Со доаѓањето на летото доаѓа ново сезонско овошје – лубеница. Нема повкусно овошје и овошје што подобро ја гаси жедта во жешките летни денови од лубеница.
Иако велиме дека лубеницата е „овошје“, таа всушност е зеленчук од фамилијата на тиквата и тиквицата. Таа е со топчеста или долгнавеста форма. Има густа и зелена кора на која што може да се забележат бели линии или бели дамки.
Иако во одредени маркети може да ја најдете речиси во текот на целата година, најдобро е да ја јаде во летните месеци, бидејќи токму тогаш содржи најмногу хранливи материи. Иако сите сакаат ладна лубеница, чувајќи ја во фрижидер таа губи некои својства, како што е ликопен, кој ефикасно штити од болести. Сепак доколку е пресечена, подобро да се чува во фрижидер.
Лубеницата е одличен извор на витамин Ц, витамин А, калиум и магнезиум, содржи многу вода и има само 30 kcal на 100 g. Големата содржина на витамин Ц во лубеницата му помага на имуниот систем. Цитрулин, аминокиселина богата со која е богата лубеницата, се претвора во организмот во аргинин, што е клучен за добра циркулација на крвта. Лубеницата е добра за релаксација и закрепнување по физичка активност.
Интересни факти за лубеницата
- Во 100 g лубеница има 210 mg цитрулин, аминокиселина која ги релаксира и проширува крвните садови.
- 20% од дневните потреби за витаминот Ц се задоволуваат со јадење на 180 g лубеница.
- Одлично е за диета бидејќи содржи само 30 kcal на 100 g
- Пред три години е измерена најголемата лубеница во светот од дури 159 kg, што е за 20 kg повеќе од претходниот рекордер.
- 20% е помал ризикот од мозочен удар, доколку конзумирате редовно лубеница, бидејќи лубеницата е богата со ликопен.
- Постојат 1200 видови на лубеници одгледувани во светот. Тие се разликуваат по боја, големина и форма, а има и видови на лубеници без семиња.
- Лубеницата содржи 40% помалку хранливи материи, ако се чува во фрижидер.
- Во 150 g има дури 16 % од витамин Ц, кој ги зачувува мускулите и коските.
- Во 150 g ima 5 % витамин А, кој е важен за здравјето на кожата.
- Иако потекнува од Африка, првиот запис за лубеница е стар 5.000 години, а е пронајден во Египет, каде лубеницата била толку ценета што ја сместувале во гробниците на кралевите.
- Состојки – лубеницата се состои од 92% вода, 6% шеќер и 2% растителни влакна.
Кората од лубеницата има најмногу витамини
Иако кората од лубеница често се фрла, експертите велат дека содржи најмногу витамини и хранливи материи како витамини А, Б6 и Ц, како и калиум и магнезиум. Бидејќи кората не е премногу вкусна, можете да ја исечкате на парчиња и да ја додадете во салата од туна или пилешко. Во Америка и Азија, кората од лубеница редовно се користи во исхраната.
Задолжително измијте ја лубеницата во вода пред јадење
Лубеницата секогаш измијте ја пред да ја исечете, бидејќи расте на земја. Иако ви изгледа чисто, лушпата од лубеница често содржи голем број бактерии. Важно е да се измие пред сечењето, за да не се шират бактериите во внатрешноста.
Семето од лубеница може да биде одлично за вашите бубрези
Семето од лубеница, кое исто така скоро сите го фрламе, може да се јаде. Во Кина семето се пржи и се јади како закуска. Чајот од свежо семе од лубеница е одличен диуретик. Може и да се подготви со четири лажици свежи семки од лубеница, издробени и сварени 15 минути во 200 ml вода. Таа количина чај треба да се пие два дена и да се направи пауза на третиот ден. За најдобри резултати пожелно е да се повторува циклусот неколку недели.
