Спанаќот има Персиско потекло, но станува познат како домашен лек во 12-от век. За подобро здравје – конзумирајте спанаќ, за добар вид – конзумирајте спанаќ, доколку сакате да имате здрава кожа, коса и насмевка – повторно конзумирајте спанаќ, препорачуваат нутриционистите.
Спанаќот е природен извор на витамини, минерали и растителни влакна. Богат е со нутритивни вредности, меѓу кои и антиоксиданси што го штитат вашиот организам. Главната состојка на спанаќот е водата што значи дека покрај многуте придобивки, спанаќот го хидрира вашето тело.
Ги зацврстува коските
За да имате здрави коски, лекарите препорачуваат да го храните вашето тело со витамин К. Овој витамин ги зајакнува вашите коски, а со тоа спречува нивна можна кршливост или болки. Спанаќот е богат со витамин К и покрај многуте минерали и витамини, и затоа му помага на вашиот организам да се зајакне.
Здрави коски значи поиздржливи и поцврсти коски, подобра постура, како и спречување на остеопороза или превенција на современи хронични болести. Покрај тоа, витаминот К помага при подобра апсорпција на калциумот што доведува и до поздрави заби и нокти. Исто така, спанаќот е зеленчук кој е богат со магнезиум, а магнезиумот помага во формирање и развивање на коските.
Ги зајакнува мускулите
Доколку некои од вас се сеќаваат на Попај, ќе ви текне дека тој ја добиваше неговата сила и мускули откако ќе изедеше конзерва со спанаќ. Иако многу од нашите деца израснаа верувајќи во моќта на спанаќот, вистината не е многу далеку од тоа.
Имено, спанаќот содржи антиоксиданси кои помагаат во зајакнување на мускулите, поради што се вметнува во фитнес или хроно исхрана. Спанаќот особено ги зајакнува срцевите мускули што ја пумпаат крвта во срцето. Антиоксидансите во спанаќот помагаат против кардиоваскуларните заболувања.
Превенција од астма
Постои истражување во кое се испитувале деца од 6 до 18 години. Едните биле заболени од астма, а останатите не. Резултатите од испитувањето покажале дека децата кои конзумираат храна со богати нутритивни вредности како што е спанаќот, имаат помала веројатност од ваквото заболување. Ова се должи на витаминот бета каротен кој го содржи спанаќот во големо количество.
Го регулира дигестивниот систем
Според едно истражување објавено во Меѓународниот весник за истражување по Фармација и Хемија, спанаќот ја штити мукозната мембрана (слузницата) на желудникот со што се намалува појавата од заболувања.
Исто така, останатите витамини и минерали го зајакнуваат дигестивниот тракт со што се спречува било какво заболување на овој дел од телото. Покрај тоа, нутриционистите го препорачуваат за детоксикација на организмот и намалување на постојаниот замор.
Штити против оксидативен стрес
Слободните радикали може да предизвикаат оксидативен стрес што може да доведе до прерано стареење или дијабетес. Според тоа, антиоксидансите што ги содржи спанаќот се борат против тој стрес, одржувајќи здрав метаболизам на природен начин.
Постојат голем број истражувања кои го докажале ова. Во едно од нив, кај лицата кои се вршело истражувањето и се хранеле со спанаќ одреден период, нивните резултати покажале намалувањето на оксидативниот стрес со што се спречува појава на оксидативно оштетување.
Го регулира крвниот притисок
Со редовна конзумација на спанаќ, може да се регулира крвниот притисок. Благодарение на витамините и минералите што ги содржи, ја намалуваат хипертензијата и ги релаксира крвните садови и се одржува нормален проток на крвта. Со тоа се намалува стресот на кардиоваскуларниот систем со што се доведува организмот до нормална функција.
Заклучок
Спанаќот припаѓа на вечните растенија, и како таков е еден од оние намирници кои се добри за целиот организам и според тоа, може да се каже дека е супернамирница. Доколку посетите било кој нутриционист, ќе ви каже дека спанаќот треба да биде дел од вашата исхрана. За било какви прашања врзани со вашиот начин на исхрана, консултирајте се со лекар или нутриционист.
