Блог

7 важни здравствени придобивки од говедско месо

здравствени придобивки од говедско месо

Многумина го избегнуваат месото во изминативе години сметајќи дека е штетно, но научниците сеуште сметаат дека месото е одличен извор на протеини, минерали и витамини. Покрај тоа, содржи и добри масти кои се потребни на организмот, како и енергетска вредност.

Сепак, и покрај придобивките од говедско месо, нутриционистите препорачуваат исхрана која вклучува зеленчук и овошје, и каде месото се конзумира еднаш до два пати неделно за да биде избалансирана. Понатаму во текстот, може да ги дознаете здравствените придобивки од говедското месо.

1. Богат извор на протеини

Сигурно сте слушнале дека месото е голем извор на протеини. Животинскиот извор на протеини е богат и најчесто ги содржи амино киселините неопходни за раст и развој на телото. Протеините се важни за телото затоа што му помагаат во формирање на хормони и ензими за да се спречат одредени видови на заболувања.

придобивки од говедско месо

Се смета дека црвеното месо е најголем извор на протеини, и дека содржи повеќе протеини од пилешкото месо. Протеините се важни за обновување на ткивата и за урамнотежена исхрана според која нутриционистите и лекарите препорачуваат одредена протеинска количина на внесување.

2. Гради мускулна маса

Како што напоменавме, црвеното говедско месо содржи протеини кои се добри за организмот. Тие протеини го помагаат растот и развојот на мускулите со што се зголемува мускулната маса.

мускулна маса говедско месо

Според тоа, често пати сте виделе или сте слушнале за тоа додека се тренира или посетува теретана, нутриционистите или фитнес тренерите препорачуваат поголема доза на месо како фитнес исхрана. Покрај тоа, животинскиот протеин помага во закрепнување после операција со што доста се користи кај атлетите.

3. Содржи витамини и минерали

Б витамините се доста важни за организмот. Така, црвеното месо содржи Б12 – витамин кој придонесува за здрав нервен систем, ја подобрува крвта и мозокот. Месото е исто богато со цинк, минерал кој ја подобрува целокупната функција на организмот. Лекарите препорачуваат дневна доза цинк за да го одржите вашето тело здраво.

говедско месо

Витаминот Б6 е познат по тоа што го подобрува имуниот систем и ја зголемува енергијата. Покрај овие витамини, говедското месо содржи и селен, рибофлавин (витамин Б2), железо и ниацин (витамин Б3), кои ја подобруваат состојбата на организмот.

4. Извор на енергија

Како и растенијата, месото содржи значителен број на биоактивни соединенија и антиоксиданси кои позитивно влијаат врз здравјето. Така, говедското месо содржи таурин – органска киселина која ја има во енергетските пијалоци.

здравствени придобивки говедско месо

Оваа состојка ја има и во рибите и во месото, и придонесува за здравјето на срцето и мускулите. Исто така содржи и креатин, најчесто ја користат бодибилдерите за да се стекнат со потребната енергија и мускулна маса.

5. Спречува анемија

Анемијата е состојба која се карактеризира со намалени црвени крвни зрнца (еритроцити) во крвта чија улога е пренесување на кислород во крвта. Намалени крвни зрнца значи помала можност за добивање на кислород.

здравствени придобивки говедско месо

За да се подобри ваквата состојба, на организмот е потребен цинк кој го има во голема количина во говедско месо. Дури постојат и неколку истражувања во кои се докажало дека цинкот кој го има во животинското месо е појак од цинкот кој доаѓа во форма на таблета.

6. Содржи здрави масти

Сите видови на месо се познати по тоа што содржат масти. Но, не сите масти во месото се штетни, напротив, богати се и со добри масти.  На пример, во 100 грама телешко месо има 136 калории и 5,1 грама масти. Научниците докажале дека половина од мастите што се наоѓаат во говедското месо се слични на оние од маслиново масло. Тоа се здрави масти кои го поттикнуваат хормонот за раст.

7. Го подобрува здравјето на сите генерации

Доколку не сте знаеле, црвеното месо се смета за еден од протеинските намирници кои се одлични за деца и возрасни. Тоа е поради неговото количество на витамин Д кој е одговорен за поттикнување на раст на коските и е потребен во ниските зимски температури за да го штити вашиот имунитет.

антиоксиданси кафе

Со конзумирање на говедско месо, се поттикнува растот и развојот на децата, а се одржува на возрасните. Месото може да го подготвите во супа, или да го сервирате со зеленчук. За инспирација, може да одберете и некои од следниве прилози со рецепти.

Внимавајте во следниве случаи:

Иако месото има свои придобивки, сепак докторите велат дека постојат ризици за луѓето со кардиоваскуларни заболувања. Доколку сте едни од нив, треба да го избегнувате месото. Исто така, добро е да знаете дека месото е најздраво кога е варено. Внесувајте говедско месо во вашата исхрана еднаш до два пати неделно.

Заклучок

Здравствени придобивки од конзумирање на говедско месо има, но сепак треба да имате балансирана и разновидна исхрана. Затоа, внимавајте на менито и трудете се да вклучувате секаков вид на храна. Месото е најдобро сервирано со зеленчук, и секако, не заборавајте го виното. Добар апетит!