Хумус или намаз од наут, е еден од најпознатите специјалитети на Блискиот исток. Обично се прави со мешање наут познат како леблебија, маслиново масло, лимон, лук и паста од сусам (таан).
Тој е неверојатно вкусен и полн со хранливи материи и токму поради составот е поврзан со многу здравствени и хранливи придобивки.
Освен што е вкусен и хранлив, хумусот е идеален и како меѓу оброк. Можете да го намачкате на двопек, брускети или некое печиво и да уживате во вкусната ужина.
Главниот состав на хумусот е леблебијата
Леблебијата е богата со магнезиум.Според истажувањата магнезиумот е потребен за човечкиот организам за регулирање на концетрацијата и опуштање на мускулите.
Покрај магнезуим, таа е преполна е со протеини, богата е со антиоксиданси, калиум железо и витамини Ц, А и Е.
- 100гр. варена леблебија има двојно повеќе железо од 100гр месо.
Зошто мора да вклучите хумус во исхраната?
Овој едноставен намаз, е еден од најпопуларните намази – „цар“ во здравата исхрана, особено кога се стремите да консумирате што повеќе намирници од растително потекло.
Состојкитете кои се вклучени во подготвувањето на традиционалниот хумус, како што се леблебија, маслиново масло и сусам имаат голем број здравствени придобивки
1. Одличен извор на влакна и омега-3 масни киселини
Хумусот е богат и со растителни влакна, а истражувањата потврдуваат дека влакната од леблебија имаат позитивно дејство врз здравјето на цревата.
Маслиновото масло кое е дел од составот на хумусот е богато со омега-3 масни киселини. Игра важна улога во многу физиолошки процеси како што е пред се правилното функционирање на срцевиот мускул, инфламацијата и активноста на мозокот.
Се вели дека девственотомаслиново маслиново масло има исто толку силни антиинфламаторни ефекти како и ибупрофенот.
2. Хумус за здрави мускули
Протеините се неопходни за нормален развој,раст и функционирање на организмот.Како протеините,хумусот содржи и амино киселини кој што телото ги користи за обнова на ткива,продукција на енергија и во процесот на градење на мускулната маса.
Хумусот исто така е препорачлив за луѓе што не јадат или избегнуваат продукти од животинско потекло.
Рецепт за домашен хумус
Постојат многу варијанти за подготовка на хумус, но денес имаме еден мошне лесен и брз рецепт, кој секој може да го подготви. Секако можете да го адаптирате според сопствен вкус со различни додатоци кои ќе го направат совршен за вас и семејството.
Убавината на хумусот е што може да се комбинира со тостирани лепчиња, крекери, омлет, тортиљи , како намаз за свеж зеленчук , тестенини, ориз, сладок компир, да се користи како додаток за салати, да се консумира во комбинација со главно јадење пилешко или риба.
Потребни состојки за подготовка на хумус
- 500гр. наут (леблебија)
- 125гр. таан
- 2 чешниња лук
- 1 лажичка сушен магдонос
- сол и бибер
- маслиново масло
- сок од 1 лимон
Начин на подготовка:
Наутот/леблебијата оставете ја да отстои во вода преку ноќ за добро да омекне. Следниот ден водата со која е прелиен наутот истурете ја. Наутот добро се премива со чиста ладна вода и се цеди. Следно се остава да се вари околу 40 минути.
Сварениот наут се додава во блендер заедно со сите состојки и се блендира додека смесата не се соедини и не се добие кремаста хомогена текстура.
Доколку смесата е премногу густа, може да додадете малку вода но внимавајте да не се изгуби потребната густината.
Ако сакате да добиете повеќе вкусови, на основната варијанта можете да додадете семки од тиква, босилек, путер од кикирики. Или посетете ги нашите Рептил маркети и изберете меѓу хумус натурал, хумус со семки од тиква, хумус со шитаке, хумус пикант и лесно и едноставно откријте кој е омилениот хумус вкус на вашето семејтво.