеното истражување, луѓето кои конзумирале авокадо во текот на денот имале 28% помала желба за јадење во следните 5 часа, отколку оние кои не конзумирале авокадо. Ова се должи на големото ниво на нутритивност што авокадото го содржи.

5. Може да го заштити видот

Авокадото е богато со антиоксиданси како лутеин и зексантин кои се важни за здравјето на очите. Според истражувањата извршени на возрасни лица, оние кои јаделе авокадо имале подобар вид. Поинаку кажано, доколку јадете авокадо имате помал ризик од катаракта која е честа појава кај повозрасните. Така, може да го подобрите здравјето на очите на природен и поекономичен начин што воедно ќе спречи и посериозни заболувања.

авокадо причини

6. Ја подобрува меморијата

Често пати кога сме изморени имаме потешкотии при концентрација. Во тој момент, потребен ни е одмор или намирница која ќе ни ја даде потребната енергија. Во овој случај, авокадото може да ја подобри работата на вашиот мозок со тоа што ќе го намали постојаниот замор. Покрај тоа, содржи омега 3 масни киселини кои се доста важни при работата и здравјето на мозокот и придонесува за помнење и концентрација.

7. Ќе бидете поздрави

Покрај горенаведените примери и причини за да конзумирате авокадо, научниците исто така докажале дека со конзумирање на ова овошје ќе бидете значително поздрави. Имено, препорачаниот дневен внес е половина авокадо со чија почеста конзумација може да го забрзате вашиот метаболизам на природен начин.

Заклучок

Авокадото е доста популарно изминативе години на социјалните мрежи и е дел од повеќе фитнес програми за здрава исхрана. Ако еднаш пробате авокадо, сигурно ќе го вметнете во вашето мени и не само поради тоа што е здраво, туку и поради неговиот необичен но неодолив вкус.