Летото заврши и време е да го подготвиме домот за зимата која доаѓа. Во продолжение се неколку активности што е пожелно да ги вклучиме во есенското чистење на домот, за да уживаме во пријатен и чист дом во периодот што следи.
Чистење на простории
Во студените месеци од годината стандардно поминуваме многу повеќе време дома. Ова е причината зошто есенско чистење на домот е нешто што е неопходно. Чистење на теписи, тапацир, душеци, прозорци, ролетни, завеси, чистење и организирање на гардеробери и ормари. Големата палета на средства за чистење и помагала во маркетите го олеснуваат овој процес.
Врати и прозорци
Правилната изолација е важна ако сакате да го загреете домот во зима. Ова е причината зошто сега е најдобро време да ја проверите состојбата на вратите и прозорите, да направите нивно периодично чистење и да проверите дали добро се затвораат истите.
Проверете го ормарот за лекови, козметика и препарати за лична хигиена
Друга важна работа што треба да се вклучи во есенската листа на задачи за чистење е да ги проверат резервите на лекови. Разгледајте ги сите шишиња и кутии. Проверете го рокот на траење и фрлете сè што е со веќе изминат рок. Може да купите лекови за настинка, температура, главоболка, капки за нос и витамини, за да бидете подготвени за зима.
Истото важи и за козметичките препратати, шминки, препарати за лична хигиена. Сè она што е со изминат рок на траење или е отворено повеќе од препорачаниот период на користење после отварањето, слободно може да го исфрлите.
Организирајте ја облеката, постелнината и ќебињата
Време е да ја соберете целата летна облека и да ја извадите зимската. Притоа внимавајте онаа која ја прибирате да биде чиста и сува. По потреба исперете сè она што е веќе износено и по потреба третирајте ги флеките на облеката со посебно средство, бидејќи следната сезона најверојатно ќе биде предоцна.
Добро исчистете ги сандалите и другите летни обувки пред да ги тргнете во хартиени кеси или кутии. Секогаш кога сте кратки со време, слободно користете марамчиња за чистење кои се за еднократна употреба, па не мора да ги перите по завршување на чистењето.
Извадете ги дебелите ќебиња и јоргани и со тоа сте подготвени за ниските температури.
Средување и чистење на дворот и мебелот за градина
Во текот на зимата нема да ви требаат столчињата и масата во градината. Покрај тоа, ниската температура и влажноста можат да ги оштетат, со што ќе им се скрати животниот век. Ова е причината зошто е пожелно да направите чистење на истите и соодветно да ги покриете и да ги складирате на суво место. Истото ова важи и за опремата и алатките за градинарство.
Уште една работа што нема да можете да ја користите во есен и зима е скарата. Пожелно е најпрво да ја исчистите со соодветно средство за чистење скара и да ја складирате ја за следната сезона.
Цвеќињата кои се повеќегодишни, исто така потребно е да се скадираат во текот на зимата. Начинот на нивно складирање зависи од просторијата каде што ќе се складираат истите. Тоа може да биде просторија со светлина и топлина каде што ќе продолжат да растат, или ќе складираат во подрум или гаража каде што ќе мируваат за време на зимскиот период.
Чистење и организација на вашата гаража
Не заборавајте ја гаражата кога го чистите вашиот дом и го подготвувате за зима. Одвојте малку време за да ја исчистите и реорганизирате вашата гаража. Ќе биде полесно да се складира вашата спортска опрема, градинарски мебел, цвеќиња и други работи што нема да ви требаат во текот на сезоната, ако сè си има свое место.
Решете ги евентуалните проблеми со влажност во домот
Влажноста и последователно појавата на мувла во домот може да предизвика сериозни проблеми. Таа може да го расипе мебелот, подот и ѕидовите во вашиот дом. Покрај тоа, долгата изложеност на мувла е поврзана со сериозни здравствени проблеми. Високото ниво на влажност и кондензација во студено време се најчестите причини за појава на мувла во затворен простор.
Секако дека е најважно да се елиминира изворот на влага во домот, но појава на мувла во текот на зимската сезона може да се одстрани и со средство против мувла.
Последна шанса за мали реновирања
Првите есенски недели се најдобро време да се поправат малите проблеми околу куќата или мали реновирања во домот.
Се надеваме дека сега можете да се осигурате дека вашиот дом ќе биде чист и во текот на зимските месеци, што го прави совршено место за одмор и релаксација кога времето надвор е тмурно, студено и влажно.