Избалансираната диета ја подобрува целокупната функција на организмот, вклучувајќи ја и функцијата на видот. Добрата страна на здравата храна е што може да ви помогне за поздрав организам со тоа што подобрува одредени функции на организмот и истите ги одржува.
За да постигнете позитивен резултат, потребно е соодветната храна за подобрен вид да се конзумира подолг период. Во тој случај, ќе одржувате здрав организам кој подоцна, во наредните години ќе има помали шанси за развивање на болести. Во прилог, храната што е препорачливо да се конзумира е следнава:
1. Портокал
Портокалите и другите цитрусни овошја содржат витамин Ц, кој е клучен за здравјето на очите. Витаминот, кој се наоѓа главно во свежо овошје и зеленчук, придонесува за здрави крвни садови во очите. Може да се бори против развојот на катаракта, а во комбинација со други витамини и хранливи материи, може да спречи болести врзани со возраста. За да уживате во портокали, можете да пиете сок од портокал, да излупите еден како закуска или да ги додадете во овошна салата.
2. Кељ
Кељот е познат како супер храна затоа што содржи повеќе важни витамини, хранливи материи и минерали кои се исклучително важни за здравјето на очите. Од антиоксиданси, кељот содржи лутеин и зеаксантин, кои исто така се наоѓаат во јајцата и друга храна. Може да помогнат да се спречат сериозни состојби на очите, како што е катарактата или други кои се поврзани со возраста.
Овие хранливи материи не се создаваат во телото, затоа мора да ги внесувате преку исхраната. Во 100 грама кељ, има 11,4 милиграми лутеин и се препорачува да земате 10 мг на ден. Од кељот може да се направи чипс за закуска, а исто така можете и да го сервирате како гарнир или пак во салата. Друг зеленчук богат со лутеин е црвената пиперка и спанаќот.
Fresh and healthy food. Wooden bowl with broccoli, brussel sprouts, olive oil, green pepper and salad served on rustic dinner table
3. Морков
Како и жолчките, морковите имаат витамин А и бета каротен кои се познати хранливи материи за здравјето на очите. Витамин А и бета каротен ја помагаат површината на окото и исто така се добри за спречување на инфекции на очите и други сериозни состојби. Морковот е лесен за јадење и често се користи како попладневна или вечерна закуска. Додајте ги во салати и супи како додаток, или ако не сте пробале до сега, пробајте ги во тесто за мафини или палачинки, за што може да ви помогнат рецептите на Рептил.
4. Бадеми
Бадемите, како и другите јаткасти плодови и семиња, генерално се добри за здравјето на очите. Бадемите содржат витамин Е кој штити од нестабилни молекули кои се насочени кон здравото ткиво. Консумирање на редовни количини на витамин Е може да помогне во спречување на катаракта и други очни болести поврзани со стареењето.
Доста здраво е да конзумирате 15 милиграми од бадемите на ден, за да ја достигнете препорачаната дневна доза на витамин Е. Други апетисани и семиња што содржат витамин Е се семки од сончоглед, лешници и кикирики. Можете да уживате во бадемите како ужинка во секое време. Тие се исто така вкусни во житарките за појадок, со јогурт или во салати.
5. Јајца
Јајцата се одлична храна за јадење за здравјето на очите. Нивните жолчки содржат витамин А, лутеин, зеаксантин и цинк, кои се витални за здравјето на очите. Витаминот А ја штити рожницата т.е. површината на окото. Лутеинот и зеаксантинот ја намалуваат можноста за појава на посериозни состојби на очите. Цинкот придонесува за здравјето на мрежницата и ретината, која е задниот дел на окото. Тој е исто така доста важен за подобрување на видот ноќе, особено е препорачливо за оние кои возат ноќе.
6. Риба
Рибата, особено лососот, e одлична храна за консумирање за здравјето на очите затоа што лососот и другите риби содржат омега-3 масни киселини. Тие се здрави масти кои може да придонесат за развој на видот и здравјето на мрежницата во задниот дел на окото. Тие исто така можат да помогнат во спречување на сувост на очите. Рибата е доста здрава и затоа нутриционистите и лекарите препорачуваат да се конзумира неколку дена во неделата.
Кога купувате лосос, изберете го оној вид што е уловен, наместо тој што е одгледуван на фарма. Ваквата класификација е битна поради тоа што лососот одгледуван на фарми има повеќе заситени масти и помала содржина на омега-3 отколку лососот од лов. Лососот, и повеќето риби, може да се печат на скара или на шпорет. За подготовка на вкусна риба, зачинете со свежи билки, лимони, и сол и бибер за едноставна, а сепак вкусна вечера.
Заклучок
Горенаведените состојки се доста вкусни и ако дополнително ги искомбинирате со останатите кои се по ваша желба, ќе добиете вкусен оброк за целото семејство. Покрај извонредниот вкус што го нуди, вашиот оброк ќе биде полн со хранливи материи кои ќе ви озможат да се чувствувате подобро. За да ја изберете соодветната храна за подобар вид, најдобро е прво да се консултирате со лекар. Така ќе ги избегнете алергииите и другите несакани реакции.