Кога сервираме храна, најчесто пијалокот го бираме според вкусот на храната. Виното како додаток е често употребуван од страна на познатите готвачи и во рестораните. Тоа е така затоа што постојат повеќе видови на вино и може да се употребат со секаков вид на храна. Во просек, овој пијалок содржи слатко-кисели ноти и според тоа комбинацијата на храна и вино е многу лесна.
Меѓутоа, од голема важност е да се комбинира храната со соодветниот тип на вино затоа што на тој начин повеќе можете да уживате во храната. Доколку пробате разни видови на храна со различни вкусови на вино, ќе успеете да ја воочите разликата и да спарите вкусови. Во прилог, храната која оди со вино најдобро е следнава:
1. Овошни вина за овошни порции
Порциите кои содржат компонент на овошје се одличен спој со вино кое има овошни ароми. На пример како свинско месо со пржени јаболка, мисиркино месо со смоква или печено пилешко со кајсии итн.
Иако ваквата комбинација изгледа малку необична, овошјето е вкусен додаток на добро испечено и сочно месо, и бара вкус на вино кој соодветствува на вкусот на храната. Таков вид на вино е Аlexandria Classic на Тиквеш винарија е суво бело вино богато со овошни цветови.
2. Интензивни вина со мрсна храна
Кога комбинирате храна и вино, доколку е масна и содржи масло, путер или крем, тогаш на порцијата и треба исто толку интензивно и концентрирано вино за дополнително да го збогатите вкусот. Во овој случај, вашиот оброк можете да го искомбинирате со Merlot, црвено вино на Тиквеш со рубин и арома на малина и црна рибизла.
3. Бел сос со бело вино
Белиот сос е додаток на кој му треба вино кое ќе го надополнува во вкусот, т.е. му треба вино со низок степен на киселост и мек вкус. Според тоа, без разлика дали ќе подготвите обилна храна или салата, белиот сос оди секогаш во комбинација со бело вино. Доколку сакате да го збогатите вкусот на сосот, може да сервирате со лимон, риба или морски плодови на што совршено би одговарало вино со неутрален вкус како што е оној на Chardonnay.
4. Светли десерти со светли десертни вина
Трикот во десертните вина е нивниот среден вкус со овошни ароми кои го комплементираат вкусот на десертот. Кога спојувате храна и вино, треба да внимавате виното да не биде поблаго од десертот.
На пример, на млечните десерти како ванила, бело чоколадо, овошни десерти и слично, им одговара вино со среден вкус . Според тоа, може да ги комбинирате со бели вина кои обично се со лесни и меки ноти. За ваква пригода, одличен избор е Muscat Ottonel кое се карактеризира со арома на бозел, цитрус и бели цвеќиња.
5. Чоколаден десерт со црвени десертни вина
Кога комбинирате храна и вино, чоколадните десерти спаѓаат во оние со поинтензивен вкус и затоа се комбинираат со суви црвени вина кои имаат мирис на вишна. На овој десерт највеќе му прилега Cabernet Sauvignon, вино со богат вкус на танин. Оваа комбинација би била особено вкусна ако десертот содржи и вишни. Со други зборови, ќе добиете комбинација како од ресторан, а вашите гости ќе бидат воодушевени.
6. Солена храна со кисело вино
Солена храна и вино со киселост се одличен контраст кои кога се споени даваат луксузен вкус. За ваква пригода, одличен пијалок е Alexandria Riesling, вино со арома на банана, круша и зрели јаболка и е совршен спој од сладок и кисел вкус. Овој тип на вино е одлична комбинација маслинки или чаден лосос. Поради комбинираниот вкус на Ризлингот, секој солен оброк добива богат вкус.
7. Сирење со слатко вино
Можеби ќе ви звучи малку чудно, но комбинацијата на солено-слатко е всушност многу вкусна. Ако досега сте пробале сирење со лубеница или сирење со џем, тогаш сигурно сте запознаени со привлечниот вкус кој го нуди оброкот.
Всушност, слаткото вино го балансира вкусот на сирењето, особено на Англиското сино сирење. Овој начин на мешање на вкусовите е стар Европски обичај кој до ден денес е присутен во најпознатите ресторани. Доколку јадете дома, изберете го полуслаткото Alexandria Rose. Уживајте!
Заклучок
Начинот за комбинација на храна и вино е личен и по избор. Може да ги комбинирате како сакате, но целта е да уживате во комбинацијата без разлика дали сте во ресторан или дома. Никогаш не е на одмер да научите трик или два за храна и вино и да го зголемите нивото на умешност во кујната.
