Кокосовото масло има повеќе намени, некои од нив датираат од дамнешно време, а други пак се изум на модерното време. Овој повеќенаменски производ може да се користи како лек за да го подобрите вашето здравје, како продукт за убавина, како намирница за готвење, дури и како средство за чистење и отстранување на дамки.
Кои се придобивките од кокосово масло?
Дали знаевте дека луѓето кои конзумираат кокосово масло се најздравите луѓе во светот? Најдобар пример се луѓето кои живеат на Пацификот. Голем број од нив внесуваат повеќе од 60% кокосово масло. Истражувањата покажале дека имаат одлично здравје и немаат никакви симптоми на срцеви заболувања.
Според други истражувања пак, направени од научници за продукти за убавина, се докажало дека косовото масло ја одржува кожата мека и здрава, а на косата и помага да се регенерира, притоа одржувајќи ја блескава и сјајна.
Дознајте како кокосовото масло може да ви помогне:
1. Помага при слабеење
Иако кокосовото масло содржи масни киселини, тие се добри за вашиот организам. Масните киселини во желудникот се разградуваат и може да придонесат до поефективно губење на тежината. Доколку редовно вежбате, може да внесувате кокосово масло на празен желудник.
Некои нутриционисти го предложуваат следниов редослед во исхраната:
- 40-60кг – 3 лажици дневно, една пред секој оброк
- 61-80кг – 4,5 лажици дневно, 1,5 пред секој оброк
- Повеќе од 81кг – 6 лажици дневно, 2 лажици пред секој оброк
2. Помага при иритација на кожа и егзема
Истражувањата покажуваат дека кокосовото масло помага при лечење на дерматит и друти кожни заболувања. Притоа, се докажало дека има исто дејство како минералните масла и остананатите хидратантни креми за раце, лице и тело.
3. Го забрзува метаболизмот
Доколку се прашувате како до брз метаболизам на природен начин, кокосовото масло е добар избор да го направите тоа. Производот содржи среден ланец триглицериди (MCTs).
Тоа се масни киселини кои телото брзо ги абсорбира и може да го зголеми бројот на потрошени калории. Според истражувањата на Универзитетот за Диететика и здрава човечка исхрана во Квебек, Канада, се докажало овие киселини привремено го зголемуваат метаболичкиот ритам.
4. Отстранува дамки
Ви се верува или не, покрај сите придобивки од кокосовото масло, оваа е можеби најневообичаената. Овој продукт помага во отстранување на дамки од облеката, теписоните и мебелот. Комбинирајте го кокосовото масло со сода бикарбона и измешајте го во вид на паста, а потоа нанесете го на дамките. Оставете ја смесата 5 минути да се впие, а потоа исчистете ја.
5. Му дава сјај на дрвениот мебел
Кокосовото масло може да го користите и како средство за чистење. Имено, кокосовото масло може да има иста функција со средствата за чистење на прашински грини, помага при одржување на дрвениот мебел и притоа му дава блескав сјај. За разлика од фабрички изработените репеленти, кокосот има пријатен мирис.
6. Ја отстранува шминката за очи
Кога се користи за отстранување на шминка, кокосовото масло има слично дејство со мицералната вода. Ја отстранува шминката лесно и без да ја иритира кожата. Нанесете го на памукчиња за лице и полека тријте се дури целосно не ја отстраните шминката.
7. Го враќа сјајот на косата
Многу фактори влијаат врз оштетувањето на вашата коса, ветерот, ладното зимно време, изложување на сонце итн. Кокосовото масло е дел од природните лекови за лице и коса.
Како да приготвите домашна маска од кокосово масло:
Во едната рака ставете од маслото, втриете ја во скалпот и нежно масирајте од коренот до врвот на косата. Обвиткајте ја косата со пешкир и оставете ја маската да делува. После 30 минути измијте ја со шампон за коса. Оваа маска може да ја нанесувате 2 до 4 пати месечно.
8. Кокосово масло како дресинг во салата
Кога се користи како прехранбен продукт може да има дејство на здрава исхрана која спречува болести. Многу видови на дресинг содржат маснотии, шеќери и презервативи што не се здрави за организмот. За разлика од нив, кокосовото масло е природен продукт кој може да дејствува и како храна за помлад изглед на кожата, зошто во многу случаи, убавината доаѓа од внатре.
9. Го штити црниот дроб
Познато е дека овошјето има неверојатни бенефити, но кокосовото масло го штити целиот ваш организам. Како таков производ, го штити црниот дроб од токсини и од конзумација на алкохол. Постои истражување во кое се докажало дека редовната конзумација на кокосово масло ја намалува иритацијата и појавата на заболувања на црниот дроб.
10. Направете домашен мајонез од кокосово масло
Од сите придобивки на кокосовото масло, оваа е најинтересната. Мајонезот содржи многу шеќери и масло од соја. За здрава, но сепак вкусна промена во исхраната, може да направите домашен мајонез од кокосово масло.
Потребните состојки се следниве:
- 4 жолчки од јајца
- 1 лажица сок од лимон или јаболков оцет
- 1 лажица сенф
- ½ лажица сол
- ¼ лажица црн бибер
- ½ чаша маслиново масло
- ½ чаша кокосово масло
Начин на подготовка:
- Ставете ги жолчките во блендер или измешајте ги во сад за да се растворат.
- Додајте го лимоновиот сок или јаболковиот оцет, сенфот и зачините и измешајте ги за да добиете смеса.
- Во садот полека додајте го маслиновото, а веднаш потоа и кокосовото масло. Сето тоа добро измешајте го се дури состојките не се соединат.
- Смесата ставете ја и чувајте ја во фрижидер најдолго една недела.
Совет
За следниов рецепт, потребно е состојките да бидат на собна температура. Доколку се претерано ладни или топли, нема да можете да го измешате мајонезот.
Заклучок
За придобивките од кокосово масло може да се зборува многу. Овој производ е доста популарен во светот меѓу експертите за убавина и професионалните готвачи на храна. Неговата примена е исто така препорачана и од лекари и нутриционисти. Полека, станува еден од продуктите за кои е препорачливо да се користат секојдневно.
