Месото се готви во зависност од дебелината и типот на месо. Трикот во подготовката на месо се крие во времето на готвење, температурата, и секако маринирањето. Степенот на подготовка на месо зависи од тоа какво месо сакате, некои го јадат помалку печено, а други повеќе.
Кујната на Рептил, нуди голем број свежи месни производи како и одлични готови јадења со кои ќе ја збогатите вашата трпеза за ручек, вечера или за претстојните празници. Со соодветните степени на подготовка ќе добиете неодолив вкус.
Начин на подготовка на месо
Пред да започнете со готвење, извадете го стекот од фрижидерот и оставете го на собна температура да одстои 1 час. Оставете го месото на површина каде не се собираат бактерии или ставете го во сад со ладна вода.
Температурата на која маслото или путерот треба да се загреат во тавата треба да биде средна. Исто така, можете да втриете маслиново масло директно на месото или пак путер за да го збогатите неговиот вкус.
Текстурата и бојата на месото од почетокот до крајот на самото готвење варира. Доколку знаете како месото се менува во текот на процесот на готвење, тогаш ќе знаете кога месото е готово. Исто така, за да бидете посигурни, може да користите термометар кој ја мери внатрешната температура на месото.
Колку време е најдобро да одлежи во маринада
Маринадата се користи при подготовка на месо за да добие сочен и комбиниран вкус од зачини по ваша желба. Најчесто зависи од типот на месо, така на пример, густото месо како свинското и бифтекот се маринираат и до 24 часа.
Полесното месо како пилешкото, се маринира од 2 до 24 часа. За рибата се потребни од 15 минути до 1 час. Колку што е потенко месото, толку полесно маринадата ке навлезе во внатрешната страна на месото. Ако месото е густо, маринадата нема да се впие во внатрешноста, туку ќе остане на површината.
RARE (сирово или малку печено месо)
Во зависност од дебелината на стекот, потребни се 2 – 5 мин за месото да се испечи од секоја страна во врела тава, со внатрешна температура од 49 ° C. Телешкото и јунешкото месо имаат погуст состав, се доста квалитетни и се готват на температура од 63 ° C, и му требаат повеќе минути за печење.
Малку печеното месо треба биде топло во средината, со кафеава боја на краевите, а да добие светло црвена боја во средината. На пилешкото и мисиркиното месо, му требаат 74 ° C од средно до малку печено месо, за да се уништат бактериите. Исто така, секое месо треба да биде меко на допир.
MEDIUM-RАRЕ (сирово до средно печено)
Во зависност од дебелината на стекот, потребни се 4 – 7 минути за секоја страна во врела тава, и треба да постигне внатрешна температура од 54,5 ° C. Во принцип, секое место се готви на ист начин, но за оние со погуста структура како телешкото, потребни се повеќе минути.
На пример, ако на свинското му требаат 4 минути од секоја страна, на телешкото му требаат 7 минути. Готвачите го преферираат овој степен на подготовка на месо и е готово тогаш кога има црвена боја на средината, а краевите треба да бидат темно кафеави и треба да биде топло во средината.
МEDIUM (средно печено)
Во зависност од дебелината на стекот, 6 – 10 минути се потребни за секоја страна во врела тава, и треба да достигне внатрешна температура од 60 ° C. Во овој степен, црвеното месо треба да добие розова боја, а краевите треба да добијат темно кафеава боја.
Месото треба да биде добро пржено од надвор, во средината треба да се чувствува блага мекост, но во принцип, на допир треба да биде цврсто. На пример, за стек од 2 см, потребни се вкупно 10 минути за да ја достигне потребната температура.
MEDIUM WELL (средно до добро печено)
Во зависност од дебелината на стекот, за подготовка на месо потребни се 8 – 11 мин за секоја страна во врела тава. Потоа потребни се дополнителни 5 – 8 мин во рерна на 180 ° C, со внатрешна температура од 65,5 ° C.
Во овој степен, површината на месото треба да има темно кафеава боја. Оставете го да одстои 15-на минути по готвењето, па пресечете го. Ако забележите слаба нијанса на розово во средината на црвеното месо, тогаш месото е средно до добро печено.
WELL DONE (добро печено)
Во зависност од дебелината на стекот, странично се готви од 11 до 13 мин во врела тава, а потоа дополнителни 10 – 12 мин во рерна на 180 ° C, со внатрешна температура од 71 ° C. Во овој степен, црвеното месо целосно ја губи розовата боја, и е добро печено ако има кафеава боја, а пилешкото месо треба да добие светло кафеава. Секој стек е добро печен ако има тврда структура.
Сервирање
После секоја подготовка на месо, тоа треба да се одмори за да ја достигне посакуваната внатрешна температура. Со тоа се впива и маринадата и се збогатува вкусот. Секој стек мора да се одмори 5 – 10 минути по готвењето пред да се намали.
Богата тава со свинско и мисиркино месо
Рецептот кој може да ви послужи како одлична идеја за ручек и подготовка на месо, а можете да одберете и од останатите прилози со рецепти кои ги нуди Рептил. Добар апетит!
Потребни состојки:
- 500 грама свеж свински врат
- 500 грама свежо мисиркино филе со надкопан
- 500 грама свежи шампињони
- 300 мл павлака за готвење
- 1 главица кромид
- 2 моркови
- 1 лажица сенф
- 1 лажица буковец благ
- 1 лажица зачин вегета
- 200 мл бело вино
- Маслиново масло
Начин на подготовка:
Месото исечете го на коцки и ставете го во тавче со вода и вино, па додадете го морковот, кромидот и динстајте еден час. Потоа испасирајте ги морковот и кромидот, а претходно исечените печурки на крупни парчиња, пропржете ги во масло. Месото и печурките заедно со зачините ставете ги во тава за печење. Додајте сенф, буковец и павлака. Се пече 1 час на 200° C.
Заклучок
Како што правите подготовка на месо, од сирово до добро печено, месото треба да добива тврд состав – колку е потврда структурата, толку подобро е месото печено. На крај, степените на месото треба да се почитуваат за да ја достигнете посакуваната структура и вкус.
