Летото е кратка приказна за среќа. Тоа е периодот кога можеме да уживаме на сонце, во топлите вечери и секако, ладните пијалаци за летниот период. Повеќето пијалaци за летниот период треба да содржат состојки кои освежуваат во топлото време.
Доколку се прашувате или двоумите во изборот на најосвежителните пијалаци, ги издвојуваме оние кои навистина помагаат да останете свежи и хидрирани во топлите денови на летото.
1. Свежо исцеден сок
Летото е периодот кога избегнуваме секаков вид на пијалаци кои може да предизвикаат надуеност. За разлика од нив, свежо исцедениот сок не ја предизвикува надуеноста и освежува.
За да подготвите свежо исцеден сок, не мора да имате соковник. Тоа што е потребно е да го изберете вашето омилено овошје или зеленчук кое може да го исцедите со цедилка. За само неколку минути ќе добиете сок кој ќе ве освежи после напорен ден.
Покрај тоа, овошјето и зеленчукот содржат нутритивни вредности кои ќе ви дадат доволно енергија во текот на топлите денови. Доколку додадете и неколку коцки мраз, добивате совршен летен пијалак.
2. Чај
Многумина го знаат позитивното влијание на чајот врз здравјето на човекот. Знаат дека содржи хранливи состојки на природна база и антиоксиданти. Најчесто луѓето го конзумираат во зима, затоа што покрај освежителниот вкус и својството до јакне имунитетот, ни дава топлина во студените денови.
Но, малкумина знаат дека колку што е добро чајот да се пие во зима, исто толку е добро да се пие и во лето. Чајот е еден од најдобрите пијалаци за летниот период, затоа што бенефитите од неговата конзумација се сосема исти како и во зима. Дури, има плус предност во лето затоа што ве одржува хидрирани што е најважно во жешките денови, без разлика дали ќе го пиете топол или ладен.
3. Енергетски пијалак
Како што самото име кажува, енергетските пијалaци даваат енергија, но овој што ќе го спомнеме не е од оние класични енергетски пијалaци за летниот период. Dobra Voda Active е газиран пијалaк кој содржи гуарана и женшен.
Се смета за енергетски затоа што е нутритивен и ја дава потребната доза на енергија. Покрај тоа, не предизвикувa надуеност како некои од останатите газирани сокови. Комбинацијата од женшен и бела праска и дава лесен и примамлив вкус на водата.
4. Минерална Вода
Да не го заборавиме изворот на здравјето на целиот организам – водата, која покрај тоа што хидрира, ја одржува вашата кожа чиста. Малкумина ја знаат повеќенаменската моќ на водата покрај тоа што е најсилната супстанца која е неопходна за живот.
Знаете ли дека водата може да замени таблета за главоболка? Дневната конзумација на вода, која треба да изнесува околу 2 литри, во зависност од килограмите, може да ја намали или комплетно да ја уништи вашата главоболка настаната поради недоволна хидратација.
Иако треба да ја конзумирате во текот на цела година, најпотребна е во лето поради следниве својства: ја регулира температурата на телото, го регулира крвниот притисок и ја подобрува функцијата на дишните патишта. Доколку конзумирате доволно вода, спремни сте за лет.
5. Лимонада
Ставете си чаша вода и во неа додајте лимон – за само 3 секунди добивате еден од нај високо освежителните пијалaци за летниот период. Покрај тоа што е освежителен, вкусот на лимонот го прави пијалaкот попривлечен и полесен за пиење.
Исто така, испитувањата покажуваат дека конзумацијата на лимонада или вода со лимон, ја подобрува циркулацијата на телото. Витаминот Ц, пак, ве одржува енергични во текот на денот и секако, ве штити од несакани вируси.
Многумина го конзумираат овој пијалaк топол, особено во текот на зимскиот период. Во летниот период, можете да го пиете и со нормална топлина на водата, или да додадете неколку коцки мраз.
Заклучок
Овие пијалаци за летниот период може да ги конзумирате на секое место и во секој дел од денот. Покрај тоа што се крајно освежителни, тие се и здрави, препорачани од нутриционисти.
