За да го разбудите апетитот наутро, треба да знаете да подготвите брз и вкусен здрав појадок, а со нашите предлози не само што ќе подготвите здрав и вкусен појадок, туку и неизмерно ќе се забавувате. Ќе можете совршено да се справите со утринските дилеми подготвувајќи нови кулинарски ремек дела, кои вашето семејсто ќе ги обожава
Овие неколку рецепти за здрав појадок може да се подготват брзо и едноставно, но забавата да биде поголема вклучете ги и вашите деца во нивното подготвување.
Кога децата ги гледадат своите родители како се забавуваат готвејќи, ќе посакаат да бидат дел од таа забава. Секогаш поттикнувајте ги да ги развиваат своите кулинарски вештини , и најважно од се охрабрувајте ги да бидат свои и неограничено креативни.
Љубовта кон готвењето нека започне со вас, а моментите поминати подготвувајќи ги овие неколку забавни рецепти нека продолжат да живеат како убава приказна која ќе се раскажува на семејните прослави.
1. Вкусни палачинки од тиква
Состојки кои ви се потребни за да ги подготвите овие палачинки од тиква се: тиква, јајце, брашно, путер, млеко, сол, ванилин и шеќер.
Овој здрав појадок е лесен за подготовка, брз, забавен и многу вкусен.
Состав:
- 200гр. тиква
- 200гр. брашно
- 3 лажици шеќер
- половина литар млеко
- 2 јајца
- 1 лажиче сол
- 2 лажички ванилин шеќер
- лажичка путер
Тиквата добро сварете ја и испасирајте ја. Јајцата и млекото изматете ги и во нив додадете ја тиквата. Откако смесата ќе се соедини додадете: брашно, шеќер, сол и ванилин шеќер.
Измешајте убаво и оставете ја смесата 5 минути да отстои за да се соединат состојките пред да започнете со печење на палачинките. Смесата треба да биде прилично густа, слична по густина како смесата за американски палачинки.
Загрејте ја тавата за палачинки на среден оган и премачкајте го дното со путер. Ставете од смесата и почекајте додека се запече од едната страна пред ја завртите од другата страна. Кога ќе биде готова можете да ја послужите со додатоци по вкус.
2. Јајца во кошница / Јајца во гнездо
Состојки кои ви се потребни за да го подготвите овој здрав појадок :
- парчиња леб
- 1 лажица путер
- 2 големи јајца
- сол и бибер по вкус
Подготовка:
Загрејте ја тавата за пржење на средна температура, ставете една лажица путер да се загрее.
Со метален калап отстранете го внатрешниот дел од парчето леб, а остатокот ставете го во тавата со загреаниот путер. Скршете едно јајце во отсечениот дел и почекајте додека јајцето не добие златна боја на дното. Нежно превртете го од другата страна додека пак не се потпече. Послужете и уживајте.
3. Мафини без брашно
Состојки кои ви се потребни за да го подготвите овој здрав појадок се:
Подготовка
Во длабок сад измешајте ги млекото, јајцата, прашокот за пециво и павлаката. Калапите за мафини премачкајте ги со масло. До половината, наполнете ги со исечканите печурки и кашкавал, а потоа дополнете ги со изматената смеса од јајца, павлака и млеко.
Калапите не ги полнете до горе за да има место мафините да нараснат при печењето. Печете во загреана рерна околу 20минути.
4. Ќофтиња од карфиол
Состојки кои ви се потребни за да подготвите ќофтиња со карфиол се:
- 500гр. карфиол
- 4 лажици презла
- 150гр. сирење
- 2 јајца
- 4 лажици масло
- зачин
- масло за пржење
- 1 лукче
- 1 главица сечкан кромид
Подготовка
Карфиолот се обарува во солена вода. Откако ќе се обари се дроби на ситни парчиња и се меша со сирењето и маслото. Добро се меша за да се иситни карфиолот. Потоа се додаваат сите останати состојки повторно се меша и се меси смесата.
Оставете малку да отстои во фрижидер, а потоа почнете со обликување на мали ќофтиња. Обликуваните кофтиња извалкајте ги во презла и испржете ги во врело масло.
5. Фритата со спанаќ
Здрав појадок кој е лесен за подготовка и многу вкусен.
Состојки
Подготовка
Испржете го спанаќот и тргнете го тавчето на страна. Изрендајте ја тиквичката и во посебен сад изматете ги јајцата. Измешајте ги јајцата со изрендандата тиквичка, додадете го млекото и пржениот спанаќ и повторно измешајте. Во смесата додадете го исечканиот кашкавал.
Во загреана рерна на 180 степени печете околу 10-15 минути. Испечената фритата исечкајте ја на парчиња и послужете ја со павлака