Понекогаш, тајната на совршено приготвен сос се крие во клучните состојки или постоечки трик во подготовката. Брзите и лесни сосови се одличен додаток во тестенините затоа што го збогатуваат нивниот вкус. На страната на Рептил, можете да откриете нови вкусови за кои можеби не сте ни знаеле. Во прилог, може да ги пробате следниве топ 5 едноставни сосови за тестенини:
1. Карбонара
Понекогаш е доволен скромен сет од состојки за да направите едноставен, но вкусен сос за тестенини. Иако постои одреден начин на подготовка на Карбонара сос, повеќетo познати готвачи преферираат да додаваат нови состојки и затоа не плашете се да додадете и некоја од вашите омилени доколку не се спомнати во подготовката.
Потребните состојки се следниве:
- 450 гр тестенини
- 150 гр сланина
- 60 гр пармезан
- 2 јајца
- Црн бибер
- Маслиново масло
- 200 гр кисела павлака
- 1 чешне бел лук
- Магдонос
Начин на подготовка:
Во претходно загреано масло испржете ја сланината додека не стане благо крцкава, а пред крајот додајте го и ситно исечканиот лук и измешајте. Во друг сад измешајте ги јајцата, киселата павлака, магдоносот, црниот бибер и солта. Додајте ја смесата во садот со сланината и пржете 2 минути. На крај, ставете ги подготвените тестенини во поголем сад и врз нив ставете го подготвениот сос. Измешајте убаво за да се впие сосот во тестенините и сервирајте.
2. Болоњезе
Лесен и едноставен е начинот на кој се подготвуваат болоњезе сосови за тестенини. Меленото месо и доматното пире со зачини додаваат сочен и пикантен вкус на тестенините. Одличен е доколку го сервирате со бело вино.
Потребните состојки се следниве:
- 300 гр шпагети
- 300 гр мелено месо
- 1 доматно пире
- Магдонос
- 1 морков
- 3 чешниња лук
- 1 глава кромид
- 80 мл масло
- Оригано
- 150 гр пармезан
- Црн бибер
- Вегета
- Сол
Начин на подготовка:
Во тенџере на врело масло додајте морков и кромид, ситно исечкани. Кога кромидот ќе добие златна боја додајте го меленото месо и пржете околу 6 минути. Потоа, во истото тавче додајте доматно пире и лук и пржете додека ја добиете саканата густина.
При крајот на готвењето зачинете со оригано, црн бибер, сол, вегета и магдонос. Сервирајте заедно со приготвените шпагетии зачинете со пармезан.
3. Тестенини со Крема од Вргањ
Кога се работи за паста, секогаш можете да пробате нов вид на сос и зачини. Крема од Вргањ е состојка за малку поинаков, а можеби и пософистициран начин на подготовка на сос за тестенини. Добар апетит!
Потребните состојки се следниве:
- 500 гр тестенини
- 1 тегла крема од вргањ
- 100 мл маслиново масло екстра вирџин
- 2 главици кромид
- 200 гр сланина или пршута
- 1 китка босилек
- 250 мл крем за готвење (неутрална павлака)
- 100 гр пармезан
- Сол
- Бибер
- ½ чаша бело вино
Начин на подготовка:
Сварете ги тестенините 7-10 минути. Во меѓувреме во тава ставете маслиново масло, кромид – ситно исечкан и сланина, и оставете да се пржат 2-3 минути. Потоа додајте ½ чаша бело вино, неутралната павлака и кремот од вргањ. Зачинете по вкус, измешајте и почекајте да се згусне. Сварените тестенини исцедете ги и сервирајте. Одозгора додајте го сосот, изрендајте пармезан и украсете со ситно исечкан магдонос.
4. Сос од 4 Сирења
И секако, меѓу изборот на сосови за тестенини не смее да се исклучи еден од најпопуларните – сос со 4 вида сирења. Уживајте во овој домашно приготвен кремаст сос кој лесно се приготвува.
Потребните состојки се следниве:
- 400 гр шпагети
- Сол
- Црн бибер
- Кромид
- 4 чешниња лук
- Маслиново масло
- 300 мл супа од зеленчук
- 200 мл кисела павлака
- Оревче
- 2 лажици нишесте
- 100 гр горгонзола
- 70 гр пармезан
- 50 гр пекорино
- 100 гр рикота
Начин на подготовка:
Шпагетите сварете ги во посолена вода. Во меѓувреме во загреано масло, додајте ги ситно исечканите кромид и лук. Додајте ја супата од зеленчук и киселата павлака и измешајте. Зачинете со сол, црн бибер, и оревче. Со мешање, додајте го и нишестето за да добиете кремаст сос.
Трите вида сирења, освен пармезанот, ситно изрендајте ги и додајте ги во сосот. Мешајте се додека добиете кремаст сос. На крај, додајте ги шпагетите, промешајте и додајте го пармезанот. Уживајте!
5. Бел сос
Нашата топ 5 листа сосови за тестенини ја завршуваме со белиот евегрин сос во кој секој ужива. Дополнително, може да додадете состојки по ваша желба и да добиете нов вкус.
Потребните состојки се следниве:
Начин на подготовка:
Макароните сварете ги според упатството на кесичката. Потоа, испржете го брашното на растопен путер, па додајте го млекото заедно со зачините. Сосот се приготвува до моментот кога ќе почне да врие и да згуснува.
Садот тргнете го на страна и во него додајте ја павлаката. Кратко промешајте додека сосот и павлаката се соединат. Во друг сад на загреан путер додајте лук, ситно исечкан и сечкана сланина. Испржете ги убаво и измешајте ги во белиот сос. На крај, додајте ги и тестенините и сервирајте.
Заклучок
Убавината на сосовите за тестенини е во тоа што можете да ги приготвувате по ваша желба менувајќи го упатството и оригиналниот вкус за да креирате нов, поинтересен или непробан рецепт.
