Доколку конзумирате еден вид на храна како на пример јаглехидрати или брза храна почесто, може да имате последици од таквиот начин на исхрана. Имено, на самиот организам му е потребна балансирана храна за да може правилно да ги врши сите свои функции.
Храната треба да биде разновидна во смисла да ги содржи оние потребните витамини и минерали како и останатите хранливи материи за правилен начин на исхрана затоа што од време на време на организмот му е потребна детоксикација – исфрлање на отровите од организмот.
Топла вода со лимон
За комбинацијата топла вода со лимон научно е докажано дека придонесуваат кон здравјето на организмот. Витаминот Ц што го содржи лимонот го помага имуниот систем. Комбинацијата на негазирана вода со лимон помага да се исфрлат отровите од организмот и притоа да го исчистат црниот дроб. Покрај тоа, ја превенира констипацијата и притоа го подобрува дигестивниот систем.
Јаболко
Јаболката се познати по тоа што претставуваат природен лек. Имено, јаболката содржат јаболков оцет и пектин – диетално влакно кое го отстранува холестеролот и токсините од крвта, додека пак јаболковиот оцет ја прочистува крвта. Овие хранливи материи се особено присутни во Грени смит, а може да ги најдете и во другите видови на јаболка како Ајдаред, Јонагол, Златен делишес, Црвен делишес и слично.
Ѓумбир
Ѓумбирот е познат по тоа што го стимулира потењето, циркулацијата и дигестијата – трите главни патишта за исфрлање на отровите од организмот. На овој начин вашето тело се ослободува од токсините во црниот дроб и дебелото црево. Употребата на ѓумбирот како природен антиоксиданс и лек против секаков вид на воспаление. Благодарение на нашиот прилог со рецепти, можете да најдете неколку оброци со ѓумбир токму за оваа намена.
Зеленчук со листови
Зеленчукот со листови е одличен начин на детоксификација. Тие се богат извор на минерали вклучувајќи цинк, калциум, и магнезиум, а исто така содржат и витамини како Б, К, Ц и Е витамини. Познато е дека диеталните влакна се тие што помагаат при исфрлање на отровите од организмот, а во нив ги има во изобилство. Како такви се издвојуваат спанаќот, зелката, марулата, руколата итн.
Цвекло
Цвеклото помага при детоксикација на организмот со тоа што содржи пектин – природен прочистувач на крвта. Исто така содржи и антиоксиданси како цинк, влакна, бетанин, бетан и пектин. Со помош на цвеклото, од црниот дроб се исфрлаат токсините при што вашиот организам може полесно да ги балансира хормоните, и нивоата на холестерол и енергија.
Зелен чај
Доколку ви е потребна брза детоксикација, зелениот чај е како супер пијалок за оваа намена. Имено, се смета за еден од состојките со најголемо ниво на антиоксиданси. Зелениот чај делува така што ги исфрла отровите од организмот и од дебелото црево.
Супа со зеленчук
Според лекарите, домашно приготвена супа од зеленчук ја поттикнува нормалната функција на вашето тело. Имено, супата од зеленчук и пилешко може да ви помогне да ги исфрлите отровите од организмот како и да го забрзате вашиот метаболизам и да го зајакнете имуниот систем. Тоа се должи на направената комбинација од разни видови зеленчук во супата и нивниот богат извор на хранливи вредности.
Храна богата со пребиотици
Здравиот стомак е важен за одржување на здрав дигестивен систем. Пребиотиците се борат против присутните бактерии во стомакот кои може да го намалат вашиот имун систем и да го зголемат ризикот од воспаление. Конзумирањето на ваквата храна го одржува имуниот систем силен, а дигестивниот систем здрав со тоа што ги исфрла отровите од организмот. Ваков вид на храна се домати, артичок, банана, кромид, лук итн.
Заклучок
Горенаведените видови на храна се извонредни прочистувачи на отровите од организмот. Во случај да немате ниедна од овие состојки дома или пак не сте во можност да пазарувате, доволно е да пиете поголемо количество на вода и да избегнувате брза храна, шеќери и преработена храна.
