Колачите се одлични десерти за во лето – брзо се подготвуваат и не се тешки за јадење. Убавината на десертите е во тоа што можеме да комбинираме повеќе вкусови. Научете како да подготвите колачи со бисквити за различни пригоди.
1. Чоколаден ролат
Чоколадните колачи со бисквити како овој се идеални за гости кои се најавуваат во последен момент. За кратко, ќе добиете вкусен колач кој не бара печење, и во чиј вкус гостите ќе уживаат.
Потребни состојки:
- 250 грама маргарин
- 300 грама мелени бисквити
- 150 грама шеќер во прав
- 4 рендани јаболка
- 3 пасирани банани
- 4 цели банани
- 100 грама чоколадо за глазура
- 1 лажица масло
Начин на подготовка:
Прво, изматете го маргаринот заедно со шеќерот во прав и додајте ги мелените бисквити.
Добро промешајте за да се соедини смесата, па додајте ги ренданите јаболка заедно со пасираните банани. Соединете ја смесата, а потоа распоредете ја на фолија во вид на тесто.
Потоа поделете ја на два еднакви дела, а на секој дел поединечно, во средината, ставете по две цели банани. Замотајте два ролати и оставете ги неколку часа во замрзнувач за да се зацврстат.
Пред да ги послужите со овие колачи со бисквити, премачкајте ги со растопено чоколадо во кое треба да додадете една лажица масло. На крај, декорирајте по ваш сопствен вкус.
2. Банана Сплит
Иако се смета за традиционален американски десерт, банана сплит е еден од оние колачи со бисквити, каде имате простор за експериментирате со вкусови. Покрај бананата, може да додадете и други состојки по ваша желба.
Потребните состојки се следниве:
- 200 грама бисквити (мелени)
- 100 грама путер (омекнат на собна температура)
- 50 грама црно чоколадо
- 5 лажици млеко (од соја или обично)
- 3 банани
- 400 милилитри млеко (од соја или обично)
- 2 кесички пудинг во прав од ванила
- Шеќер (3 полни лажици)
- Сладолед
Начин на подготовка:
Пригответе го пудингот според упатството и во него додајте 100 грама путер.
Изгмечете ги бананите и измешајте ги со две полни лажици од претходно подготвениот пудинг. Следно, во филот од бананата изрендајте 50 грама црно чоколадо.
Во правоаголен сад, внимателно нанесете го филот од бананата и врз него филот од пудинг и потоа оставете го во ладилник се додека не се стврдне. За крај, додадете шлаг крем по желба и малку растопено чоколадо.
A за совршена декорација, на средината од колачот додадете една до три топки сладолед или сладолед на стапче за необична верзија на банана сплит.
3. Чоколадни колачи со бисквити и пудинг
Иако во лето повеќе преферираме овошје и овошни десерти, чоколадото е неизбежен вкус. Пробајте ги овие колачи со бисквити кои се со двојно чоколадо – чоколаден пудинг и чоколаден прелив.
Потребните состојки се следниве:
- Половина литар млеко
- 100 грама чоколадо за готвење
- Чоколаден пудинг (4 кесички)
- овошје (по избор)
- шеќер (8 лажици)
- 300 грама бисквити
- чоколаден прелив
- ванилин шеќер (2 кесички)
Начин на подготовка:
Во сад ставете 300 милилитри млеко и во него додадете ги сите 4 кесички пудинг. Во остатокот од млекото додајте го шеќерот и ванилиниот шеќер и оставете го да се вари. Потоа, во мелкото и шеќерот додајте го растворениот пудинг и сварете го.
Во сварениот пудинг додајте го чоколадото за готвење и мешајте се додека не се растопи.
Во друг сад, ставете ги бисквитите искршени на парчиња, па прелијте ги со пудинг, а потоа измешајте.
Потоа, израмнете го колачот и обложете го со проѕирна фолија. Откако ќе се излади, исечете го за да добиете повеќе колачи со бисквити. На крај, декорирајте ги колачите со овошје и чоколаден прелив.
4. Овошен колач со бисквити
Потребно ви е помалку од еден час за да добиете сочни колачи со бисквити и овошје кои ги одржуваат бисквитите меки дури и после третиот ден.
Потребните состојки се следниве:
- 4 јајца
- 250 грама шеќер
- 250 милилитри јогурт
- 250 милилитри масло
- 300 грама брашно
- 1 пакетче прашок за пециво
- 1 лажица ванила во прав
- 1 килограм овошје (пр. : кајсија, јаболко, праска или замрзнати зрнести плодови)
Начин на подготовка:
Измијте го овошјето и исечете го на четвртини или помали парчиња. Рерната згрејте ја на 180 степени (горен и долен грејач).
Во блендер, ставете ги јајцата и шеќерот измешан со ванила во прав и оставете да се мешаат на најсилна брзина се додека не добиете пенеста и светло-жолта смеса.
Со постепено мешање и на средна брзина додајте ги јогуртот, маслото и брашното заедно со прашакот за пециво. Прекријте плех за печење со хартија и распределете ја смесата за тесто рамномерно.
Врз смесата распределете го овошјето. Во случај да е кисело, можете да го измешате со шеќер. Ставете го плехот во загреаната рерна и оставете да се пече.
После 30-тина минути боцнете го тестото со чепкалка во средината на колачот. Доколку излезе чиста, колачот е готов. Оставете го да се излади и одозгора наросете со шеќер во прав. Послужете го колачот со шлаг.
5. Чоколадна торта што не се пече
Кога ќе споите бело со црно чоколадо добивате чоколадни колачи со бисквити како од елитен ресторан. За овој десерт не ви е потребна ни декорација за да изгледа убаво. Уживајте!
Потребни состојки се следниве:
- 1 литар млеко
- Шеќер (10 лажици)
- 3 кесички пудинг од ванила
- 300 грама темно чоколадо
- 100 грама бело чоколадо
- 500 милилитри слатка павлака
- Бисквити (1 пакетче)
Начин на подготовка:
Во 200 милилитри млеко ставете ги трите кесички пудинг и шеќерот. Во друг сад, ставете го остатокот од млекото и згрејте го додека да зоврие. Во зовриеното млеко, додајте го разредениот пудинг, оставете да се свари, а потоа поделете го на два дела.
Во едниот дел ставете го темното чоколадо, а во другиот белото. Мешајте додека чоколадото не се растопи, а кога ќе биде готово, оставете ги двете смеси да се изладат.
Слатката павлака добро изматете ја со миксер. Мал дел од неа тргнете на страна, а остатокот поделете го на два дела. Едната половина додајте ја во темното чоколадо, а другата половина додајте ја во белото чоколадо.
Следно, прекријте овален сад со фолија и во него ставете ја смесата од бело чоколадо и дел од смесата со темно чоколадо. Благо мешајте го ги се додека не добиете црно-бели шари.
Нанесете ја преостанатата павлака, израмнете, а потоа додајте го и остатокот од смесата со темно чоколадо. Бисквитите потопете ги во млеко, а потоа наредете ги врз последниот слој. На крај, прекријте со фолија и оставете го колачот во ладилник неколку часа, се дури не се излади и зацврсти.
Пред да сервирате од колачот со бисквити, превртете го во сад. Исечете парчиња и декорирајте по ваша желба.
Заклучок
Колачи со бисквити се одлична промена од стандардните торти. Лесно се подготвуваат и имаат неодолив микс од вкусови во кои ќе ужива секој на вашата трпеза. Добар апетит!
