Блог

Егзотични рецепти за топло чоколадо кои мора да ги пробате!

топло чоколадо

Тие што сакаат да експериментираат во кујната и да пробуваат различни вкусови , нови рецепти за топло чоколадо може да бидат вистински предизвик за вас. Иако, топлото чоколадо многумина го пијат во зимските денови, егзотичните начини на подготовка на топло чоколадо немаат актуелна сезона, со комбинација на соодветните состојки може да ги пиете во текот на целата година. Рептил располага со голем број на рецепти од кои може да изберете, но токму за оваа намена ги издвојуваме следниве предлози:

1. Топло чоколадо со вкус на цреша

Чоколадото комбинирано со овошје секогаш добива побогат вкус и полуксузен изглед. Овој пат, предлагаме да го направите вашето топло чоколадо со нота на цреша која го содржи првокласниот Jim Beam бурбон.

топло чоколадо цреша

Потребните состојки се следниве:

  • 1 ½  чашa млеко
  • 5 супени лажици мешавина топло чоколадо по ваш избор
  • 2 мл црна цреша бурбон од Jim Beam
  • Шлаг пена Витаминка
  • Чоколадни струготини

Начин на подготовка:

Во мало тенџере, загрејте млеко и топло чоколадо измешајте на средна кон висока топлина до моментот пред вриење (не зовријте). Почесто мешајте и истурете по еден милилитар црна цреша бурбон во секоја чаша. Рамномерно поделете го топлото чоколадо помеѓу двете чаши. Одозгора ставете шлаг и чоколадни струготини и сервирајте.

2. Бело топло чоколадо

Белото топло чоколадо е одлична замена за традиционалното црно топло чоколадо кое се служи кај нас. Доколку сте љубители на бело чоколадо, овој рецепт има богат извор на вкус, кој вреди да се проба. Дури и оние кои не се страствени љубители на бело чоколадо, уживаат во вкусот.

топло чоколадо бело

Потребните состојки се следниве:

Начин на подготовка:

Во тенџере на средна топлина, загрејте го млекото и шлаг пената до моментот пред вриење. Тргнете го садот од оган, и додајте го белото чоколадо. Кога ќе се стопи чоколадото, додајте ја ванилата и ликерот од портокал и добро изматете. Загрејте го на тивко и сервирајте.

3. Ирско виски-топло чоколадо

Ако сте пробале ирско кафе, тогаш знаете дека е вкусно. Виски-топло чоколадо е уште повкусна комбинација затоа што чоколадото e совршен суплемент на вкусот на ванила кој го содржи класичното ирско виски.

ирско

Потребните состојки се следниве:

Начин на подготовка:

Ставете го млекото во сад да се вари на тивко. Изрендајте ги коцките чоколадо и додајте ги во садот заедно со какаото во прав и мешајте се додека не се растворат. Кога ќе почне да жубори околу работ, додајте го циметот и екстрактот од ванила во смесата и исклучете го огнот. Тргнете ја смесата од шпоретот, претурете ја во чашите за сервирање и додајте го ликерот Бејлис заедно со вискито.

4. Бразилско топло чоколадо

Топлото чоколадо обично се прави со растопено чоколадо но, Бразилското се подготвува со какао во прав. Слаткото кондензирано млеко комбинирано со какаото му дава на топлото чоколадо густ и сочен вкус.

чоко

Потребните состојки се следниве:

Начин на подготовка:

Комбинирајте ги сите состојки. Прво додајте го млекото и пченкарниот скроб во тенџере и изматете додека не се раствори добро во млекото. Потоа, додадајте го слаткото кондензирано млеко и какао во прав, и матете додека не се соединат. Какаовиот прав потешко се раствара и затоа мешајте додека се згусне.

Следно, додајте го слаткото кондензирано млеко во тавата и оставете да се вари на средна топлина. Мешајте и гответе се додека не се загрее, до моментот на вриење, а потоа тргнете го од оган. За крај додајте го и екстрактот од ванила, доколку употребите со рецептот и послужете! Ако пијалокот е премногу густ, може да додадете повеќе млеко за да го разредите.

Заклучок

Топлото чоколадо не е тешко за подготовка, а не одзема ни многу време. За само 20-на минути ќе добиете рецепт како од ресторан со кој може да ги изненадите вашите најблиски или пак гостите. Убавината на топло чоколадо како пијалок е што може да го приспособите според вкусот или пак според возраста – слатко за децата, јако за возрасните. Уживајте!