Сонцето е природен витамин Д за вашата кожа. Сепак, научниците докажале дека потребна е крема за сончање кога е најсилно за да се заштитите од штетните UV зраци и изгореници. За оваа цел, постојат повеќе видови на креми за сончање, но не секогаш луѓето го одбираат соодветниот за нивната кожа.
Топлите денови и сонцето се секогаш привлечни за денот да го поминете надвор, но прашањето е дали за време на активностите сте заштитени со соодветната крема за сончање? Прочитајте ги следните неколку совети кои ќе ви помогнат во изборот на крема за сончање.
Изберете заштитен (SPF) фактор според тенот на кожата
Користењето на крема со одреден заштитен фактор најчесто оди според тенот на кожата. Честопати, луѓето се нетрепеливи за да добијат чоколаден тен и купуваат крема за сончање без заштитен фактор и го користат оној за потемнување.
Кремите за потемнување се ефикасни, но не треба да се користат без претходно нанесување на крема за сончање со заштитен фактор. На пример, доколку летувате, првите неколку денови користете крема со заштитен фактор, а наредните крема за потемнување. Според ова, следи прашањето:
Кој SPF фактор треба да се користи според тенот на кожата?
SPF (Sun Protection Factor) е фактор на заштита од сонце и претставува мерка за способноста на кремата да ја заштити кожата од штетното зрачење. Доколку, на незаштитената кожа и се потребни околу 20 минути изложеност на сонце за да почне да црвенее, користење на крема со SPF 15 теоретски треба да го одложи процесот на црвенеење за 15 пати – значи, за околу 5 часа. Крема со заштитен фактор SPF 15 филтрира околу 93% од штетните зраци, крема со SPF 30 филтрира околу 97%, а крема со SPF 50+ филтрира до 98%. Ови разлики иако изгледаат занемарливи, прават голема разлика.
Колку што се посветли вашата кожа, коса и очи, толку поголеми се шансите да изгорите на сонце. Кремите со 30 SPF фактор се доволно јаки да ги заштитат оние кои имаат потемна боја на коса, кожа и очи. Додека, пак, кремата за сончање со 50+ SPF фактор е најпрепорачлива за оние кои имаат светли очи и коса, и чија кожа најлесно може да изгори. Колку поголем е факторот, толку помала е веројатноста од изгореници.
Користете крема која одговара на вашиот тип на кожа
Со секое излегување на сонце потребна е крема за сончање, особено во периодот од 11ч. до 17ч. зошто тогаш зраците се најсилни. Според ова, дерматолозите препорачуваат користење на крема според типот на кожата.
Најкористената крема за сончање е онаа од 25 до 30 SPF заштитен фактор, која е доволно силна да ги заштити скоро сите типови на кожа. Но, доколку имате специфична кожа треба да внимавате во изборот.
Луѓето кои се здобиваат со алергиска реакција не треба директно да се изложуваат на сонце, а доколку е неизбежно, треба да се користи крема со 50+ SPF фактор. Ова важи и за оние кои лесно се здобиваат со иритација или црвенило на кожата од светлина или топлина.
Оние кои имаат масна кожа, треба да користат креми кои не се масни, имаат лесна текстура, брзо се впиваат и имаат дополнителни состојки кои делуваат како антиоксиданси и бариера од надворешните влијанија.
При изборот, внимавајте на состојките на кремата наведени на амбалажата, а доколку не можете да најдете соодветна крема, консултирајте се со дерматолог.
Како правилно да нанесете крема за сoнчање?
Начинот на нанесување на кремата во текот на летниот период, зависи од неколку компоненти, и најчесто ги вклучува следниве:
- Кои делови на телото треба да се најзаштитени?
Кога нанесувате крема за сончање, најмногу внимание треба да обратите на деловите на телото кои се изложени на сонце. За оваа цел, нанесете крема на лицето, вратот, грбот, рамената, рацете, подрачјето над колената и делот кој најчесто го изоставуваме, но е важен, е горниот дел на стапалата.
- Кога треба да се аплицира и колку време трае на вашата кожа?
На кремата и е потребно време за да се впие во површинскиот слој на кожата. Според ова, кремата се нанесува во период од 15 до 30 минути пред изложување на сонце. Исто така, долготрајноста на кремите после аплицирањето на кожата е различно и се движи од 40 до 80 минути. За оваа цел, изберете крема за сончање според времето кое ќе бидете изложени на сонце.
Дополнителен совет
Ставајте крема за сончање на секои 2 часа за да ја заштитите вашата кожа посебно ако често се бањате, сакате да играте игри на плажа или едноставно сте уживател на топлото време и сакате да останете подолго време на сонце.
Секое лето купувајте нова крема за сончање затоа што веќе отворената крема го губи заштитното дејство, а може да содржи и бактерии кои сте ги предизвикале со директен допир на раката.
Одржувајте ја кожата хидрирана преку целиот ден. Кремите за лице и лосионите за тело се потребни за хидратација на кожата. Секоја вечер, аплицирајте кремa за лице и млеко за тело со висока хидратација.
Заклучок
Во целост, пред да изберете крема за сончање, треба добро да се информирате. Секогаш кога се двоумите помеѓу одредени видови на креми за сончање консултирајте се со дерматолог. Со заштитната крема за сончање ќе можете да уживате во времето поминато на плажа и воедно ќе бидете заштитени.
