Блог

Која е најдобрата заштита од комарци?

заштита од комарци

Покрај тоа што иритираат, комарците се познати и како инсекти што пренесуваат инфекции. Најпознати во Европа и соседните земји се треската од Западен Нил, Чикунгунија и Денга.

Иако досега нема пријавено случаи од ваквите заболувања, мерки за заштита од комарци треба да се превземат.

Како ги привлекувате комарците?

Доколку се прашувате зошто некои луѓе се повеќе изложени на убоди од останатите, за тоа постои причина. Последните истражувања докажале дека 20% од популацијата се поосетливи на убодите од комарци. Интересно е тоа што овој мал дел од популацијата ги привлекува комарците со нивниот мирис.

Имено, крвната група 0 ги привлекува комарците два пати повеќе од групата А, додека пак групата Б е во средината. Научниците докажале дека човечкото тело продуцира секреција која ја сигнализира вашата крвна група според што комарците ве групираат.

Друго истражување пак, докажало дека храната што ја конзумирате ги привлекува комарците, како такви се издвојуваат млечните производи и пивото.

Превенција и заштита од комарци

Комарците најчесто се присутни во летниот период и покрај тоа што некои од болестите што ги предизвикуваат не се сеуште присутни кај нас, тие често предизвикуваат иритација и чешање.

Имено, дерматолозите препорачуваат максимална заштита на кожата, додека пак други предлагаат заштита на просториите. За оваа цел, ги препорачуваме следниве начини за заштита од комарците:

Заштитни мрежи

Заштитните мрежи ќе ги спречат комарците да влезат во вашиот дом и со нив може да ги заштитите вратите, прозорците и креветите. Магнетните мрежи брзо се инсталираат и лесни се за одржување. Нив може да ги најдете во градежни продавници, продавници за градина, во текстилни продавници, а ги има и на интернет.

Доколку престојувате на отворено или во неклиматиризани услови, препорачуваме мрежи третирани со перметрин кои се докажани како поефикасни од обичните мрежи. Перметринот е соединение кое широко се употребува како инсектицид, акарицид и репелент на инсекти. Исто така, платнени завеси или мрежи од бамбус може да се третираат со инсектициди за заштита од комарци.

Ако преферирате мрежи со перметрин, треба да знаете дека не треба да ги изложувате на сончева светлина ниту пак да ги перете со вода, затоа што може да им се изгуби функционалноста.

Заштита од комарци во просториите

Според истражувањата во Институтот за јавно здравје и Институтот за епидемиологија потребна е заштита од комарци во секаков облик.

Во најмала рака, препорачуваат носење на облека со долги ракави во вечерните часови, како и користење на репеленти. Покрај тоа, согласно со просторот каде престојуваме и возраста, препорачани се следниве средства како ефективни:

Отворени простори

За заштита од комарци во отворени простори најпрепорачливи се електрични апарати како инсектрони, соларни системи и ламби. Наведените уреди функционираат врз принцип на ултравиолетови зраци кои ги елиминираат комарците и не се штетни за луѓето.

Затворени простори

Инсектициди и други средства во облик на течност, прав и таблета се идеални за затворен простор. Функционираат така што се апсорбираат во телото на инсектот и го парализираат нивниот нервен систем. Тие се ставаат во електричен апарат и имаат дејство од 8 до 10 часа.

заштита од комарци 2

Ултразвучните апарати се доста корисни и се скоро нечујни за човечките уши, но се доволно иритантни за комарците да не се приближуваат. Доколку се двоумите во изборот и ефикасноста на некои од нив, може да се консултирате со фирмата која ги продава.

Заштита од комарци кај возрасни лица

Дерматолозите препорачуваат средства што содржат 20% до 50% ДЕЕТ (Diethyl-3-methylbenzamide или накратко, NNDB). Ваквите производи се нанесуваат на експонирана кожа, а се избегнува делот покрај очите, усните и иритирана кожа.

Ако го употребувате производот, треба да знаете дека се користи во мала количина, поголемите концентрации не се поефикасни, напротив, докажани се како штетни.

Откако дејството ќе престане, средството се мие со вода. Доколку користите крема со заштитен фактор за сонце, прво се нанесува кремата, а по 30 минути се нанесува ДЕЕТ.

Заштита од комарци кај деца

Кај бебиња помали од 2 месеци не треба да користите репеленти зошто може да содржат хемиски соединенија. Наместо тоа може да ги облечете во долги ракави, или да ја прекриете нивната количка и креветчето со заштитна мрежа.

Најдобра заштита од комарци за деца над 3 годишна возраст се спрејовите за распрскување или roll-on гелови со етерични масла од алантоин и витамин Е кои заштитуваат од алергиски реакции.

Заштита после убоди од комарци

После каснување од комарци, дерматолозите препорачуваат средства што содржат антихистамин, за да се спречи иритација или алергиска реакција. Антихистаминици се медикаменти кои и според називот дејствуваат против ХИСТАМИН-от. Хистамин е супстанца која се ослободува при алергиски реакции.

Од друга страна, природните средства се ефикасни за сите возрасти, а посебно за децата зошто се на природна база. За заштита од убоди од комарци, може да ги искористите следниве:

Пред употреба прочитајте го упатството

Нашата препорака е да не земате средства на своја рака затоа што некои од нив може да делуваат негативно и покрај намената да ве заштитат. Според тоа, пред употреба на спреј или гел за заштита од комарци, прочитајте го упатството за да избегнете негативни последици.

Заклучок

Без ралика дали се работи за вас или за вашиот дом, треба да бидете претпазливи со секое средство за заштита од комарци. Индустријата располага со голем број производи против комарци, но не сите се одобрени за честа употреба.

Кога се работи за вашето здравје, пред секоја употреба на средство или апарат треба да го читате упатството. Пожелно е да се посоветувате со дерматолог и одговорно лице од фирмата каде сте го го купиле апаратот.