Доколку треба да се одлучиме која храна која ја добиваме од природата е највкусна, претпоставуваме дека заедничкиот избор ќе биде овошјето. Во најразлични бои и вкусови, освен уживањето кое го имаме додека го конзумираме, овошјето е извор и на многу материи кои позитивно се одразуваат на нашето здравје. Посебно црвеното овошје е богато со антиоксиданти кои делуваат позитивно во борба против срцеви заболувања, против рак на простата, го намалуваат ризикот од мозочен удар и многу други бенефити. Црвено овошје со посебен вкус и особено богато со хранливи материи е следното:
Цреши
Најубавото црвено овошје. Слатки и сочни, црешите се полни со антиоксиданти и богати со растителни влакна. Вашите деца можат да уживаат во нив јадејќи ги сурови, со гранола или житни култури, како дел од добро избалансиран појадок или како забавна попладневна закуска. Замрзнатите цреши ги нудат истите нутритивни придобивки како и свежите. Чувајте ги во вашиот замрзнувач за додавање во смути или како додаток на сладолед.
Лубеница
Овој летен фаворит на црвено овошје е богат со витамин А, кој го поддржува здравјето на очите и витамин Ц, важен за имунитетот. Една од најдобрите работи во врска со лубеницата е неговата содржина на вода, што помага да останете хидрирани. Ова особено е важно за децата, кои доколку се активни имаат постојана потреба од течности. Можете да направите многу лесни задоволства со лубеница, како сок од лубеница, дел од овошна салата со микс од вкусови на повеќе овошја и слично.
Јагоди
Црвено овошје налик на скапоцени камења кои се мали, но моќни. Јагодите се најголемиот извор на витамин Ц од сите овошја и прилично нискокалорични, со околу 50 калории на 8 парчиња јагоди. Исто како црешите и јаболката, јагодите се одлични при самостојно конзумирање како закуска или додаток на десерти, но исто така лесно можат да се вметнат и во бели печива.
Калинки
Ова карактеристично тропско црвено овошје е преполно со антиоксиданти кои го одржуваат вашето тело здраво. Поточно, антиоксидансите се борат против слободните радикали, кои се нестабилни молекули и предизвикуваат оштетување на клетките, протеините и ДНК. Калинките исто така можат да помогнат во задоволувањето на потребите од слатки работи и награди за вашето дете, без додавање шеќер.
Црвени јаболка
Има причина што едно јаболко на ден го држи докторот подалеку. Ова црвено овошје е повеќе од убава закуска. Црвеното јаболко е добар извор на калиум, витамин А и растителни влакна и особено позитивно делува на вашата кожа. Освен како сурово можеби најубавата и најслатката употреба на ова овошје е употребата во јаболкова пита. Испечена и во комбинација со малку цимет, ванила и шеќер.
Овошјето, особено црвеното овошје, нуди уникатни витамини и антиоксиданти, како и несекојдневна свежина на бои во секој оброк. Црвеното овошје е ретко вкусна и здрава намирница и може да биде чест и голем дел од секојдневната исхрана. Друга предност е што може да се купи секаде во маркетите, но свежо само во одреден период од годината.
Запомнете дека секогаш е подобро да јадете цела и сурова храна отколку да земате додатоци на специфични хранливи материи. Конзумирајте ги природните материи непосредно во вашата храна. Храната треба да биде комбинација на многу повеќе нутриенти, отколку само на витамини и минерали. Во суровата храна секогаш комбинацијата на овие материи е поурамнотежена и вашето тело полесно ја искористува.
