Дали сте еден од оние кои уживаат во јадењето чоколадо? Чоколадото е нешто кое многу лесно го поврзуваме со уживање, со награда и со вкус од кој многу тешко можеме да се откажеме. Дали понекогаш се чувствувате виновни заради вашата потреба да купите уште едно чоколадо? Пред да одговорите на прашањата добро е да знаете неколку факти и митови за чоколадото. Се надеваме дека ќе ви се допаднат.
Мит: Чоколадото е богато со кофеин и според тоа ни помага подобро да го започнеме денот.
Факт: Количината на кофеин во едно чоколадо е речиси занемарлива за да можеме да ја споредуваме со кофеинот кој го има во кафето. Генерално она што го чувствуваме како енергија која ја добиваме од чоколадото е всушност последица најчесто на шеќерот кој го содржи.
Мит: Чоколадото поради состојките кои ги има го зголемува вашиот лош холестерол.
Факт: Главната маснотија во чоколадото се нарекува стеаринска киселина, која е главната компонента на путерот од какао. Таа му дава на чоколадото текстура и чувство дека „се топи во устата“. Истражувањата покажуваат дека чоколадото не го зголемува вашиот лош холестерол (ЛДЛ). Всушност, јадењето умерено количество чоколадо го зголемува вашиот добар холестерол (ХДЛ).
Мит: Чоколадото воопшто нема хранлива вредност.
Факт: Чоколадото иако не припаѓа во групата на здрава храна, сепак е богато со магнезиум, бакар, железо и цинк. Сите овие елементи на свој начин придонесуваат за подобра состојба на телото а понекогаш и зголемување на имунитетот. Дополнително треба да се знае дека чоколадото содржи флавоноли односно антиоксиданти кои содржат својства за борба против ракот.
Мит: Чоколадото предизвикува расипување на забите
Факт: Најчестата појава е кариесот кој е последица од конзумирање на многу слатка храна. Тој најчесто се појавува кога ферментира храната од шеќер и скроб со помош на бактериите присутни во устата. Производот на овој процес е киселина, што може да предизвика кариес. Сепак многу лесно негативните последици и појавата на кариес може да се спречи со едноставно редовно миење на забите со флуорид паста.
Мит: Чоколадото може да се квалификува како супер храна
Факт: Вашата омилено чоколадо можеби не е најдобрата храна за вас. Иако зрната какао се едни од најбогатите намирници со флавоноли, што е она што го прави чоколадото „добро за вас“? Флавонолите се антиоксиданти кои се борат против слободните радикали. Флавоноидите имаат и други здравствени својства, како што се помагање во намалување на крвниот притисок, подобрување на протокот на крв во мозокот и срцето и правење на крвните тромбоцити помалку лепливи, помагајќи да се спречи згрутчување. Сепак вакви карактеристики имаат само чоколадата кои имаат висок процент на какао во нив, додека останатите и вообичаени типови на чоколадо не го исполнуваат овој услов.
Прашањето е дали треба да им се препуштите на неодоливиот вкус на чоколадото, секогаш кога ќе го посакате?
Заради претходно наброеното можеби најдобрата препорака би била да ги конзумирате вашите омилени десерти во умерени количини, без оглед колкаво е задоволството кое го добивате од нив.
При вашиот избор секогаш преферирајте темна чоколада со висок процент на какао, а можеби и збогатена со јаткасти плодови. Но запомнете, умереноста е клучна.
Дополнително секогаш може да си приготвите самите, а за повеќе идеи може да се инспирирате од прилогот со рецепти на Рептил или од други наши блогови.
