Сангрија е празничен, овошен и свеж коктел кој начесто се конзумира во лето. Тоа е совршен спој на свежо овошје и алкохол и доста често се комбинира со шпански предјадења или мексиканска храна. Сангрија е еден од најпопуларните пијалоци во шпанската и португалската традиција. Обично се служи во барови, ресторани и на свечености низ Португалија и Шпанија. Најсличен пијалок е Клерикокој е популарен во Латинска Америка.
Ладната сангрија е неспорно одлична во жешките летни денови. Основата може да биде црвено или бело вино комбинирано со разновидните сезонски овошни опции го прават тоа соодветно и за поладни денови.
Најпозната е Сангрија која се прави со подлога од црвено вино, но исто така се попопуларна е белата Сангрија која како основа користи бело вино. Следат рецепти и за двете комбинации, оставаме на вас да изберете која ќе ви биде омилена.
Сангрија од црвено вино
Состојки за подготовка:
- Шише црвено вино 750 ml
- Сок од портокал 200 ml
- Рум или коњак 50 ml
- Лажица кафеав шеќер
- 1 портокал, исечен
- 1 јаболко, исечено
- Боровинки, сецкани 100 g
- Јагоди, сецкани 100 g
- По потреба се става безбоен газиран сок или минерална вода (200 ml)
Начин на подготовка:
Во голем бокал, измешајте го заедно виното, сокот од портокал, румот и шеќерот, а потоа промешајте портокали, јаболка, боровинки и јагоди. Добиената течност се става во фрижидер, по можност 2 часа. Пред самото сервирање може да се додаде газиран безбоен сок или минерална вода.
Сангрија од бело вино
Состојки за подготовка:
- Шише суво бело вино 750 ml
- Сок од зелено јаболко 200 ml
- Рум или коњак 50 ml
- Лажица кафеав шеќер
- 1 нектарина, исечена
- 1 јаболко, исечено
- Јагоди, сецкани 100 g
- По потреба се става безбоен газиран сок или минерална вода 200 ml
Начин на подготовка:
Во голем бокал, се мешаат заедно виното, сокот од зеленото јаболко, румот и шеќерот, а потоа се додаваат нектарината, јаболкото и јагодите. Претходно добиената мешавина се става во фрижидер додека не е подготвена за сервирање, по можност 2 часа. Пред самото сервирање може да се додаде газиран безбоен сок или минерална вода, а за подобар вкус се додаваат и неколку ливчиња на свежо нане.
Потекло на Сангријата
Како термин, Сангрија значи крвопролевање на шпански и португалски јазик. Терминот Сангрија што се користи за пијалокот се среќава уште во 18 век. Според енциклопедијата за алкохол на SAGE, потеклото на сангрија „не може точно да се наведе, но раните верзии биле популарни во Шпанија, Грција и Англија”.
Сангари, претходник на пијалокот на Сангрија кој се служел или топол или ладен, најверојатно потекнува од Карибите и оттаму бил воведен во континентална Америка, каде што се служел на почеток на забавите во американската колонијална ера, но во голема мера исчезнува во САД од почетокот на дваесеттиот век. Сангрија како ладен пијалок повторно бил воведен во САД кон крајот на 40-тите години преку американско-шпански ресторани и ужива поголема популарност после појавата на Светскиот саем во Њујорк во 1964 година.
Заради својата популарност, Сангријата има и свој ден во годината, односно во Шпанија – 20 Декември е национален ден на Сангријата.
Најдобри сорти на вина за правење Сангрија
Најдобрите сорти на црвено вино за Сангрија кое може да го купите во маркетите е суво, овошно вино со добра киселост и ниски танини. Вината од која било земја го исполнуваат овој профил. Често препорачаните вина за црвена сангрија се Merlot и Pinot Noir.
За бела сангрија, суво, остро бело вино е најдобро, како што е Chardonnay, Sauvignon Blanc или Riesling.
Во многу маркети низ светот можете да купите и готова Сангрија која би ја збогатиле со сецкано овошје што го имате дома. Но, за подобро искуство сепак ви препорачуваме да ја приготвите самите.
