Ѓумбирот е ботаничко растение со повеќенаменска употреба. Светските кујни го користат како зачин поради специфичната арома и пикантниот вкус, а домаќинките го заменуваат со лекови поради хранливите вредности.
Нутритивни вредности на ѓумбирот
Во 100 грама ѓумбир има околу 80 калории, во кои 1,82 грама протеин, 0,75 грама масти, 18 грама јаглехидрати, и 2 грама диетални влакна.
Ароматичниот корен на ѓумбирот е богат со минерали како калиум, бакар, магнезиум и манган чија заедничка функција е одржување на нормална работа на организмот и јакнење на коските и зглобовите.
Исто така, ги содржи витамините Ц и Б, како и мала количина на пантотенска киселина (витамин Б5), и ниацин (витамин Б3), кој има значајна улога во метаболизмот.
1. Го одржува срцето здраво и го намалува холестеролот
Според истражување во Мериленд, ѓумбирот го намалува крвниот притисок и нивото на холестерол, со што се намалуваат шансите за инфаркт.
Гингерол и зингерон се моќни состојки во ѓумбирот кои ја подобруваат вашата циркулација, и со тоа ве штитат од срцеви заболувања. Идеален пијалак кој ќе ви помогне во нормална работа на срцето е чај со ѓумбир.
2. Ја подобрува функцијата на мозокот и штити од Алцхајмерова болест
Оксидативниот стрес и хроничното воспаление може да го забрзаат вашиот процес на стареење. Според научниците, тие се едни од најголемите причинители за болести, а меѓу нив се Алцхајмерова болест и когнитивниот пад на меморијата, кој е поврзан со возраста.
Според истражувањето кај 60 средовечни жени, екстрактот од ѓумбир го забрзува времето на реакција и ја подобрува меморијата.
Покрај ова, постојат и други истражувања извршени во Националниот Институт за Здравје во САД, според кои ѓумбирот го спречува намалувањето на функцијата на мозокот, дури и ја подобрува.
3. Го зајакнува имунитетот
Многу од лекарите сметаат дека јакиот имунитет произлегува од здравиот дигестивен систем. Тоа има смисла, зошто во цревата се случува целиот процес на апсорпција на хранливи материи и елиминација на токсини. Ако редовно се храните со ѓумбир, вашиот стомак, желудник и црева, ќе функционираат нормално.
Ѓумбирот е богат со антиоксиданси кои му помагаат на вашето тело полесно да се ослободи од токсините. Истовремено, антимикролошките својства во растението спречуваат болести, а минералите пак, придонесуваат за нормално функционирање на вашиот имунитет.
4. Спречува коагулација (згрутчување на крвта)
Коагулацијата во организмот престанува да се одржува поради супстанции наречени коагулациони фактори. Оваа синтеза ја нарушува крвната циркулација и доаѓа до згрутчување на крвта.
Ѓумбирот ја спречува тромбозата со тоа што ја разредува крвта. Гингеролот што се наоѓа во ѓумбирот, може да ја разбие веќе создадената коагулација и има слична структура на аспиринот, кој често се употребува во медицината.
5. Помага во борбата против инфекции
Хранливите својства во ѓумбирот се доволно моќни да се изборат со инфекциите поттикнати од бактериите кои може да се јават во вашиот организам.
Патогените бактерии се најчести кривци за инфекции на уринарниот тракт, воспаление на белите дробови и бронхитис. Најдобрата причина за да јадете ѓумбир е тоа што делува против бактериите отпорни на антибиотици.
6. Значително ги намалува менструалните болки
Една од традиционалните намени на ѓумбирот е ослободување од болка. Менструалните болки се јавуваат за време на менструалниот циклус. Во едно истражување, на 150 жени им било кажано да се хранат со ѓумбир.
Во првите 3 дена од циклусот, тие внесувале 1 грам ѓумбир во прав дневно. На крај, статистиката покажала дека нивната болка значително се намалила. Научниците откриваат дека ѓумбирот може да ја намали вашата болка исто како и ибупрофен.
7. Ѓумбир за слабеење
Ѓумбирот ја поттикнува работата на жолчното ќесе, чија главна функција е да го регулира варењето на храната. Жолчното ќесе е мал орган кој се наоѓа на долната површина на црниот дроб со чија помош се разградуваат масните наслаги. Диеталните влакна во ѓумбирот може да го олеснат процесот на варење на храната во вашиот организам.
Исто така, се смета дека високото ниво на шеќер во крвта е всушност главната причина што ве тера да конзумирате слатки и масна храна, што придонесува за вишок килограми. Во овој случај, моќта на ѓумбирот е да го нормализира нивото на шеќер во вашето тело.
Заклучок
Поради широката примена на ѓумбирот, сметаме дека треба да ги знаете придобивките од ова растение кое е одлично за деца и за возрасни. Колку почесто јадете ѓумбир, толку подобро ќе се чувствувате.
