Од сите типови на храна, десертите се најчесто оние кои најлесно не мамат и на кој ретко кој може да им одолее. Некогаш ги јадеме толку многу без да внимаваме на тоа дали ни штетат. Но, ако се храниме добро и балансирано, ќе можеме да си дозволиме по некој сочен десерт. Еве што е добро да знаете за внесот на шеќер, како и за здравите алтернативи за истиот:
Што е природен шеќер?
Природниот шеќер е со ниска калориска вредност кој природно го има во храната. Го има во овошјето како фруктоза, а во млечните производи како лактоза. Присутен е и во природните засладувачи како мед, јаворов сируп, стевиа, кокосов шеќер и други производи кои секојдневно ги употребуваме. Имено, природниот шеќер е состојка која вашето тело ја претвора во енергија.
Што е рафиниран шеќер?
Рафинираниот шеќер или сахароза, доаѓа од шеќерна репка која се обработува за да се извлече шеќер. Во принцип, тој се карактеризира по тоа што е предмет на индустриска преработка при што ги губи витамините и минералите што ги содржи. Пченкарниот сируп, белиот и кафеавиот гранулиран шеќер, шеќерот во прав се само дел од производите што се преработуваат и се користат како додатоци во исхраната.
Нутритивни разлики
Природниот шеќер содржи растителни влакна, протеини и други материи што се содржат во овошјето, млекото и млечните производи. Сам по себе е здрава намирница и е потребен на организмот за брзо добивање на енергија. За разлика од природниот, рафинираниот не содржи посебни хранливи вредности и генерално се користи исклучиво поради својот интензивен благ вкус.
Разлики при исхрана
Природниот шеќер има карактеристика да се разложува побавно во организмот што како последица ќе се чувствувате сити подолго време. Од друга страна, телото го користи брзо рафинираниот шеќер и не се чувствувате сити, без оглед колкава количина и да изедете. Рафинираниот шеќер го има во сладоледот, чоколади, кремови, бомбони, пецива, газирани и енергетски пијалаци и други производи кои многу често се конзумираат.
Кои се здрави замени за шеќер?
Ако сакате да ја намалите конзумацијата на шеќер има алтернативи што се исто вкусни, здрави и се достапни и во најблискиот Рептил маркет. Здрава замена за рафинираниот шеќер е онаа што има повеќе хранливи вредности – такви се природните шеќери и природните засладувачи:
Овошје
Зрнесто, тропско или цитрусно – од секое свежо овошје се прават одлични комбинации на десерти кои се карактеризираат со слатко-кисел вкус. Од друга страна пак, сушеното овошје е вкуснa ужина и често се јаде во комбинација со апетисани. Сувото овошје e многу здраво, затоа што ги задржува витамините и минералите после обработка. Истото може да се користи и како додаток за засладување на различни торти и колачи бидејќи има висока концентрација на природен шеќер.
Мед
Медот е природна замена за шеќерот. Може да се користи како прелив во овошни салати или како засладувач во десерти. А поради слаткиот вкус, препорачливо е да се употребува во разни напитоци. Многумина од вас ќе се сложат дека топлиот чај е секогаш повкусен со мед.
Цимет
Циметот може да го употребувате во секаков вид на јадење по ваш избор. Многу често се користи и во пијалаци како адитив и засладувач – не само поради тоа што го збогатува вкусот и има пријатен мирис, туку нуди и голем број здравствени придобивки. Топол пијалак со цимет е одличен избор во ладните денови.
Јаворов сируп
Јаворовиот сируп има голема слаткост и затоа се користи како алтернатива за рафинираниот шеќер. Има уникатен вкус што другите засладувачи го немаат и често се употребува како додаток на торти и колачи. Ако досега не сте пробале вафли со јаворов сируп, пропуштате необично вкусен и сочен појадок.
Стевиа
Стевиата има поголема слаткост од обичниот шеќер, а има занемарливо ниска калориска вредност. Многу често се употребува во исхраната како засладувач на различни видови јадења, десерти и пијалаци. Стевиата како засладувач најчесто може да ја најдете и во маркетите во форма на бел прав.
Заклучок
Речиси невозможно е да ги избегнете во исхраната вкусните слатки и чоколади кои содржат рафиниран шеќер. Сепак, повремено е добро да се заменат со природни засладувачи. Повеќето природни засладувачи имаат различни вкусови кои обичните десерти и колачи ги прават несекојдневни. Пробајте ги и искористете ги во вашите десерти и споделете ги вашите искуства.
