Во летниот период, најчесто избираме помалку калорични јадења, некој поради диета и спремање за лето, а некој затоа што масната храна е тешка за организмот во лето.
И покрај тоа што нутриционистите и експертите препорачуваат поголема доза на овошје и зеленчук во летниот период, понекогаш сакаме да уживаме во калоричната храна и разновидните вкусови кои ги нуди. Сепак, оброците може да бидат подеднакво вкусни и кога не се калорични и се подготвени со здрави и хранливи состојки. За оваа цел, ви издвоивме неколку рецепти за вечера под 500 калории како идеја:
1. Пилешко месо со шампињони
Една од идеите за вечера под 500 калории е овој едноставен и лесен рецепт кој може секој да го подготви. Плус тоа, одличен е за оние кои не преферираат зачинета храна.
Потребни состојки се следниве:
- 200 грама варено пилешко бело месо (стек)
- 250 грама варен компир
- 200 грама маринирани шампињони
- 200 грама карфиол од туршија
Начин на подготовка:
Првиот чекор за оваа вечера под 500 калории е да го сварите пилешкото бело месо на тивко, од 40 до 60 минути. Во друг сад ставете ги компирите и варете ги околку 30 минути. Потоа следува подготовката на шамнињоните, кои треба да ги маринирате од 10 до 15 минути. Откако ќе завршите со подготовката на сите овие продукти, сервирајте ги заедно и додајте го карфиолот од туршија во чиниите како додаток кој парира на останатите вкусови.
2. Кинески Микс со Пилешко
Донесете нешто ново и различно на вашата трпеза и уживајте во миксот од вкусови кој го нуди овој рецепт за вечера под 500 калории, кој е исто така и доволно соодветен и за специјални пригоди.
Потребни состојки се следниве:
- 300 грама пилешко месо
- 400 грама кисела павлака
- 400 грама ориз
- Маслиново масло
- 1 кромид
- Мешан зачин
- Магдонос
- Кесичка кинески микс
- Сол
- Црн бибер
Начин на подготовка:
Подготовката започнува со оризот кој треба да го сварите следејќи ги упатствата за подготовка наведени на амбалажата. За овој рецепт, потребни ви се 400 грама ориз. Додека оризот се вари,во тава, додајте маслиново масло и издинстајте една глава кромид. Кромидот динстајте го додека да омекне.
Потоа, во тавата со кромид, додајте го сварениот ориз, малку мешан зачин и ситно исечкан магдонос. Промешајте малку и подинстајте доволно за вкусовите да се соединат. Следно, во тава ставете две лажици маслиново масло и испржете го целото пилешко месо (300 грама).
Понатаму, додајте го кинескиот микс (или мешан зеленчук), солта, бибер и малку вода. Подгответе го сето ова на силен оган, постојано мешајте и динстајте околу 5 минути. Кога вечерата под 500 калории ќе биде готова, за крај прелијте ја со кисела павлака.
3. Макарони со туна – вечера под 500 калории
Потребни ви се само 20 минути за да стигнете до класичниот вкус за уживање кој овој рецепт го нуди. Идеите за вечера под 500 калории може да бидат како оброк во ресторан, направете си сами еден вид на паста со туна.
Потребни состојки се следниве:
- 80 грама макарони
- 40 грама туна од конзерва
- 1 лажица маслиново масло
- 1 лук
- Сол
Начин на подготовка:
Макароните ставете ги во сад и варете ги помалку од 15 минути и притоа додајте една лажица сол. За тоа време, подгответе го лукот кој треба да го испржите во една лажица маслиново масло додека да зарумени. Пред крај на пржењето, во лукот додајте ја туната заедно со веќе сварените макарони и промешајте. Доколку сакате мало освежување, додадете салата според ваш избор како прилог со вечерата под 500 калории.
4. Тортиља со пилешки стек и модар патлиџан
Внесете го мирисот на мексиканската кујна во вашиот дом, доволно привлечен за да го собере целото семејство на вашата трпеза. Во овој рецепт за вечера под 500 калории, сепак зачините се оние кои го додаваат тој посебен вкус.
Потребните состојки се следниве:
Начин на подготовка:
Првата состојка што се подготвува е пилешкиот стек. Бидете доволно слободни да го спремите на скара (доколку имате) или во грил тава. Веднаш штом го ставите во тавата зачинете го со рузмарин и сол. Следен чекор е подготовка на тортиљата која треба да ја стоплите во ненамастена тава.
Потоа, пилешкото место ставете го во тортиљата заедно со модриот патлиџан, зачинете со лук, магдонос, маслиново масло, сол и потоа ролувајте. Заедно со оваа вечера под 500 калории можете да додадете и зелена салата како прилог за совршено освежување во летниот период.
Заклучок
Идеите за вечера под 500 калории најчесто ги црпиме според состојките кои ги имаме дома или според годишниот период. Доколку ги бирате калориите, не бирајте ги зачините, туку експериментирајте со нив, затоа што тие го додаваат уникатниот вкус на секое јадење.
