Здравјето и убавината доаѓаат од внатре. Кога зборуваме за брз метаболизам, најчесто помислуваме на согорувањето калории, а притоа го изоставуваме здравјето. Како резултат на тоа, ви треба промена во начинот на исхрана и начинот на живот, во целост.
Зошто е важно да имате брз метаболизам?
Метаболизмот е сложен процес, кој со текот на годините се успорува. Се однесува на способноста на вашето тело да ги регулира внесените калории и да ја процесира енергијата. Доколку имате проблем со варење на храната, може да дојде до вишок килограми, но и здравствени последици, а како најсериозни се рак на дебелото црево.
Преработената храна треба да се исфрла навремено. Во спротивно, во телото се таложат токсини кои може да предизвикаат воспаление на дебелото црево, и понатаму, може да предизвикаат појава на рак. Имено, метаболизмот може да се регулира на лесен и економичен начин, со намирници кои секојдневно ги користите во кујната.
Вода
Водата претставува првенствен план за внесување течности во организмот. Доволната количина на вода ја подобрува целокупната функција на организмот, и го забрзува метаболизмот со што се одржува тежината. Доколку преферирате пијалаци со вкус, вода со лимон или со ѓумбир, се добар избор. Така, ќе ги зголемите и придобивките за брз метаболизам.
Риба и Лосос
Рибата е добар извор на јод и селен, минерали кои ја поттикнуваат функцијата на тироидната жлезда, која всушност го регулира метаболизмот. Интересно за рибата е тоа што го стимулира лептинот. Лептин е хормон кој има голема улога во функцијата на имуниот систем, мозокот, тироидата итн. Кога се зголемува нивото на лептин, се забрзува вашиот метаболизам.
Покрај рибата, и лососот содржи омега 3 масни киселини, но интересно е тоа што го стимулира лептинот. Лососот е исто така богат со протеини и здрави масти кои го забрзуваат вашиот метаболизам без да покачите килограми.
Спанаќ
Спанаќот е богат со железо, растителни влакна и други хранливи материи. На мускулите им е потребен кислород за побрзо да ги согори калориите, а спанаќот го забрзува тој процес. Исто така, помага во превенција на кардиоваскуларни заболувања, рак на дебелото црево, остеопороза и артритис.
Храна богата со растителни влакна
На ваквиот тип на храна не и треба време за да се свари во дигестивниот систем. Нејзината главна придобивка е тоа што ги апсорбира хемикалиите и ги повлекува надвор со што придонесува за брз метаболизам.
Како предлог, ги издвојуваме следниве намирници:
- Леб
- Грашок
- Компири
- Јаболка
- Темно обоен зеленчук (Морков, брокула, цвекло)
- Банани
- Портокал и мандарина
Зелен чај
Многумина од вас се запознаени со фактот дека зелениот чај помага при губење на калориите. Според истражувањата во Универзитетот во Бирмингем, зелениот чај претвора одредена количина од маснотиите во масни киселини со што го забрзува метаболизмот.
Кафе
Покрај тоа што ви помага полесно да се разбудите и ви дава енергија, кофеинот го забрзува метаболизмот. Една шолја кафе може да го забрза вашиот метаболизам за 3% до 11%. Исто како и зелениот чај, кафето помага побрзо да ги согорите калориите и ви помага да го регулирате метаболизмот.
Б комплекс
Витамините Б во себе го вклучуваат целиот Б комплекс (Б1, Б2, Б3, Б5, Б6, Б7, Б9 и Б12). Тие се клучот за правилно функционирање на вашиот организам. Имаат улога во согорување на јаглехидрати при што организмот се здобива со потребната енергија. Витамините Б се најзастапени во зрнестата храна како ориз, пченица, овес, како и во зеленчукот со зелени лисја.
Витамин Ц
За витаминот Ц постои статистика од Универзитетот во Колорадо, со што се докажува дека го намалува оксидативниот стрес кај возрасните. Со тоа го забрзува метаболизмот и помага да ги изгубие вишокот килограми. Витаминот Ц може да го најдете во следниве намирници:
- Киви
- Манго
- Лубеница
- Брокула
- Црвени и зелени пиперки
- Зелка
- Домати
Цимет и Мед
Кога ќе ги споите овие две намирници, добивате домашен лек за брз метаболизам. Медот е познат по тоа што го забрзува метаболизмот и ви дава енергија. Овој пијалак може да го конзумирате секое утро.
Доколку сакате да ги намалите килограмите, пожелно е да го конзумирате пијалакот помеѓу оброците зошто циметот го намалува апетитот, го забрзува варењето на храната, и го регулира нивото на шеќер.
Како да го подговите?
Во длабок сад ставете само половина лажичка цимет во прав, па прелијте го со чаша вода. Оставете го неколку минути да се излади, a потоа додајте една лажичка мед. На крај само промешајте.
Јадете редовно
Редовната исхрана исто има улога во брз метаболизам. Со прескокнување на оброците се забавуваат функциите на метаболизмот. За оваа цел, нутриционистите препорачуваат задолжителен појадок. Луѓето кои го прескокнуваат појадокот полесно качуваат килограми. Најдобро е да практикувате 3 оброци или 5 до 6 помали оброци дневно.
Заклучок
Како што наведовме, брзиот метаболизам е важен за вашето здравје, а овие намирници ќе ви помогнат да го сочувате. Со редовна примена на намирниците, за кратко време ќе ги постигнете посакуваните резултати.
