Виното е секогаш добар избор со храна. Всушност, на добро зготвена порција проследена со лежерен ручек му прилега вино. Според професионалните готвачи, одреден вид на храна прилега со одреден тип на вино. Но, секако, вашиот избор доаѓа на прво место. Маркетите на Рептил располагаат со повеќе видови на вино, како и рецепти од кои може да го направите вистинскиот избор. Имено, нашиот предлог на храна која оди со вино е следниот:
1. Шпагети со пилешко
Шпагетите и белото месо се едни од состојките чиј вкус одговара со бело вино и како два одвоени оброци. Но, кога се комбинирани во еден оброк тоа е причина плус за да изберете бело вино. Chardonnay Cuvee на Alexandria е одличен додаток за вашиот оброк да биде комплетен.
Потребните состојки се следниве:
- 500 гр шпагети
- 200 гр пилешки стек
- 100 гр сланина
- 200 гр свежи печурки
- 200 мл неутрална павлака за готвење
- 100 гр кравји кашкавал
- ½ лажиче вегета
- ½ лажиче оригано
- 1 главица кромид
- Масло
Начин на подготовка:
Исечкајте го кромидот, сланината и пилешкиот стек и ставете ги во тава со масло да се пржат. Потоа исечкајте ги шампињоните и додајте ги во тавата. Кога состојките ќе бидат испржени додајте ја павлаката за готвење, сол, вегета и оригано. Гответе со повремено мешање. Во меѓувреме додека се прави сосот сварете ги шпагетите и исцедете ги. Во тавата ставете ги шпагетите и промешајте ги со сосот. На крајот одозгора изрендајте кашкавал.
2. Десерт од јагоди
Овошните торти се евергрин десерти во текот на летните денови и иделни со бело вино. Комбинацијата од слатка павлака со слатко-киселиот вкус на јагодите создава сочен и освежителен вкус. А кога ќе го додадете и вкусот на сувото бело вино Muscat Ottonel на Тиквеш винарија ќе добиете десерт послужен како во ресторан.
Потребните состојки се следниве:
- 1 кг свежи јагоди
- 400 гр неутрална павлака
- 400 мл слатка павлака
- 5 лажици шеќер во прав
- 500 мл Јогобела
- 200 гр мелена Плазма
- 2-3 лажици маргарин Дијамант
Начин на подготовка:
Маргаринот се мати пенасто и во него се додава мелената плазма. Смесата која ќе ја добиете, ставете ја во длабок сад, во кој ќе го подготвувате десертот. Распоредете ја рамномерно и тргнете ја на страна. Слатката павлака изматете ја заедно со павлаката и шеќерот во прав, и половина од неа, ставете ја врз подготвената подлога од плазма.
Одозгора ставете ги исечканите јагоди, а во останатата изматена павлака додајте ја Јогобелата и прелијте ја смесата врз јагодите. Ставете го десертот во фрижидер да се олади. По неколку часа, десертот може да го послужите декориран со свежи јагоди одозгора.
3. Лосос Котлети со Зеленчук
Лососот сам по себе е вкусен кога е добро зготвен. Сочниот вкус на лососот кога е сервиран со зеленчук, добивате идеален оброк за вечера со пријателите.
Лососот е состојка која секогаш е препорачана од страна на сертифицираните нутриционисти за здрава исхрана и од страна на професионалните тренери како дел од фит програма. За порцијата да биде уште повкусна, може да ја сервирате со суво црвено вино Merlot на Тиквеш винарија.
Потребните состојки се следниве:
- 600 гр лосос котлети
- 450 гр златна мешавина
- 50 мл маслиново масло
- 50 гр путер
- 1 лимон
- Морска сол
- Мелен црн бибер
Начин на подготовка:
Прелијте ги котлетите лосос со маслиново масло и сок од лимон, зачинете со сол и бибер и ставете ги во тавче со претходно загреан путер да се пржат. Завртете ги од другата страна и потоа пржете уште 5 минути, во зависност од дебелината на котлетите. Потоа лосос котлетите ставете ги во рерна да се печат уште 15-на минути.
Во меѓувреме ставете го зеленчукот во зовриена вода (посолена) 10-на минути за да се свари. Кога зеленчукот е готов, исцедете го и пропржете го во маслиново масло. Послужете ги лосос котлетите со мешаниот зеленчук.
4. Медени чоко бомбици
Според професионалните готвачи чоколадните десерти се секогаш добра комбинација со црвено вино. За вашиот десерт да биде совршено сервиран, може да го сервирате Cabernet Sauvignon на Тиквеш винарија.
Потребните состојки се следниве:
- 300 гр мелена плазма
- 150 мл сок од портокал
- 1 ванилин шеќер
- 2 лажици џем
- 50 гр темно чоколадо
- 1 лажица мед
- Рендана кора од портокал
Начин на подготовка:
Во длабок сад измешајте ги сите состојки со стопеното чоколадо и од нив замесете смеса. Од смесата формирајте бомбици, кои ќе ги украсите по желба. Сокот од портокал добро е да биде свежо исцеден.
5. Солен Колач
За рецептите приготвени со сирење е познато дека се добра комбинација со розе вино. Овој колач со сирење е повкусен доколку го сервирате со полуслатко розе вино кое е лесно за пиење и има прилично освежителен вкус. Може да ги сервирате како предјадење. Уживајте!
Потребните состојки се следниве:
- 6 белки од јајце
- 150 мл млеко
- 100 мл масло
- 300 гр брашно
- 100 гр шунка
- 100 гр сирење
- 200 гр златна мешавина
- 1 пециво
Начин на подготовка:
Во длабок сад изматете ги белките. Исклучете го миксерот, додајте ги млекото и маслото и промешајте со лажица. Потоа додајте го брашното, пецивото, сецканата шунка и сирење, златната мешавина и на крај додајте сол. Кога ќе се изедначи смесата, ставете ја во подмачкан плех и ставете ја да се печи во загреана рерна. Послужете ја порцијата со павлака.
Заклучок
Без ралика дали готвите за вас самите или пак ве има во поголема бројка, за ручек или вечера, виното е универзален пијалок. На крај, добро е да знаете дека лекарите препорачуваат дневна доза од една чаша вино за подобра циркулација, и секако не го заборавајте тоа што ќе можете да уживате во оброкот. Добар апетит!
