Салатите може да ги конзумирате во секое годишно време, како додаток во менито или пак како главен оброк. Но, почесто се конзумираат во текот на летниот период затоа што се лесни и освежителни за јадење. Што е најважно од се, тие се здрави и полни со нутриенти, а се многу повкусни кога се сервирани со прелив за салати затоа што преливот го прави нивниот вкус побогат.
Добрата страна на подготовка на прелив за салата е во тоа што можете да си дозволите да го подготвите дома. На тој начин, ќе го подготвите со сите состојки што се по ваш вкус и помалку ќе ве чини. Сосовите се лесни за подготовка, а производите се достапни во нашите маркети. Единствено што ќе ви треба е желба за готвење и малку креативност. Според тоа, ви подготвивме неколку идеи за подготовка на вкусен прелив за салати:
1. Прелив од индиски орев
Јаткастите плодови додаваат густина во сосот и нема потреба да додавате масло или павлака. На овој начин, добивате кремаст сос кој е извонредна мешавина со малата количина на вкусот на сенфот. Исто така, апетисаните се состојки кои се доказ дека може да уживате во здрав, а воедно вкусен прелив за салати.
Потребните состојки се следниве:
- 120 мл индиски ореви
- 1 лажица сенф
- 2 лажици сок од лимон
- 1 лажица мед
- ½ лажица сол
- 120 мл вода
Начин на подготовка:
Ставете ги сите состојки заедно во блендер и оставете да се измешаат комплетно се дури не добиете густ сос. Доколку преливот е премногу густ, може да го разредете со малку вода за да ја добиете посакуваната густина. Да се чува во фрижидер максимум 2 недели.
2. Прелив за салати од сенф
Сенфот е секогаш добар избор за прелив за салати или сос. Неговиот лут вкус значително ќе го збогати вкусот на салатата. Исто така, сосот можете да го надоградувате според вашиот вкус што значи може да го направите и со други состојки како на пример, мед и балсамико.
Потребните состојки се следниве:
- 2 лажици сенф
- Сок од ½ лимон
- 2 лажици сончогледово масло
- 1 целер (ситно исечкан)
- 1 пиперка (исечкана на тенки полукругчиња)
- 1 китка магдонос
- 1 лажица босилек (ситно исечкан)
- 1 лажица свежо нане (ситно исечкан)
- 35 гр пченица
- 75 гр леќа
- 1 морков (ситно исечкан)
Начин на подготовка:
Ставете 2 лажици сенф во чинија. Исцедете сок од пола лимон во чинијата и измешајте. Потоа, додадете уште 2 лажици сончогледово масло и сето тоа добро промешајте го. Во друга чинија ставете ја пченицата и леќата заедно со морковот и добро промешајте. На крај додајте го целерот и пиперката, измешајте ја смесата и прелијте ја врз салата.
3. Прелив од мармалад
Мешавина од слатко, луто или кисело е можеби една од најпопуларните вкусови на денешницата. Прелив од мармалад за салати е одличен начин да го разбиете едноставниот вкус на зеленчукот и да го збогатите така што ќе може да ужива секој член од семејството.
Потребните состојки се следниве:
- 2 лажици мармалад од кајсија
- 120 мл сок од портокал
- 2 лажици неутрално масло
- 2 лажици масло од ориз
- 2 лажици рибји сос
- 1 лажица сусамово масло
- 1 лажица свеж ѓумбир (ситно изрендан)
- ½ лажица мешавина зачини (каранфилче, цимет, бибер) + по избор
- Црн бибер мелен
Начин на подготовка:
За припрема на преливот ставете ги сите состојки заедно во мала тегла, затворете ја и добро протресете за да се измеша и да добиете густа смеса. Овој прелив за салати може да се чува во фрижидер и до две недели.
4. Прелив од кикирики
Сос од кикирики е секогаш добра идеја доколку сакате да пробате нов вкус. Имено, ваквиот прелив за салати е одлична комбинација со салата подготвена на кинески начин. Постојат повеќе начини на подготовка на прелив за салати од кикирики, а на овој, добивате благо лут вкус од комбинацијата на белиот лук и кари.
Потребните состојки се следниве:
- ½ чаша путер од кикирики
- сок од ½ лимон
- 1 лажица соја сос
- ½ чаша кокосово млеко
- 1 лажица мед
- 1 лажица кари во прав
- 2 чешниња ситно исечкан бел лук
Начин на подготовка:
Измешајте ги добро путерот од кикирики, сокот од лимон, соја сос, кокосово млеко, мед и кари во прав заедно со ситно исечканиот бел лук се дури не добиете густ сос. Прелијте го сосот врз салатата и сервирајте.
Заклучок
Прелив за салати може да направите на сто начини. Може да измешате повеќе вкусови во еден или да ги направите во стилот на италијанска, француска или медитеранска кујна. Многумина ги избегнуваат сосовите кога се трудат да се хранат здраво. Но, добрата страна на прелив за салати е што може да приготвите и здрави видови на сос кои нема да ви го попречат добриот начин на исхрана.
