Знаете дека зимата е период на настинка или грип, и со оглед на тоа треба да се конзумира повеќе храна богата со витамини, минерали и останати хранливи вредности. Доколку се храните здраво, ќе успеете да го зајакнете вашиот имунитет и да станете отпорни на ваквите заболувања во текот на овој период.
Повеќето луѓе купуваат вештачки витамини и антибиотици за да се заштитат од секаков грип, настинка или вирус, но можете да се заштитите и на природен начин – со храна против настинка, што воедно е подостапен и поисплатлив. И секако, не би успеале во оваа битка доколку не одржувате максимална хигиена – затоа редовно мијте ги рацете.
Портокал
Портокалот е еден вид на храна против настинка која лекарите често ја препорачуваат. Портокалот е богат извор на витамин Ц што е клучна состојка која се бори против замор, настинка, грип или вирус затоа што го зајакнува имуниот систем, помага против стрес и го намалува траењето на настинката. Минималната доза на витамин Ц е 65-90 мг за возрасни, а максималната доза е 2,000 мг.
Топла вода со лимон
Исто како и портокалот, лимонот содржи големо количество на витамин Ц. Според последните истражувања, знаеме дека топлата вода со лимон го штити организмот од секаков вид на вирусни инфекции. Покрај тоа, го забрзува метаболизмот, а по некое време ќе се чувствувате поенергични. Доста значајно е тоа што освежува и ќе останете хидрирани што е доста важно за време на грип.
Темно чоколадо
Сигурно многу пати сте слушнале дека чоколадото го победува стресот, но далие знаевте дека помага против настинка? Имено, темното чоколадо е дел од храна против настинка и грип, а помага и против замор.
За да ја победи настинката, чоколадото содржи теобромин, соединение кое ги ублажува симптомите на кашлица и бронхитис. Од друга страна пак, содржи полифенол кој помага против замор и стрес. Еве причина повеќе за да јадете чоколадо, а да бидете здрави.
Јогурт
Пробиотиците се суплементи за кои е докажано дека се важни за организмот затоа што го штитат од повеќе бактерии. Постојат истражувања кои докажуваат на фактот дека пробиотиците помагаат против стомачен вирус и уринарни инфекции.
Во друго истражување пак, се докажало дека децата кои конзумираат пробиотици имаат 17% намален ризик од респираторни заболувања. За да додадете одредено количество на храна против настинка или грип во вашата исхрана, конзумирајте повеќе јогурт.
Чај
Кога сме болни честопати ќе слушнеме од нашите блиски и од нашиот лекар да пиеме топол чај. Тоа е така затоа што топлината го грее нашиот организам а водата кога е топла повеќе хидрира од ладната. Покрај ова, познато е дека одредени видови на чаеви, во зависност од состојките, помагаат против настинка, стрес и замор.
Така на пример, чајот од нане или ментол, помага при воспалено или суво грло со тоа што ја потиснува кашлицата. Зелениот чај содржи флавоноиди и има антибактериско и антивирусно дејство. Чајот од ѓумбир има биоактивни состојки и спречува секаков вид на воспаленија, додека пак чајот од камилица има смирувачко дејство и помага да се наспиете, затоа што сонот е потребен за време на настинка.
Брокула
Според Универзитетот во Калифорнија, научниците докажале дека брокулата не спаѓа само во фитнес храна или хроно исхрана туку е дел од храна против настинка, грип или замор. Истражувањата покажуваат дека брокулата содржи сулфорафан, хемиско соединение што ги активира имунолошките клетки што се борат против слободни радикали и спречуваат секаков вид на грип или настинка.
Спанаќ
Како што наведовме претходно, витаминот Ц е важен за да се победат вирусните инфекции, а спанаќот е корисен затоа што се наоѓа меѓу намирниците што го содржат овој антиоксиданс и тоа во солидни количини. Имено, спанаќот содржи и големо количество вода што значи ќе му ја дава потребната доза на хидратација на вашиот организам.
Зелено јаболко
Зеленото јаболко е познато меѓу лекарите и начниците по тоа што лечи главоболка. Во текот на зимата се јавуваат повеќе видови на настинка или грип и некои од нив може да вклучуваат и главоболки.
Јаболкото е познато по тоа што брзо намалува болка, што значи може да ја намали главоболката. Исто така, антиокдисансите кои ги содржи помагаат во зајакнување на имунитетот и намалување на ризикот од хронични заболувања. Може да конзумирате грини смит или муцо.
Заклучок
Горенаведената храна против настинка, грип или вирус ќе ви помогне да го зајакнете имунитетот со конзумација од подолг период. А доколку ви стане навика, или рутина во исхраната, ќе успеете да се изборите против болестите. И за крај, лекарите препорачуваат поголема доза витамин Д, што значи добро би било да го следите сонцето, наместо да го избегнувате.
