Блог

5 причини зошто секое утро да пиете топла вода со лимон

секое утро да пиете топла вода со лимон

Топла вода со лимон е природен енергетски пијалак, идеален за секое утро. Комбинацијата од витамини и минерали не само што ја гаси жедта, туку ви ја враќа изгубената енергија која ви е потребна во текот на денот.

Топлите пијалаци не се конзумираат само во зимскиот период, напротив, некои од нив се препорачани и како пијалаци за летниот период.

Имено, според старата кинеска медицина, и последните нови истражувања, вашиот организам ја вари топлата вода побрзо од ладната, при што помага побрзо да се хидрирате.

Можеби не е магичен пијалак, но ќе ви помогне да останете здрави и убави. Дознајте зошто е убаво да го започнете денот со топла вода и лимон:

1. Го зајакнува имунитетот

Сте забележале ли дека лекарите препорачуваат витамин Ц наместо лекарства за настинка и грип?  Тоа е така затоа што лимонот има висока нутритивна вредност која го храни вашето тело повеќе од антибиотикот.

Во просек, еден лимон  содржи 30 до 50 милиграми витамин Ц, кој ве штити од бактериите што предизвикуваат настинка и грип. А последните истражувања покажале дека го намалува времетраењето на настинката со што ви помага побрзо да заздравите.

Исто така, лимонот содржи и потазиум (електролит кој го спречува губењето на калиум во нашето тело). Калиумот го регулира крвниот притисок и ја стимулира функцијата на мозокот.

Со редовно пиење на топла вода со лимон, секое утро откако ќе се разбудите, ги внесувате изгубените витамини и го зајакнувате имуниот систем.

1. Го подобрува дигестивниот систем

Лимонот е еден од традиционалните домашни лекови што луѓето ги спремаат кога имаат проблем со варење на храната. Топлата вода со лимон помага со тоа што го прочистува и го стимулира црниот дроб.

пиете топла вода со лимон

Покрај тоа, помага и во производството на хлороводородна киселина во желудникот, која ја вари храната. Со тоа се забрзува процесот на варење и се спречува надуеноста. Накратко, топлата вода со лимон делува како летна детоксикација на дигестивниот систем.

2. Го одржува вашето срце здраво

Ви се верува или не, витаминот Ц придонесува во здравјето на срцето. За ова се зборува во клиничките студии објавени во Европскиот весник за интерна медицина.

Имено, во истражувањето учествувале 100,000 луѓе (едни се хранеле здраво, а други не). Крајните резултати покажале дека оние што не се хранеле здраво имаат поголем ризик од болести на срцето.

вода со лимон

Другите што конзумирале овошје и зеленчук, се со 15% помал ризик од кардиоваскуларни заболувања. Додека пак, луѓето што највеќе внесувале витамин Ц, се со најмал ризик од срцеви заболувања.

Според теоријата на научниците, лимонот како антиоксиданс, го штити срцето од болести, а цитрусната киселина што ја содржи, го намалува нивото на холестерол во крвта.

3. Го хидрира лимфниот систем

Човечкото тело просечно се состои од 65% до 70% вода, но со текот на годините полека се намалува. Имено, во текот на ноќта, водата се губи при што дехидрираното тело не може да ги врши потребните функции.

да пиете топла вода со лимон

Дехидрираното тело потклекнува на надбрубрежниот замор што води до појава на стрес, токсини, тврда столица итн. Надбрубрежните жлезди се наоѓаат над горниот дел од бубрезите и делуваат во регулирање на стресот и нивото на течност во организмот (алдостерон).

Алдостеронот е одговорен за регулирање на течностите во организмот при што ви помага да останете хидрирани. Доследно на ова, треба да внесувате доволно течности за да се чувствувате добро и да останете здрави.

4. Поздрава и поубава кожа

Конзумирање на топла вода со лимон придонесува во прочистување на телото од насобраните токсини, и со тоа ја чисти и кожата, одржувајќи ја здрава, понежна, затегната и сјајна.

Лимонот помага во циркулацијата на крвта, како и во обновувањето на крвните клетки и колаген. Водата со лимон содржи антибактериски својства и според тоа претставува природен лек за кожата склона кон акни.

утро да пиете топла вода со лимон

Редовно пиење на вода со лимон помага во борбата против бактериите кои предизвикуваат акни и ја регенерира кожата од предизвиканите рани. Здравата кожа доаѓа од внатре, преку храна за помлад изглед и доволно течности.

Совет за припрема на топла вода со лимон:

Кога го спремате пијалакот, не ја сечете кората од лимонот, туку исечете го на парчиња во форма на кругови, и ставете две до три парчиња лимон во бокал. А доколку сакате да го спремите како лимонада, во литар вода исцедете еден лимон и изрендајте ја кората.

Доколку не преферирате топол пијалак во жешките денови, оставете го малку да се излади или доволно ви е да исцедите четвртина од лимонот во чаша вода, на собна температура.

Внимавајте во следниве случаи:

Ако досега не сте пиеле вода со лимон, во првите неколку минути може да предизвика благо чувство на гадење. Затоа, препорачливо е да почнете со помала и нередовна количина, и постепено да ја зголемувате.

Исто така, ако имате проблем со воспаление на слузницата на желудникот (гастритис) препорачливо е да не конзумирате топла вода со лимон секој ден, туку повремено заменете го со друг здрав пијалак како чај, вода со ѓумбир или вода со куркума.

Заклучок

Доколку се одлучите да пиете топла вода со лимон секое утро, ќе успеете да ги воочите позитивните резултати од вашата “рутина”. Ќе бидете поенергични, ќе забележите промена на вашата кожа, и што е најважно, во здравјето. Накратко, вашето тело, ќе ви се заблагодари.