Нектарини се вид на праски со мазна и сјајна кора. Нивниот вкус е многу сличен со оној на праските, но сепак постои разлика во хранливите материи што ги содржат. Нектарините, како и праските, потекнуваат од Кина од пред повеќе од 2.000 години, земја што придонесува за 58% од глобалното производство.
Нутриционистички профил на нектарини
Нектарините содржат околу 85 проценти вода на 100 g, па затоа обезбедуваат многу хидратација. Порција од 100 g исто така обезбедува 43 калории, околу 10 g јаглени хидрати (од кои сите се шеќер, бидејќи е овошје), 1 g протеин, занемарливи маснотии и околу 1 g влакна.
Нектарините се исклучително хранливи, содржат многу витамини и минерали, вклучувајќи бета-каротен, што им дава жолто-црвена боја. Телото може да го претвори бета-каротенот во витамин А, кој е потребен за поддршка на нормалната функција на имунолошкиот систем и здравјето на нашата кожа и на нашите очи.
Нектарините се исто така добар извор на антиоксиданти, а особено, одреден полифенол познат како галска киселина, кој во моментов се истражува за неговите потенцијални здравствени придобивки во голем број состојби, вклучувајќи дијабетес, одредени карциноми, здравје на мозок и прекумерна тежина.
Нектарините го помагаат слабеењето
Растителните влакна што се содржат во нектарините се претежно растворливи, што може да помогне во губење на тежината. Влакната го постигнуваат ова со претворање на вода во супстанца слична на гел, што потоа спречува холестерол и маснотии да се апсорбираат во крвта. Ова придонесува за здраво слабеење. Растворливите влакна исто така го намалуваат лошиот холестерол во организмот.
Го регулираат нивото на крвен притисок
Нектарините се богати со калиумот, за кој е познато дека може да помогне во регулирање на нивото на крвниот притисок. Многу е важно редовно конзумирање на нектарините кај лица кои страдаат од овој проблем.
Подобрување на имунитетот и борба против инфекциите
Една од најдобрите придобивки на нектарините е нивниот потенцијал за зајакнување на имунитетот. Содржината на витамин Ц во ова овошје може да го зајакне имунитетот. Витаминот Ц исто така му помага на организмот во процесот на обновување на витаминот Е – што е уште една хранлива материја која се бори против слободните радикали и го зајакнува имунитетот.
Бета-каротенот и другите каротеноиди во нектарините исто така придонесуваат за имунолошката функција во организмот.
Додека витаминот А во нектарините може да помогне во борбата против инфекциите.
Подобрување на здравјето на кожата
Нектарините како одличен извори на витамин Ц, може да го спречат потенцијално оштетување од УВ зрачењето. Витаминот Ц, исто така, игра улога во синтезата на колаген, протеин од суштинско значење за кожата. Овој протеин е важен дел од сврзното ткиво што ги држи кожата, коските, тетивите, лигаментите, ‘рскавицата и крвните садови заедно. Се бори против стареењето на кожата, го забрзува заздравувањето на раните и ја лекува сувата кожа.
Важно е да се напомене дека свежите или замрзнатите нектарини имаат повеќе витамин Ц отколку конзервираните. Витаминот Ц е доста чувствителен на топлина, па неговите количини се намалуваат при готвење.
Кога бирате нектарини во маркет, најдобро е да ги купувате додека уште се цврсти и да ги созревате дома во текот на еден или два дена.
