Доколку размислувате за бременост во скоро време, или веќе спаѓате во нив- потребно е да знаете каков начин на исхрана е добар за вас, а уште поважно е да го практикувате тоа во секојдневието. Здравата исхрана е важна во текот на бременоста поради здравјето на бебето и вашето здравје. Всушност смути рецепти се вистински избор кога сте изморени или не можете да зготвите оброк.
Кои хранливи материи се потребни во текот на бременоста?
Храната која е богат извор на нутриенти е неопходна за секоја бремене жена за да ја подобри циркулацијата, да ја одржува правилната функција на организмот, да ја зголемува вашата енергија при чувство на замор, да ги олеснува мачнините доколку ги имате итн. Според тоа, храната која е потребна во тој период, е таа која е богата со хранливи материи како што се следниве:
- Протеини
- Калциум
- Магнезиум
- Липонска киселина
- Омега 3 масни киселини
- Антиоксиданси
- Електролити
- Витамини
Зошто смути рецепти во текот на бременоста?
Имено, нутриционистите препорачуваат 4-6 мали оброци на ден во текот на бременоста наместо 3 обемни оброци. Според тоа, можете слободно да конзумирате околу два смути рецепти во текот на денот.
Смути рецепти се соодветна замена за оброк ако ги содржи вистинските состојки, кои во овој случај се состојките кои се богат извор на храливи материи и нутриенти. Еве неколку идеи за вкусни смути рецепти. Некои се издвоени од рецептите на Рептил.
1. Смути со јагоди и банана
Смути со јагоди е секогаш добар избор во текот на летниот период. Освежителниот вкус на јагодите и благиот вкус на бананата кој потсеќа на ванила прават еден смирувачки смути рецепт во чиј вкус дефинитивно ќе уживате. А може да се каже и дека припаѓа во листата на препорачани пијалаци за летниот период.
Потребните состојки се следниве:
- 0,5 литри млеко
- 300 гр јагоди замрзнати
- 2 банани
- 80 гр млечно чоколадо
- 2 лажици мед
- 1 чаша мраз
Начин на подготовка:
Ставете ги во блендер јагодите, бананите исечкани на парчиња и чоколадото искршено на коцки. Потоа додајте го млекото, медот и мразот и блендирајте. Може да уживате во еден од здравите оброци после пешачење или пак тренинг.
2. Зелено смути
За зелените видови на смути е обично познато дека се најздрави. Тоа е поради тоа зелениот зеленчук се смета за најздрав од сите видови на зеленчук. А секое едно зелено смути е направено со макар еден зелен зеленчук. Покрај големото ниво на нутритивност, ваквите смути рецепти имаат и доста освежително – благ вкус, а посебно овој вид со кокосова вода и ананас.
Потребните состојки се следниве:
- 1 чаша свеж спанаќ
- 1 чаша кокосова вода
- ½ банана
- ½ чаша ананас
- ½ чаша моркови (живи)
- 1 лажица чиа семе
Начин на подготовка:
Во блендер ставете го прво спанаќот заедно со кокосовото масло. Додајте ги останатите состојки и оставете да се измеша додека да се згусне.
3. Смути со морков и ѓумбир
Смути рецепт од 6 состојки кој е познат по тоа што го зајакнува имунитетот, кој е особено важен во текот на бременоста, и делува против воспаленија во организмот. Притоа, сoвршен е за појадок или ужина.
Потребните состојки се следниве:
- 2 моркови
- 11/2 чаши минерална негазирана вода
- 1 банана (претходно исечкана и замрзната за сладок вкус)
- 1 чаша свеж или замрзнат ананас
- ½ лажица свеж ѓумбир (излупен)
- ¼ лажица цимет
- ½ чаша сок од морков
- 1 лажица сок од лимон
- 1 чаша бадемово млеко
Начин на подготовка:
Најпрво, во блендер ставете ги морковите исечкани, па турете ја водата. Блендирајте се додека не добиете сок, а кога ќе биде готов претурете го во чаша. Следно, во блендер додајте ги останатите состојки ананас, ѓумбир, лимон, бадемово млеко, банана и приготвениот сок од морков. Блендирајте се додека се растворат целосно состојките. Доколку е премногу густо, додајте уште малку минерална вода или бадемово млеко.
4. Смути од вишни и малини
Зрнестите плодови се секогаш вистинскиот избор за смути рецепти. Повеќето од нив имаат неодолив благо-цитрусен вкус, а во нив спаѓаат вишните и малините. Доколку вкусот го чувствувате како премногу кисел, може да додадете банана или екстракт од ванила за да го ублажите. Уживајте!
Потребните состојки се следниве:
- 1/2 чаша малини
- 1 чаша замрзнати вишни
- 1 чаша лимонада
- 1/2 чаша мраз
Начин на подготовка:
Ставете ги во блендер малините, вишните, лимонадата и на крај ставете ги коцките мраз и блендирајте се дури добиете густ сок.
5. Супер смути
Одличен оброк доколку имате мачнини во првите месеци, но секако нема да ви наштети доколку го пиете и во текот на целиот период од бременоста. Има смирувачки и сладок вкус во кој дефинитивно ќе уживате. Пријатен оброк!
Потребните состојки се следниве:
- 1 чаша зрнести плодови (боровинки, капини, јагоди) или замрзнато црвено овошје
- 1 банана
- 2 лажици кокосово масло
- 1 чаша зелен зеленчук (кељ, спанаќ, репка)
- 200 мл бадемово млеко
Начин на подготовка:
Во блендер измешајте ги сите состојки заедно. Доколку немате некој од горенаведените зрнести плодови или пак од зелениот зеленчук, може да додадете состојки по ваша желба и вкус.
Заклучок
Кога станува збор за смути, нутриционистите и лекарите кажуваат дека таквите рецепти се сметаат меѓу најздравите оброци – посебно ако го конзумирате како појадок или после пешачење за враќање на изгубената енергија. Иако горенаведените состојки и смути рецепти се здрави, секогаш е добро да се консултирате со лекар пред употреба на било што во текот на бременоста.
