Циметот најчесто се користи како ароматичен зачин или како адитив за збогатување на вкусот во разни видови на кујни. Покрај тоа, се употребува во повеќе вкусови – десерти, пикантни јадења, па се до пијалаци и традиционални јадења. Аромата и вкусот на цимет ја содржат главната состојка која не само што го прави зачинот вкусен, туку и нутритивен.
Хранливи вредности
Лековитите својства на циметот се испитуваат години наназад и познато е дека сите содржани здравствени придобивки доаѓаат од состојката што се наоѓа во кората на циметот. Во традиционалната медицина, овој зачин се користел за лечење на стомачни болки. Циметот има повеќе лековити својства и тоа: антибактериски, aнтимикробни, aнтиоксидативни и слично.
1. Ја подобрува дигестијата
Кога ќе се спомне цимет веднаш помислуваме на пријатниот мирис што го шири кога готвиме. Но, ретко кој знае дека се смета за супернамирница затоа што има голем број здравствени придобивки. Иако е добар за дигестијата, сепак не е препорачливо да се конзумира во голема количина. Употребувајте го умерено – во лебче, во десерти и колачи, овошна салата или смути за здрав оброк.
2. Ги олеснува алергиските симптоми
Цимет е еден од ретките видови зачини кои носат здравствени придобивки. Богат е со антиоксиданси кои помагаат да ги олесните симптомите како чешање или кивање при сезонска алергија. Зимските денови се одлични за топло чоколадо со цимет. Една или половина кафена лажичка прашок на ден е доволна за да ви помогне, а пакувањето цимет може да го најдете во маалскиот маркет.
3. Ја олеснува настинката
Како позната античка билка, цимет се користи и против настинка и грип илјадници години наназад. Можеби се сеќавате, додека сте биле деца сте пиеле млеко со цимет при првите знаци на настинка. Следниот пат, додајте цимет во супа или млеко и испијте ги додека се сеуште топли за да ги олесните симптомите.
4. Ги зајакнува когнитивните способности
Главната активна состојка во циметот е цинамалдехид – состојка за вкус што се содржи во гумите за џвакање. Можеби некогаш сте забележале дека при џвакање на гума ви се подобрува концентрацијата и меморијата. Делумно се должи на таа состојка. Следниот пат при учење, можете да додадете цимет во шолја топол чај, салеп или кафе наместо шеќер.
5. Помага за слабеење
Ако сте од оние кои постојано внимаваат на исхраната, тогаш неколку грама цимет дневно се доволни. Може да го додадете во повеќе видови на оброци и јадења и наместо да јадете протеински оброци секој ден, за промена може да подготвите вкусен и ароматичен оброк и на тој начин ќе ја избалансирате диетата. На пример, подгответе си топол оброк или фитнес исхрана и уживајте во секој залак.
6. Го контролира шеќерот во крвта
Циметот може значително да ви помогне за да се изборите со дијатебетесот бидејќи го намалува шеќерот во крвта. Добро е редовно да се конзумира, но нека биде една или половина лажичка на ден. На пример, може да додадете малку цимет во утринската овесна каша или во житарките. Така, ќе можете да уживате во вкусен и воедно здрав појадок.
Дозволена дневна доза на цимет
Како и секоја состојка и намирница, така и цимет се употебува умерено. Препорачаната дневна доза цимет е максимум 6 грама. Секоја количина поголема од умерената, може да се смета несигурна за употреба и може да го оштети црниот дроб. Користете го како зачин или наросете го во следните видови храна: главни јадења, десерти, алкохолни и безалкохолни пијалаци итн.
Заклучок
Можеби не сте размислувале за циметот како лековито билно растение освен како зачин или аромат, но ги содржи сите битни витамини и минерали кои се потребни особено во зимските денови. Затоа, подгответе го омилениот пијалак, наросете малку цимет и уживајте во топлиот дом.
