Луѓето уште од далечното минато ја користеле брусницата како храна и обојувач, а благодарение на многубројните корисни материи кои ги содржи во својот состав, го истакнала и своето благотворно дејство врз човечкиот организам, при што брусницата била користена и како лек.
Бидејќи се покажала како супер храна која го штити организмот од многу болести, завзела централен фокус меѓу експертите ангажирани во областа на храната и здравјето.
Со цел организмот да го искористи целиот капацитет на здравствени придобивки најдобро е да се консумира свежа или сушена брусница, бидејќи при преработка во сокови, ладни чаеви или џемови дејството на хранливите состојки се намалуваат за степен.
Плодот од брусница има горко-кисел вкус и е богат со бројни минерали од кои во најголем процент е застапен калиумот, а дополнитено изобилува и со витамините А и Ц.
На кој начин брусницата му помага на нашето тело?
Брусницата претставува еден од најмоќните антиоксидативни извори.
Антиоксидансите го сочинуваат одбранбениот механизам на организмот од слободни радикали. Слободните радикали претставуваат штетни компоненти што постојани се создаваат како метаболички отпад кој оксидативно ги оштетува клетките и ткивата.
Една од причините за појава на хронични заболувања се токму постојаните оксидативни оштетувања.
Антиоксидативните компоненти на брусницата имаат низа здравствени бенефити: антивоспалителни ефекти и моќно антисептичко дејство.
Кои се придобивките и зошто треба многу почесто да ја внесуваме?
1. Превенција од уринарни инфекции
Експертите утврдиле дека брусницата благотворно влијае врз лечење на простатата и е многу корисна при третман на уринарни инфекции кои најчесто се предизвикани од бактеријата ешерихија коли.
2. Претставува богат нутритивен извор
Нутритивно гледано, 100 грама плод свежа брусница има 46 калории. Брусницата не содржи холестерол и изобилува со витамини.
Свежата брусница е особено богат извор на витамин Ц, витамин Е, манган, бакар, витамин К, витамин Б1, Б2, Б3 Б6, витамин А, калиум, железо, фосфор, цинк, магнезиум, вода 87% итн.
Брусницата е богата со антиоксиданти, кверцетин, селен, кои ги чуваат клетките од оксидативен стрес.
3. Бенефит за кардиоваскуларното здравје
Внесувањето на брусница се покажало дека дејствува врз:
- Намалување на лошиот холестерол (LDL) и зголемување на нивото на добриот холестерол (HDL)
- Олабавување на крвните садови
- Намалување на ризикот од воспаленија во крвните садови
4. Зголемен имунитет
Високата содржина на витаминот Ц кај свежата брусница како и присуството на антиоксиданси овозможуваат правилно функционирање на организмот.
Правилниот и континуиран внес на витамин Ц, во голема мера го намалува времетраењето на грипови, настинки, инфекции, дијареа и др.
5. Го штити желудниот од заболувања
Како што наведовме предходно, составот на брусницата го штити телото од инфекции, меѓу кои доста успешно делува и на бактеријата хеликобактер пилори која е чест проблем меѓу популацијата.
6. Антимикробно и антибактериско делување
Консумирањето на свежа или сушена брусница превенира појава на кариес, спречувајќи ги бактериите да се задржуваат на забите.
На тој начин се намалува создавањето на наслаги, и се зголемува заштитата и здравјето на усната шуплина.
7. Го штити мозокот од деменција
Брусницата е одлична при заштита на здравјето на мозокот и игра клучна улога во одржување на менталното здравје.
Со неутрализирање на штетните радикали со помош на антиоксидансите се зачувува ДНК здравјето притоа што се намалува можноста за појава на воспаление на мозокот, а со тоа се намалува и ризикот од Алцхајмерова болест.
Преку високото присуство на витамин Ц кај свежата брусница се стимулира и комуникацијата помеѓу мозочните клетки при што се подобрува и контролата на движење.