Печурките се вкусен додаток во секое јадење. Всушност, тие се наоѓаат меѓу првите состојки кои ни паѓаат на памет кога времето ќе стане ладно. Но, за да се вкусат треба да поминете низ неколку етапи во готвењето и да добиете неодолив вкус кој ќе го збогати вашето мени. Еве што се треба да знаете за печурките пред да ги подготвите:
1. Нутритивна вредност
Печурките се едни од ретките намирници кои содржат витамин Д. Кога се изложени на УВ светлина, нивното ниво на витамин Д се зголемува. Друга здравствена придобивка од печурките е тоа што го зајакнуваат имунитетот. Често пати се користат и во хроно исхрана.
Исто така, печурките се берат во различни фази на раст, поради што нивната хранлива вредност може да варира. Во зависност од тоа, постојат печурки како белите печурки што се производи богати со магнезиум, бакар, селен, витамин Б2 и витамин Б3.
2. Како да изберете печурки?
Првото, и најважно правило за печурки е да изберете правилно но, не избирајте ги сами, освен ако не сте искусен професионалец со печурки. На пазар или во продавница, кога ги бирате, пречурките треба да бидат цврсти, но нежни на допир.
3. Печурките се валкани, затоа измијте ги
Печурките, особено дивите печурки се како мали сунѓери затоа што ја впиваат влагата. Ако ги измиете, ќе се натопат со вода. Наместо тоа, исчистете ги со влажна хартиена крпа или измијте ги со четка за пециво.
Ако на нив забележите промена на бојата, тогаш треба да ги излупите. Иако може да ви одземе време додека ги исчистите, многу е подобро да се исчистат затоа што сепак растат во нечистотија. Без оглед на бојата и видот, за добро да ги исчистите, треба да го отстраните долниот дел од печурката.
4. Кој е најдобриот начин за готвење печурки?
Иако печурките може да се јадат сурови и може да имаат корисен ефект врз дигестивниот систем, се покажало дека одредени методи за готвење ги зголемуваат некои од нивните хранливи вредности. Во споредба со пржење или варење, ако печурките се печат, се готват на скара или во микробранова печка, тие задржуваат повеќе антиоксиданси.
Новите истражувања на Меѓународното списание за науки за храна истражувале одредени видови печурки со различни методи на готвење и откриле дека кога печурките се готват пократко време, тие задржуваат повеќе витамини и хранливи материи. Што значи, ќе добиете вкусна вечера за 30 минути.
5. Гответе во голема тава
Печурките секогаш гответе ги во голема, широка тава каде ќе има доста површина за намирниците. Кога ги ставате печурките во тавата, треба да бидат распоредени во еден слој за да можете полесно да ги мешате и да ги завртите од двете страни за влагата да испари побрзо. На овој начин, тие се карамелизираат.
Ако ја нафрлате тавата и ги збиете печурките едни до други, ќе се здобијат со кафеава боја на краевите, и ќе ја задржат пареата. Исто така, доколку ги печете во микробранова печка, најдобро би било да користите две тави за печење за парчињата да не се допираат едни со други и за да добијат кафеава боја.
6. Кои зачини прават неодоливи и вкусни печурки
Иако за многу намирници е познато дека треба повеќе пати да се посолуваат додека се готват, печурките се исклучок. Кога двете страни на печурките се кафеави, а тие се намалени во големина, додајте малку вкус – сол или било кој друг зачин. Исто, може да зачинувате со сол, малку путер, свежа мајчина душица, лук и кора од лимон. После минута или две, тие се неодоливо вкусни.
Друг начин за да добиете вкусни печурки е да завршите со путер и шери. Додавањето малку путер и малку шери (или бело вино или омилен оцет) им дава на печурките атрактивен сос што ги прави навистина достојни за да бидат дел од главното јадење.
Рецепт: Паста со печурки
Може нема толку материјал за да се зборува за печурките колку што треба да се вкусат. Покрај тоа, треба да знаете и неколку трикови за да ги направите вкусни. Еве ви совршен пример како да направите паста со печурки на малку помодерен начин.
Потребните состојки се следниве:
- 400 грама кременадли лосос
- 400 грама шпагети
- 400 грама печурки шампињони
- 200 грама кисела павлака
- 1 парче кромид
- ½ лажичка црн бибер
- 50 грама рендан овчи кашкавал
- ½ лажичка кари
- 1 лажица путер
- 1 лажичка сол
Начин на подготовка:
Во тава ставете го путерот и исечканиот кромид и пржете неколку минути, па додајте ги шампињоните (претходно исечкани) и продолжете со пржење уште 10-15 минути на намален оган. Тестенините варете ги 7 минути за да се постигне ал-денте вкусот. Во посебно тавче на зејтин испржете ги кременадлите лосос.
Во тавата со кромидот и печурките, додајте ја киселата павлака, кратко промешајте, додајте ги зачините, сварените тестенини и ренданиот овчи кашкавал. Промешајте ја смесата убаво и сервирајте додека е топло со кременадлите лосос.
Заклучок
За да се зготват печурките не треба многу време, и се лесни за приготвување. Придобивките од печурките се здравствени затоа што му помагаат на организмот да се заштити од одредени заболувања. Покрај тоа, претставуваат интересен и вкусен додаток во секоја чинија затоа што може да се искомбинираат со секаков вид на јадење.
