Куркумата потекнува од истото семејство род на ѓумбир, и исто како и него овој живописен жолто-портокалов зачин е вообичаен во готвењето во Индија, Југоисточна Азија и Блискиот исток. Со векови се користел како традиционален лек во многу места на истокот за лекување на најразлични проблеми како што се проблеми со дишењето, проблеми со кожата, болки на коските и слично. Во последно време, куркумата се промовира како супер храна што може да се бори против ракот, да ја олесни депресијата и многу повеќе. Следат неколку болести на современото живеење каде што конзумирањето на куркума може да има позитивно влијание.
Депресија
Неколку соединенија во куркумата може да го подобрат вашето здравје. Најпознатото од нив е куркумин. Научниците се изненадени од потенцијалот на куркуминот да ја ублажи депресијата и да им помогне на антидепресивите да работат подобро. Како еден од најголемите проблеми на денешницата, депресијата претставува предизвик со кој мора да се борат и најмладите генерации. Куркумата нека биде ваш сојузник во борбата против депресијата.
Дијабетес тип 2
Kуркуминот може да помогне во борбата против воспалението и да го одржи нивото на шеќер во крвта стабилно. Поради тоа може да биде корисна алатка за спречување или лекување на дијабетес тип 2. Едно истражување следело 240 возрасни лица во предијабетна фаза и открило дека земањето додаток на куркумин во текот на 9 месеци ги намалува нивните шанси за развој на дијабетес.
Вирусни инфекции
Куркумин може да ви помогне во борбата против различни вируси, вклучувајќи херпес и грип. Имајте на ум дека куркумата е само околу 3% куркумин, а вашето тело не апсорбира куркумин добро, така што во периоди на појава на грип е добро да се зголеме внесот на куркума преку храната.
Висок холестерол
Истражувањата за способноста на куркумата да го заштити вашиот џигер покажуваат доста добри резултати. Некои студии откриле дека куркумата може да го намали ЛДЛ „лошиот“ холестерол. Тој е еден од показателите дека водите нездрав животен стил и лошо се храните. Соодветно на ова односно намалувајќи го лошиот холестерол, куркумата може да помогне во спречување на срцев удар.
Артритис
Куркумата покажува и резултати при ублажување на болката во зглобовите и вкочанетоста. Ако имате вакви проблеми и сакате да ја испробате куркумата за болки во зглобовите, помогнете му на вашето тело да апсорбира природен куркумин јадејќи ја куркумата заедно со црн пипер.
Рак
Како еден од најголемите проблеми и болести на денешницата, ракот е предизвик кој треба да се решава најчесто преку здравата храна, а не само преку медикаменти кои знаат да направат и повеќе штета на слабиот организам. Во таа насока докажано е дека куркумата го запира растот на клетките на туморот, помага на ензимите за детоксикација да работат подобро и делува делотворно на целиот организам.
Главоболки
Исто како и ѓумбирот кој е многу сличен, така и куркумата е добро познат природен лек за главоболка. Третманот преку внесување на поголеми количества куркума се препорачува за главоболка, особено за мигрена. Дополнително се препорачува и зголемување на внесот на течности кои придонесуваат хидрирање на телото и негова детоксикација. Главоболката обично е првиот знак дека имате некој проблем.
Ова се само дел од бенефитите на куркумата. Освен своите позитивни здравствени својства може да се употребува и заради карактеристичниот мирис и вкус во многу јадења. Куркумата е составен дел на познатиот зачин кари, кој секогаш го среќаваме во маркетите. Тој главно содржи корандер, куркума, ким, лук, црн пипер, ѓумбир, чили и др. Без оглед во која форма ќе го користите овој зачин, дополнително добивате и суптилно обојување на храната која ќе изгледа убаво, но ќе биде вкусна и здрава.
