Интегрални колачи се подготвуваат брзо и лесно, а со комбинација на вистинските состојки, може да бидат навистина вкусни. Крцкави се и децата ги обожаваат. Покрај тоа, може да ги направите во разни форми во кои децата ќе уживаат, а може и ќе помогнат во нивната подготовка што може да биде доста интересно за нив.
1. Колачи со нутела
Кога колачите се споени со луксузниот вкус на чоколадото, добивате спој од десерт кој наликува како да е направен во еден од светски познатите ресторани. А кога нутелата е главната состојка, вашите интегрални колачи се претвораат во ароматично вкусен десерт.
Потребните состојки се следниве:
- 150 гр интегрално брашно
- 50 гр мелена плазма
- 1.2 лажичка сол
- 1 лажичка сода бикарбона
- 100 гр путер
- 50 гр шеќер
- 100 гр путер од кикирики
- 100 гр крем Нутела
- 1 јајце
- 1 лажичка екстракт од ванила
- 50 мл млеко
2. Домашни колачи
Домашно подготвените интегрални колачи се секогаш повкусни од оние готовите од продавница или ресторан. И покрај тоа што готовите се подготвени од страна на професионалци, според светски познати рецепти, магијата во домашните колачи е во зачините по ваш вкус и мерка. Додавате онолку колку што сакате од секоја состојка.
Потребните состојки се следниве:
- 600 гр интегрално брашно
- 2 јајца
- 200 гр шеќер во прав
- 200 гр путер
- 1 пециво
- 200 гр лешници
- 100 гр ореви
- 400 гр чоколада за готвење
Начин на подготовка:
Во длабок сад изматете ги јајцата и шеќерот, па додајте го пецивото, брашното, путерот и сецканите ореви заедно со лешниците и чоколадата. Замесете го тестото за да се спојат состојките. Од нив, формирајте топчиња, малку притиснете ги за да добиете форма на ќофте и наредете ги во плех на хартија за печење. Оставете ги да се испечат во загреана рерна околу 10 минути.
3. Колачи со овесни снегулки
Овој вид на интегрални колачи обично се приготвуваат брзо и лесно, и иако не содржат чоколадо, кое децата ко обожаваат, ќе им се допадне затоа што содржат чоколадни капки и мед како главни засладувачи.
Потребните состојки се следниве:
- 150 гр путер (омекнат на собна температура)
- 150 гр интегрално брашно
- 150 гр бело брашно
- 100 гр шеќер
- 1 лажица мед
- 1 ванилин шеќер или екстракт од ванила
- 1 јајце
- 70 гр овесни снегулки
- 70 гр чоколадни капки
- 40 гр ситно сецкани ореви
- 1 лажиче прашак за пециво
- прстофат сол
Начин на подготовка:
Во сад ставете ги путерот, јајцето, шеќерот, медот, ванилата и со миксер изматете ги убаво за да добиете кремаста смеса. Потоа додајте ги сите останати состојки и со рака замесете го тестото. Тестото завиткајте го во најлонска фолија и ставете го 30-на минути во фрижидер. Од тестото скинете мали парчиња и направете колачи во вид на ќофтиња и наредете ги во плех на хартија за печење. Оставете ги да се печат во загреана рерна на 180 степени околу 15 минути.
4. Брз колач
Доколку сакате да подготвите вкусен десерт за вашите најмили, тогаш нека бидат овие интегрални колачи кои се подготвуваат на брз начин. Децата нема да бидат нетрпеливи а, ќе им се допаднат доволно за да побараат уште по едно парче.
Потребните состојки се следниве:
- Тесто: 6 Жолчки
- 300 гр шеќер
- 300 мл млеко
- 300 мл масло
- 400 гр интегрално брашно
- 4 лажици какао
- 1 пециво
- 1 ванила
- Фил од белки: 5 белки
- 8 лажици шеќер
- мармалад
Начин на подготовка:
Во длабок сад се матат жолчките со шеќерот и ванилата, потоа се додава млекото, маслото, брашното со пецивото и какаото. Смесата се става во претходно намрсен плех за печење и се пече во загреана рерна. Кога ќе се испече тестото, премачкајте го со подебел слој мармалад. Во посебен сад, изматете ги белките со шеќерот и ставете ги врз мармаладот. Израмнете ги одозгора и вратете го колачот во рерна уште 5 до 10 минути на тивко, за да се зацврстат малку белките.
5. Баунти колач
Баунти колачот иако е едноставен, тој е доста вкусен токму поради неодоливиот спој на чоколадо и кокос во кој децата уживаат. Всушност, добрата страна на Баунти колачот е што овозможува вкус во кој ќе ужива целата фамилија.
Потребните состојки се следниве:
- 200 мл јогурт
- 200 мл млеко
- 200 мл масло
- 400 гр шеќер
- 1 ванила
- 200 гр кокос
- 300 гр интегрално брашно
- 100 гр глазура
Начин на подготовка:
Во длабок сад ставете ги млекото и јогуртот, па додајте го шеќерот и ванилата. Промешајте ги состојките додека да се растопат. Потоа, додајте ги останатите состојки, една по една со постојано мешање. Смесата ставете ја во намрсен плех и ставете ја да се пече во загреана рерна, половина час. Кога ќе се испече колачот, исечете го на парчиња и прелијте го со готовата Менаж глазура.
Заклучок
Интегрални колачи се секогаш добар избор за десерт. Брзо се подготвуваат, не бараат голема посветеност додека се готват, и што е најважно, нема да одвоите многу од вашиот паричник.