Блог

Десерти за денот на вљубените

денот на вљубените

Оваа недела е 14 Февруари, ден кога се празнува денот на вљубените Св. Валентин. Најчесто ова е денот на кој се искажува љубов кон нашите сакани на најразличен начин. Некои денот на вљубените го честитаат со интересен и личен подарок, некои со споделување на прекрасен десерт кој асоцира на љубов и убавина. Десертите на денот на вљубените секоја година се повеќе се практикуваат како начин да се одбележи овој ден. Сите имаат различна идеја за тоа каков десерт за денот на вљубените би бил најдобар. Сепак за оние помалку креативните, ние ги предлагаме следните неколку рецепти за кои веруваме дека овој ден ќе го направат вреден за паметење. Ве охрабруваме во комбинацијата со десертот да комбинирате и слатко благо вино.

денот на вљубените

Шеќерни срца за денот на вљубените

Колачи

Потребни состојки:

  • 3 шолји брашно
  • мала лажичка прашок за пециво
  • пола лажичка сол
  • 1 шолја путер
  • 1 шолја шеќер
  • 1 мала лажичка прехранбена боја (препорачуваме црвена)
  • 1 матено јајце
  • 1 голема лажица млеко
  • шеќер во прав
  • 100 g бело чоколадо

Подготовка

Путерот се остава да омекне на собна температура. Се промешуваат во сад: брашното, прашокот за пециво и солта. Во друг длабок сад се ставаат путерот и шеќерот. Ги миксирате додека смесата не добие светла боја. Додавате прехранбена боја, изматеното јајце и млекото и притоа мешате. Тестото го делите на половина и се остава ги да отстои во фрижидер 2 часа.

Едниот дел од тестото се сука додека не достигне дебелина од 6-7 mm. Бидете брзи, и не оставајте тестото да се стопли.  Исечете парчиња со помош на калап во форма на срце. Печете ги парчињата во претходно загреана рерна на 200°C. Следи делот со корекцијата на десертот. Се топи чоколадото и се нанесува со нежен притисок врз колачињата. Изберете помеѓу декорација во вид на напречни линии или декорација со точки со различна големина.

Медени срциња за денот на вљубените

Ванилици

Потребни состојки:

  • 200 грама путер
  • 100 грама плус 3 супени лажици шеќер во прав
  • 1 жолчка од големо јајце
  • 1 кафена лажичка екстракт од ванила
  • 300 грама брашно
  • прстофат сол
  • 200 грама џем од малини

Подготовка

Се загрева рерната на 150°C. Се матат путерот и 100 g шеќер додека не се добие пенлива текстура. Се додава жолчката и екстрактот од ванила, па потоа се продолжува со матење. За крај се додава брашното и солта и со тоа се замесува тестото.
Тестото се дели на 2 еднакви делови и секој се меси додека не се постигнете дебелина од 5 милиметри. Едниот дел се става во  фрижидер. Откако добро ќе се олади (после половина час), со калап во форма на срце или друга форма од другото тесто се прават посакуваните форми – срциња.

Разладеното тесто од фрижидерот се користи исто за правење на уште такви срциња. Дополнително се прави по едно мало срцевидно прозорче во едната половина од срцињата. Така формираните колачиња се печат додека не добијат златно-жолта боја. На подлогите – срцињата се става по малку џем од малини, а потоа врз нив се додаваат колачињата со прозорчиња. По желба се украсуваат со шеќер во прав.

Полнети медени чоколадни срца за денот на вљубените

Медењаци

Потребни состојки:

Подготовка

Медот заедно со шеќерот, циметот, какаото, маслото и путерот се загреваат. После растопувањето на путерот смесата се трга на страна и се додаваат сода бикарбона, јајце, две жолчки и брашно. Се размесува меко тесто и истото се остава во фрижидер за време од еден час. После тоа тестото се сучи на дебелина од околу 3 mm. Со калап се сечат кружни форми и во средината им се става пола лажилка џем. Тоа се премачкува со белка и повторно се става уште еден круг. Со калап во форма на срце, се сечат нови форми кои пак се мачкаат со белка и се ставаат во тава за печење на која има ставено хартија за печење.
Веќе наполнетите чоколадни срца се печат во загреана рерна на 175°C околу 10 минути, а потоа се ладат.
Чоколадото се топи на пареа и се нанесува на медените срца како глазура.

Кекси

Секако дека доколку имате повеќе креативност или друга идеја за десерти на денот на вљубените, ве охрабруваме да ги испробате и споделите со некој на кој знаете дека му се потребни. Доколку не сте во можност самите да приготвите нешто, секогаш може да купите и нешто готово од најблискиот маркет, некој вкусен чоколаден десерт или вино. Останете вљубени и уживајте со вашите сакани за денот на вљубените.