Смоквите се уникатно овошје исполнети со стотици ситни семиња и имаат виолетова или зелена кора за јадење. Внатрешноста на свежите смокви е розова и има благ, сладок вкус. Иако сувите смокви се достапни во текот на целата година, нема ништо како уникатниот вкус и текстура на свежите смокви.
Смоквите не се само главната состојка во многу здрави десерти, туку се вистински кулинарски деликатес, благодарение на неговиот уникатен вкус и текстура.
Видови смокви и каде растат
Смоквите се среќаваат во преубави бои и различни текстури во зависност од видот. Постојат 600 различни видови.
Растат на дрвенесто растение од родот фикус. Тие се разликуваат драматично во боја и во текстура во зависност од сортата. Повеќето смокви се сушат, или со изложување на сончева светлина или преку вештачки процес, создавајќи слатко и хранливо суво овошје во кое може да се ужива во текот на целата година.
За татковина на смоквата се смета југоисточна Мала Азија, односно земјите од источното Средоземје. Од таму е распространета првенствено во пределите со средоземна клима. Смоквата најмногу успева во топлите краишта, во близина нa море, но може да се одгледува и во континенталните предели. Поради тенката кора, таа е осетлива на ниска температура.
Свежите смокви се достапни во текот на есента, додека сувите се достапни во текот на целата година.
Како да ги изберете и чувате
Бидејќи свежите смокви се едни од најхранливите плодови, тие треба да се купат само еден или два дена однапред кога планирате да ги јадете. Побарајте смокви кои имаат богата боја и се дебели и нежни, но не и кашести. Тие треба да имаат цврсти стебла и да немаат модринки. Мирисот на смоквите, исто така, може да ви даде индиции за нивната свежина и вкус. Тие треба да имаат благ сладок мирис и да не мирисаат кисело, што е показател дека може да се расипат.
Најбогати со антиоксиданси се смоквите кои се целосно зрели, бидејќи со зреењето, нивото на антиоксиданси се зголемува.
Зрелите смокви треба да се чуваат во фрижидер каде што ќе останат свежи околу два дена. Бидејќи имаат деликатна природа, треба да ги чувате наредени на чинија и покриени, подалеку од директна сончева светлина, за да не се исушатили згмечат.
Лековита моќ на смоквата
Смоквите содржат многу витамини и минерали. Тие се добар извор на калиум, минерал кој помага да се контролира крвниот притисок. Тој се користи како средство за регулирање на активностите на дигестивниот систем и при кардиоваскуларни заболувања.
Во каква форма може да се конзумираат
Свежи смокви
Свежите смокви се нискокалорични и претставуваат одлична ужинка. Тие се одличен додаток на салати или десерти. Можат да се јадат како додаток во овесна каша или со јогурт и смрзнати овошја. А можат да се јадат како мезе на даска во комбинација со други деликатеси.
Суви смокви
Сувите смокви се богати со шеќер и калории, па затоа треба да се јадат умерено. Тие се одличен избор за ужинка а може да се конзумираат и во овесна каша за појадок. Предноста кај нив е што може да се конзумираат во текот на целата година.
Секојдневното, но умерено користење на сувите смокви има свои придобивки. Смоквите го помагаат слабеењето, го намалуваат крвниот притисок и го подобруваат расположението, благодарение на значителната количина на Б витамините.
Мармалад од смокви
Еден добар начин да се конзумираат смоквите е во форма на мармалад со богат вкус и арома. Одличен е за мачкање на леб, но супер се комбинира и со многу десерти, разни штрудли, колачи и торти. Доколку немате време сами да го приготвите, во маркетите може да се најдат преубави мармалади.
Слатко од смокви
Вистински деликатес е слаткото од зрели смокви. Рецептите датираат од времето на нашите баби. Истовремено вака приготвените смоквите можат да се користат во разни десерти и пити.
Листови од смокви
Листовите од смоквите се особено корисни. Најпрактичен начин за нивно користење е да се користат исушени во чаеви. Исклучително се корисни за организмот.